Lil le biboldenge
capítulo 6
verso 1
Kade apol, rigate shas le Kristoske sityarimaske riga, haj pe majfedera trabi zhas perdal, haj chi shas pale tele o fundo anda mule trabi kerdyilino Del patyamnipe,
verso 2
pa bolimatango sityaripe, haj pa vastesko opre shutipe, pa mulengo opretrajisaripe haj pa sagutno krisaripe.
verso 3
Vi kado kerasa, o Del te mukela.
verso 4
Ke bi shajipe si kodo, ke kon varikana fimlalisardyiline, zumadine o rajuno dimatipe, resline le Suntone Duhos,
verso 5
haj zumadine le Devleski kuch alava haj le avlimaske lumaki zor,
verso 6
pal kodo vi kade pelinetar, ke pale te nyevjardyon po bezexbunuipe. Ke von pale po trushul tannaren le Devleske Shaves, sar pe lende tordyol, haj avri prassan les.
verso 7
Ke kodi phuv, savi andre pel o brishind, haj lasho vegetato barol kodalenge, kon lasharen len, kathar o Del ashtyilipe resen;
verso 8
ba kodo savo kanro haj churindi upajil, tele dikhlimasko si, armaja krujinles, haj leski zheja kodi si, ke ande jag phabardyolatar.
verso 9
Ba tumendar, mure kamade, majlasho sperantisaras, apol kodo, so majpashe si kaj o muntuipe, ba vi kade, ke kade vorbisaras.
verso 10
Ke o Del naj bi chachimasko, ke te bisterdyol pa tumaro kerdyipe haj pa kamipe, so ande lesko anav chachardine, kana le suntonge slugisardine haj vi slugin.
verso 11
Kodo dorosaras, ke mashkar tumende savorazhene zhikodo muklipe te kerel zhi kaj o agor, zhikaj o sperantipe andre chi pherdyol,
verso 12
haj tena aven khanchikerdine, ba zhan pala kodal, kon perdal pa patyape haj pa pachimasko toleranshipe rigasle si la vorba dimatake.
O paratnimope, so andre pherdyola
verso 13
Ke kana o Raj le Abrahameske das peski vorba, apol ke lestar nas khonyik majbaro pe kaste te del colaxa, pe peste das colaxa:
verso 14
„Bater, ashtyilisardines ashtyilisarav tut haj butindes butarav tut.”
verso 15
Kodo pale pachikanes reslas o paratnimope.
verso 16
Ke le manusha pendar po majbaro colaxaren, haj lenge xapengo agor sagda e zurali colax si.
verso 17
Anda kado o Del, ke andre te sikavel le paratnimaske arandomenge peske gindimasko bi kaver kerdyipe, colaxasa phanglaspe tele,
verso 18
ke kathar duj kaver nashtig kerdyiline butya, ande soste o Del nashtig xoxavel, chachikanes zuralo ushoripe te avel amen, kon kamas te resas e angla amende shutini sperantimata.
verso 19
Kado si amare duhosko capeno inkripe, so zhi ando andralutnipe andre resel,
verso 20
kaj sar amaro anglalari, anda amende ushtyilas andre o Jezush, kon sar kathar le Melkizeda ang rashaj kerdyilas sagutnes.
Libros
