Dujto lil kaj le korintushicka
13. fejezet
Le aposhtolikane saktimosa kerdi butyi
1. vers
Aketa, akanak po trito zhav tumende:”Duj bake trin chacharimasko phenipe te agorisarel sakono pecipe”.
2. vers
Anglalutnes vorbisardom aba, haj akanak anglal avri phenav, sar kana po dujto somas kothe, akanak vi ande muro durutnaripe kodalenge, kon majdulmut bezexardine, haj vi le majbutenge, ke akanak pale kothe te zho, chi avo muklano.
3. vers
Ke kodalesko somno roden, ke anda mande o Kristo vorbisarel, kon tumenca naj slabo, ba zuraloj mashkar tumende.
4. vers
Ke chaches anda bi zoripe po trushul tannardine les, anda Devleski zor trajil. Vi ame bi zorake sam ande leste, ba trajisarasa lesa kethanes anda Devleski zor anda tumende.
5. vers
Tumen dikhen perdal, dore ando patyape sanle: tumen zumaven avri. Bake chi pinzharen opre pe tumende, ke o Jezush Kristo ande tumende si? Kana na, atunchi chi tordyiline avri o zumavjipe.
6. vers
Ba kodo sperantisarav, ke oprepinzharen, ke ame avri tordyilam o zumavjipe.
7. vers
Mangas le Devles, ke khanchi nasul tena keren, na anda kodo, ke ame avrizumavjisardenge dichuvas, ba anda kodo, ke tume te keren o lasho, ame pale mukh te dichuvas avri na zumavjisardenge.
8. vers
Ke khanchi nashtig keras po chachipe, numa anda chachipe.
9. vers
Haj losshas, kana ame bi zorake samle, tume pale zurale san: vi rudyisaras anda tumaro federipe.
10. vers
Anda kodo iskirisarav sa kado ande muro durutnaripe, ke kana kothe avo, tena trajisarav capenyisardes kodale saktimosa, so o Raj mange po vazdadyipe das, haj na po rumusaripe.
Phandadi vorba haj ashtyilipe
11. vers
Apolal, phralale, losshan, aven federa, zuraren jekhavres, aven jekh-hatyarde, trajin ando butipe, haj le kamipesko haj pachimasko Del tumenca avla.
12. vers
Drobovjisaren jekhavres suntone chumindesa. Drobovjisaren tumen le suntura savorazhene.
13. vers
Le Raj Jezush Kristoski gracija, le Devlesko kamipe haj le Sunto Duhosko kethanipe te avel savorazhenenca!
Könyvek
