Angluno lil kaj le korintushicka
capítulo 7
O kristianicko ansuripe
verso 1
So pale pa kodo vorbil, so iskirisardine mange, kodo phenav: lashoj le manusheske kana romnyate chi resel.
verso 2
Ba anda marhipe apol sakone mursheske te avelles romnyi, haj sakona romnya te avel rom.
verso 3
O rom te del peska romnyake sosa kamel, zhikade vi e romnyi peske romeske.
verso 4
La romnya najla saktimo pe lako trupo, ba le romes si; zhikade chi le romes naj saktimo pe pesko trupo, ba la romnya si.
verso 5
Na inkerdyontar jekhavrestar, numa anda jekh kamipe pekh vrama, ke la rudyimatake te trajisaren; pala kodo aven pale kethanes, ke o shatano tena zumavel tumen anda kodo, ke chi zhanen tumen palpale te inkren.
verso 6
Kado pale kade phenav, sar muklimata, na sar vladipe.
verso 7
Ke kodo fajas man, ke sakon kasavo te avlas, sar me, ba sakones pestarutno tofnipe siles kathar o Del: le jekhes kasavo, le kaveres pale kaver falo.
Biromnyipe, ansuripe, shindyipe
verso 8
Le bi romnyangirenge haj le phivjenge pale kodo phenav: Lashoj lenge kana kade ashon, sar vi me.
verso 9
Ba kana chi inkren pen palpale, te phanden atunchi ansuripe; ke majlashi butyij te phanden ansuripe, sar te phabon.
verso 10
Kodalenge pale, kon ando ansuripe trajin, na me vladisarav, ba o Raj, ke e romnyi kathar o rom tena shindyoltar
verso 11
– kana pale shindyoltar, te ashol bi ansurimako, bake te pachardyol avri peske romesa –, haj chi o rom tena bishalel peska romnya.
verso 12
Le majbutenge apol me phenav, na o Raj: Kana varisave phrales murtikani romnyi siles, haj kodi kamel lesa te beshel, tena bishalel kodala;
verso 13
haj kana varisava romnya murtikano rom sila, haj kamel kodo te beshel lasa, tena mukel peske romes.
verso 14
Ke o murtikano rom suntosardyol perdal pa peski romnyi, haj e murtikani romnyi suntosardyol perdal pa pesko rom. Ke kaver falos tumare shave biuzhe avnas, ba sunturaj.
verso 15
Ba kana o murtikano shindyoltar, te shindyoltar numa. Ke le phrales bake phenya ande kadi traba nashtig vazden po slugipe, ke po pachipe akhardas amen o Del.
verso 16
Ke kathar zhanes tu romnye, ke shaj muntos tye romes? Bake kathar zhanes tu mursh, ke shaj muntos tya romnya?
Le Devlesko akharipe haj le akhardengo trajo
verso 17
Apolal te trajil sakon kade, sar o Raj das kodo leske, sar o Del akhardas les. Kado sityarav ande sako eklezhia.
verso 18
Sar krujalshindo las varikon o akharipe? Tena nacharel pesko krujalshinipe! Bi krujalshinimasko las varikon o akharipe? Tena shinavel krujal pes!
verso 19
O krujalshinipe khanchij, haj vi o bi krujalshinipe khanchi si, feri le Devleske vladimata si so andre trubuj te inkren.
verso 20
Sakon te ashol ande kodo akharipe, ande soste akhardyilas.
verso 21
Sar roboski sluga lan o akharipe? Na grizhontu lesa; haj vi slobodeske te kerdyosas, barem kado trajisar opre.
verso 22
Ke kon sar roboski sluga las akharipe ando Raj, kodo le Rajesko slobodarij: zhikade, kon sar slobodo manush las akharipe, kodo le Kristoske roboski slugaj.
verso 23
Baro sas tumaro paruvjikano potyinipe! Tena aven manushenge slugi!
verso 24
Sakon te ashol ande kasavo akharipe angla o Del, ande soste akharipe reslas.
Le nyeve ansurimaske pushlimata
verso 25
Pe le shejora naj man vladipe kathar o Raj, ba vorba vi kade dav, sar kon jertipe reslom kathar o Raj, te patyan mange.
verso 26
Kodo inkrav apol lasha butyake, ke mishtoj le manusheske kade te ashol.
verso 27
Kaj romnyi san phanglo? Na rode o shindyipe. Bi romnyako san? Na rode romnya.
verso 28
Romnya te lesa, na bezexar; haj kana sunto romeste zhal, chi bezexardas. Ba kadalenge truposke dukha avnale, ma pale kamav te ferisarav tumen.
verso 29
Kodo phenav apol, phralale: E vrama skurtoj. Pala kado vi kodala, kas romnyi si, te aven kasave, sar tena avlas len,
verso 30
haj kon roven, sar tena rovenas, kon losshan, sar tena losshanas, kon kinen, sar kas tena avlas khanchi,
verso 31
haj kon trajin kadala lumasa, sar tena trajinas lasa: ke nacholatar kadi luma.
verso 32
Man pale kodo fajas, ke bi gindoske te shaj trajinas. Kas naj romnyi, pe kodo gindisarel, ke soj le Rajesko, ke sar fajas le Rajeske.
verso 33
Kas pale romnyi siles, pe kodo gindil, so la lumakoj, ke sar fajas leska romnyake,
verso 34
kade rigako kerdyola. Bi romesko, vi e romnyi haj vi e shej pe kodo gindil, so le Rajeskoj, ke ando trupo haj ando duho sunto te avel; ba kon romeste si, pe kodo gindil, so la lumakoj, ke sar te avel po fajlipe peske romeske.
verso 35
Kado anda tumende phenav, haj na anda kodo, ke te xoxavav tumen, ba anda kodo, ke patyivales te trajin, haj jekhtune ilesa te pashardyon kaj o Raj.
verso 36
Haj varikon kodo te gindilas, ke trubujas te lazhalpe anda peski shej, ke nachilas pa late e vrama, haj trubuj te pecisardyol, te kerel apol so kamel. Chi bezexarela: phanden numa ansuripe.
verso 37
Ba kon zurales patyal ande pesko ilo, haj naj chi sosko trubuipe, ba saktimo te siles pe peste, kodo shutas opre ande pesko ilo, ke inkrel peska suntona sheja, mishto kerel.
verso 38
Apol kon romeste del peska sha, vi kodo mishto kerel; ba kon chi della romeste, kodo inke majfeder kerel kodo.
verso 39
E romnyi tele si phangli zhikaj lako rom trajil; ba lako rom te merela, slobodo romeste shaj zhal, kaste numa kamel, ba feri ando Raj.
verso 40
Ba me kade gindisarav, ke maj baxtali avla, kana korkori ashola. Patyav, ke vi ande mande le Devlesko Duho si.
Libros
