Lil le biboldenge
9. fejezet
Le Dulmutane Teshtamentosko delpatyivisaripe
1. vers
Sas apol vi le majangluneske delpatyivisarde krisa haj kathar lumake sunci thana,
2. vers
ke opretordyardine e cerha, e angluni, ande soste sas phabardi, mesalya haj avrishutine manre; kadales anavaren suntone thaneske.
3. vers
Pala dujto colo pale kodi cerha si, so suntonge suntoske anavaren,
4. vers
ande soste le somnakajesko thuvardo haj la konvencijako shifonyi sas, pe sako rig somnakajesa sas avri mardo, ande kado pale e somnakuni vedra sas ande soste e manna inkrenas, le Aroneski avriluludyasli rolyi, haj la konvencijake skundura.
5. vers
Opral pe lene le luvudyimaske kerubura sas, save andre ushajinisarenas lesko opralutnipe; sa pa kado akanak pa jekh po kaver chi trubuj te vorbisaras.
6. vers
Haj ke kadal kade sas lashardine, ande angluni cerha sagda andre ushtyavenas le rashaja, ke te lasharen le sarkafimosko slugipe;
7. vers
ba ando dujto aba andekh bersh numa jekhar, feri korkoro o angrashaj, haj chikana na bi ratesko, so andre sikavel anda pesko haj anda popularenge bezexa.
8. vers
Kadalesa kodo kamelas te somnosarel o Sunto Duho, ke kaj o sunto than ingerdo dom zhikaj kodo chi dicholas, zhikaj e angluni cerha opretordyolas.
9. vers
Kado somno si vi kadale vramenge, kana kasave dimata haj sarkafimura sikaven andre, save le andre sikavares ande duhosko hatyaripe nashtig vazden les federeske,
10. vers
ke kadal numa anda xamasko haj pimata haj anda thovjimata tordyonas, apolal anda trupikane angle iskirimata; kadal zhikaj o andre pherdyipe sas dosta.
Le Kristosko jekhtuno sarkafimo
11. vers
Ba o Kristo sar le avlimaske anglrashaj sikadyilas, anda majbari haj majfeder, na vastenca kerdi cerha perdal,
12. vers
china na perdal pa bakrengo bake vicavengo rat, ba perdal pa pesko rat gelas andre jekhtunes haj sagutnes po sunto than, haj sagutno fimlalipe kerdas.
13. vers
Ke perdal pa bakrengo bake bikongo rat, haj pa vicavengo shordino praho le biuzhen suntosarel pe truposko uzhardyipe,
14. vers
sodivar majfeder kerla le Kristosko rat, kon perdal pa sagutno Duho pes das uzhe sarkafimoske le Devleske, ke te uzharel amare duhosko hatyaripe kathar le mule pecimata, haj le trajinde Devleske te slugisaras!
15. vers
Kade apol jekhe Nyeve Teshtamentosko perdal dinari si: voj, kon peske merimasa slobodisardas amen kathar kodal kris oprephaglipe, so tala o angluno Teshtamento pecisajlinetar, ke le akharde te resen le sagutnes inkerdino arandimosko para paratnipe.
16. vers
Ke kaj o palunovladipe si, kothe andre trubuj te pecisardyol le vladisaresko meripe.
17. vers
O palutnovladipe numa ando meripe pherdyol andre, zhikaj kodo chi pherdyol andre, zhikaj trajil o vladisari.
18. vers
Kade chi le anglunes chi suntosardine opre bi ratesko,
19. vers
ke vi o Mozesh pala soste opreginadas la krisako sako vladipe le intregone manushenge, xutyildas le vicavengo haj bakrengo rat, haj paji, loli postila haj izhopo shordas pe peste, le kethane vulusardine iskirimatan haj le intregone manushen,
20. vers
haj mashkarutnes kado phendas:”Kado le Teshtamentosko rat si, so o Del vladisardas pe tumari rig”
21. vers
Vi la cerha haj sa le delpatyivisardenge inshtrumenta zhikade tele shordas ratesa.
22. vers
Ke e kris kodo phenel, ke majna sako butyi kathar o rat uzhosardyol, ke bi ratesko naj bezexjertipe.
23. vers
Trubusardas apol ke le chereske mosurimatan kasavenca te uzharen: le cherikane butyan pale kathar kadal majrajkane sarkafimonca.
24. vers
Ke o Kristo na ando kathar e vast kerdino sunto than ushtyilas andre, so le sipesko numa somnope si, ba voj ando cheri gelas, ke akanak angla o Del te sikadyol anda amende;
25. vers
haj chi na anda kodo, ke butivar opre te sarkafimosarel pes, sar o angrashaj ande sako bersh andre zhal po sunto than strenone ratesa;
26. vers
ke kade butivar trubusardino te dukhardyol kathar la lumako anglalipe; kade pale jekhar sikadyilas ande vramengo intregonipe, ke peske sarkafimosa te kosel e bezexa.
27. vers
Haj ke angle si gindisardo, ke le manusha jekhar trubuj te meren, haj pala kodo avel o krisaripe,
28. vers
kade vi o Kristo jekhar kerdyilas sarkafimoske, ke butenge bezexa te lel: po dujto bi bezexako sikadyola pe kodalengo muntosardyipe, kon les zhukaren.
Könyvek
