Dujto lil kaj le korintushicka

Capítulos:

… 8 9 10 11 12 13   ⇤ ← 10 → ⇥

verso 1

Pe Kristosko blindope haj po palpaleinkripe mangav tumen, me o Pal, kon ande jakha palpale inkerdo som mashkar tumende, ba kana dur phirav tromano som tumenca:

verso 2

mangav tumen, ke kana maj tumende avo, tena trubuj tromaneske te avav mashkar tumende, kasava zorasa, sosa kade gindisarav, tromano shaj avav unyizhenenca, kon kade gindinpe pamende, sar ame kathar o trupo te phirasas.

verso 3

Apol vi ando trupo te phiras, na kathar o trupo marasame.

verso 4

Ke amare marimaske mudvara na kathar trupo si, ba kathar o Del si zurale pe zorimaske tele rumusardyimata. Amare maripesa tele rumusaras le avri gindimata,

verso 5

haj sako uchipe, so pe Devlesko pinzharipe opre vazdadyolpe, haj phangleske keras sakone hatyrimata, pe le Kristosko muklipe.

verso 6

Gata sam te krisaras sakono bi muklipes, kana intrego avla tumaro muklipe.

verso 7

Dikhen kodo, so angla tumare jakha si! Kana varikon kodalesa zuralel pes, ke le Kristosko si, te gindisarel ande peste vi kodo, ke sar voj le Kristosko si, kade vi ame kodal sam.

verso 8

Ke vi varisosa maj but te asharavma amare saktimosa, so o Raj pe tumaro vazdadyipe, haj na rumuvjipe das, chi lazhardyuvos.

verso 9

Ba chi kamav kodo dichipe te resav, ke numa daravav tumen le lilenca.

verso 10

Ke „le lila apol – phenen – pharej haj zuralej, ba lenge trupasle dichimata slaburaj, haj lenge vorbi nasulaj.”

verso 11

Te gindil kasavo pe kodo, ke soske sam kana dur sam ande amare lila, vorbenca, kasave avasa vi kana kothe avasa, kerdyimatanca.

verso 12

Ke ame chi tromas amen kaj kodal te ginavas bake te anaras, kon pen inbisaren: ba chaladipe keren, ke pende ginaven haj pende anaren pen.

verso 13

Ba ame chi asharas amen zurales, numa kade, so o Del sikadas avri amenge, ke vi tumende te resas.

verso 14

Ke ame chi butardyuvas avri pe tumende, sar tena reslosardamas tumende, ke vi tumende reslam le Kristoske evangeliumosa.

verso 15

Chi asharas amen kaverenge butyasa, ba inkerdyol inke amaro sperantipe, ke te barardyola tumaro patyape, atunchi ando barvalo patyivipe avla amen rig mashkar tumende ande amara butyate.

verso 16

Atunchi vi tumendar maj durutne thana viacarasa o evangeliumo, bi kodo, ke ande strinemata aba le kerde butyanca te asharasas amen.

verso 17

Kon pale asharelpe, ando Raj te asharelpe:

verso 18

ke na kodaleske perelpe patyivipe, kon pes inbil, ba kas o Raj inbil.

Capítulos:

1 2 3 4 5 6 7 8 9 10 11 12 13