Janosheske viziovura
capítulo 13
O duj turbatopedo
verso 1
Atunchi dikhlom, ke jekh turbatopedo hural opre anda mara, saves efta shere haj desh shinga sasles, pe leske shinga desh krajicka koroni, pe leske shere pale le kushlimatange anava.
verso 2
O turbatopedo, so dikhlom, cirdelas po parduco, leske punre sar le rizheske te avilinesas, lesko muj pale, sar le levosko muj, haj o drako leske das peski zor haj saktimo.
verso 3
Dikhlom, ke mashkar leske shere jekh zurales shindo sas, ba sastyilas.
E intrego phuv baridikhlines zhalas pala o turbatopedo.
verso 4
Luvudyinas le drakos, kon saktimo das le turbatonepedos, haj luvudyinas le turbatonepedos, haj kade dine duma: „Kon anel po turbatopedo, haj kon shaj marelaspe lesa?”
verso 5
Bare butya haj kushlimata phendo muj dine leske, haj saktimo las pe pecimata zhikaj le shtarvardesh thaj duj shon.
verso 6
Po kushlipe puterdas pesko muj po Del, ke te kushel lesko anav haj lesko kher haj kodalen, kon ando cheri si.
verso 7
Davadyilas leske, ke te marelpe le suntonca, haj tele te marel len. Saktimo las pe sakono kunpanija, popularo, shib haj kethanipe.
verso 8
Haj luvudyija les la phuvake sakono zhuvindo, kasko anav naj andre iskirime ande mudarde Bakreski trajimaski hertija zhikathar la lumako anglipe.
verso 10
Kaske ando phanglipe trubuj te zhal, kodo ando phanglipe zhal,
kaske kathar o xanro trubuj te merel,
kodales xanresa trubuj te mudaren.
– Kadoj le suntongo pachako toleranshipe haj patyape. –
verso 11
Atunchi dikhlom, ke jekh kaver turbatopedo hural opre anda phuv, saves duj shinga sas, kasave sar le Bakreske, ba kade vorbilas, sar o drako.
verso 12
Kadaleskoj le anglune turbatopedosko intrego saktimo ande lesko anav, haj opre lel la phuva haj la phuvake zhuvinden, ke te luvudyisaren le anglune turbatonepedos, savesko mulikano shinipe sastyilas.
verso 13
Bare somnura kerelas, haj inke vi kodo kerdas, ke jag te hural tele anda cheri, angla manushenge jakha.
verso 14
Peste xoxavel la phuvake zhuvinden somnonca, pe soste saktimo las, ke te kerelles angla o turbatopedo, haj kodo te phenel la phuvake zhuvindenge, ke te keren kodale turbatonepedosko amalmosuripe, saves kathar o xanro shindo shinipe siles, ba chi mulas.
verso 15
Saktimo las, ke duho te del le turbatopedoske amalmosuripeske, haj duma te del le turbatopedosko amalmosuripe, haj te shaj mudaravel kodalen, kon chi luvudyisaren le turbatopedosko amalmosuripes.
verso 16
Kerel kodo, ke sako cino haj baro, barvalo bake chorro, slobodo haj sluga somno te phiravel pe pesko chacho vast bake chikat;
verso 17
haj khonyik nashtig te kinel bake te biknel, kana chi phiravel le turbatopedosko somno bake anav, bake leske anavesko numero.
verso 18
– Kadoj o platnikipe. Kas si godyi, te ginavel avri le turbatopedosko numero; ke manushesko numero si kodo, haj lesko numero e shovshela thaj shovardesh thaj shov si. –
Libros
