Janoshesko angluno lil

capítulo 2

Capítulos:

Mure shavora, kadal anda kodo iskirisarav tumenge, ke tena bezexaren. Ba vi te bezexardas varikon si amen vorbari kaj o Dad, o Jezush Kristo, o chacho.

verso 2

Voj si o ushoripe anda amare bezexa, ba na feri anda amare, ba vi anda intregone lumake bezexa.

O chacho devlikano pinzharipe

verso 3

Anda kodo zhanas avri, ke pinzharas les, ke andre te inkrasa leske vladimata.

verso 4

Kon kodo phenel: „Pinzharav les”, ba leske vladimata chi inkrel andre, kodo xoxamnoj, haj naj ande leste chachipe.

verso 5

Ba kon andre inkrel leske Alaves, ande kodo le Devlesko kamipe chachikanes feder si, anda kado zhanas avri, ke chachikanes ande leste sam.

verso 6

Kon kodo phenel, ke ande leste ashol, kodaleske vi kade trubuj te trajil, sar voj trajilas.

O nyevo vladipe

verso 7

Mure kamade! Na nyevo vladipe iskirisarav tumenge, ba dulmutano vladipe, so zhikathar o anglalipe pinzharenas. O dulmutano vladipe o alav si, so ashundine.

verso 8

Ba vi nyevo vladipe iskirisarav tumenge, haj kado vi pe leste inkerdyol, haj vi pe tumende, ke o tunyarikipe nachilastar, haj o chcho fimlalipe fimlalisarel aba.

verso 9

Kon kodo phenel, ke ando fimlalipe si, haj rucil peske phrales, kodo inke vi akanak ando tunyarikipe si.

verso 10

Kon kamel peske phrales, kodo ando fimlalipe ashol, haj chi kerela peske phralesko pustipe.

verso 11

Ba kon rucil peske phrales, kodo ando tunyarikipe si, ande tunyarikipe phirel, haj chi zhanel kaj zhal, ke o tunyarikipe korrardas leske jakha.

O Kristo haj e luma

verso 12

Iskirisarav tumenge mure shavora, ke jertimata resen tumare bezexa anda lesko anav.

verso 13

Iskirisarav tumenge dadale, ke pinzhardine kodo, kon zhikathar o anglalipe si. Iskirisarav tumenge ternale, ke tele mardine le nasulipes.

verso 14

Iskirisardom tumenge cine shavorale, ke pinzhardine le Dades. Iskirisardom tumenge dadale, ke pinzhardine kodales, kon kathar o anglalutnipe si. Iskirisardom tumenge ternale: zurale sanle, le Devlesko alav ashilas ande tumende, haj le nasulipes tele viktornisardine.

verso 15

Na kamen la luma, haj chi kodo, so ande late si. Kana varikon kamel la luma, ande kodo naj ande leste le Dadesko kamipe,

verso 16

ke sakofalo, so si ande luma, le truposko le jakhengo dorope si haj le trajosko phutyaripej. Kado na kathar o Dad, ba kathar e luma si.

verso 17

Kadi luma nacholtar, haj nacholtar vi lake doromata. Ba kon le Devlesko kamipe kerel, ashola sagutnes.

Le xoxamne sityarengo sityaripe

verso 18

Mure shave, kathej o paluno chaso! Haj sar ashundine ke avel o Antikristo, vi vazdadyilas aba but antikristo. Anda kado zhanas, ke kathej o paluno chaso.

verso 19

Mashkar amende aviline angle, ba na mashkar amende sasle von. Mashkar amende te avilesas, atunchi amenca ashilinesas: ba avritrubusajlas te zhanardyol, ke na savorazhene si mashkaramende.

verso 20

Ba tume opre sanle makhline kathar o Sunto, haj savorazhene zhanen kado.

verso 21

China na anda kodo iskirisardom tumenge, sar tena pinzharenas o chachipe, ba sar kodalenge, kon pinzharenles, haj vi kodo, ke khanchi xoxavjipe chi avel avri anda chachipe.

verso 22

Kon si o xoxamno, kana na kodo, kon asvikarel, ke o Jezush si o Kristo? O Antikristo si kodo, voj asvikarel le Dades haj leske Shaves.

verso 23

Kana varikon asvikarel le shaves, atunchi chi o Dad naj lesko: kana varikon patyal le Shaves, atunchi vi o Dad leskoj.

verso 24

So kathar o anglalipe ashundine, te ashol ande tumende. Te ashola ande tumende kodo, so kathar anglalipe ashundine, vi tume ashona ando Shavo haj ando Dad.

verso 25

Kadij kodi vorba, so voj das amenge: o sagutno trajo.

verso 26

Sa kadal pa kodal iskirisardom tumenge, kon xoxaven tumen.

verso 27

O makhlipe, so lestar line, ande tumende si, haj vi ande tumende ashola, kade chi trubul tumenge, ke vi varikon te sityarel tumen. Pe soste lesko makhlipe sityarel tumen, kodo chachoj haj naj xoxavjipe. Sar voj sityarelas tumen, ashon ande leste!