Janoshesko angluno lil

2. fejezet

Fejezetek:

Mure shavora, kadal anda kodo iskirisarav tumenge, ke tena bezexaren. Ba vi te bezexardas varikon si amen vorbari kaj o Dad, o Jezush Kristo, o chacho.

2. vers

Voj si o ushoripe anda amare bezexa, ba na feri anda amare, ba vi anda intregone lumake bezexa.

O chacho devlikano pinzharipe

3. vers

Anda kodo zhanas avri, ke pinzharas les, ke andre te inkrasa leske vladimata.

4. vers

Kon kodo phenel: „Pinzharav les”, ba leske vladimata chi inkrel andre, kodo xoxamnoj, haj naj ande leste chachipe.

5. vers

Ba kon andre inkrel leske Alaves, ande kodo le Devlesko kamipe chachikanes feder si, anda kado zhanas avri, ke chachikanes ande leste sam.

6. vers

Kon kodo phenel, ke ande leste ashol, kodaleske vi kade trubuj te trajil, sar voj trajilas.

O nyevo vladipe

7. vers

Mure kamade! Na nyevo vladipe iskirisarav tumenge, ba dulmutano vladipe, so zhikathar o anglalipe pinzharenas. O dulmutano vladipe o alav si, so ashundine.

8. vers

Ba vi nyevo vladipe iskirisarav tumenge, haj kado vi pe leste inkerdyol, haj vi pe tumende, ke o tunyarikipe nachilastar, haj o chcho fimlalipe fimlalisarel aba.

9. vers

Kon kodo phenel, ke ando fimlalipe si, haj rucil peske phrales, kodo inke vi akanak ando tunyarikipe si.

10. vers

Kon kamel peske phrales, kodo ando fimlalipe ashol, haj chi kerela peske phralesko pustipe.

11. vers

Ba kon rucil peske phrales, kodo ando tunyarikipe si, ande tunyarikipe phirel, haj chi zhanel kaj zhal, ke o tunyarikipe korrardas leske jakha.

O Kristo haj e luma

12. vers

Iskirisarav tumenge mure shavora, ke jertimata resen tumare bezexa anda lesko anav.

13. vers

Iskirisarav tumenge dadale, ke pinzhardine kodo, kon zhikathar o anglalipe si. Iskirisarav tumenge ternale, ke tele mardine le nasulipes.

14. vers

Iskirisardom tumenge cine shavorale, ke pinzhardine le Dades. Iskirisardom tumenge dadale, ke pinzhardine kodales, kon kathar o anglalutnipe si. Iskirisardom tumenge ternale: zurale sanle, le Devlesko alav ashilas ande tumende, haj le nasulipes tele viktornisardine.

15. vers

Na kamen la luma, haj chi kodo, so ande late si. Kana varikon kamel la luma, ande kodo naj ande leste le Dadesko kamipe,

16. vers

ke sakofalo, so si ande luma, le truposko le jakhengo dorope si haj le trajosko phutyaripej. Kado na kathar o Dad, ba kathar e luma si.

17. vers

Kadi luma nacholtar, haj nacholtar vi lake doromata. Ba kon le Devlesko kamipe kerel, ashola sagutnes.

Le xoxamne sityarengo sityaripe

18. vers

Mure shave, kathej o paluno chaso! Haj sar ashundine ke avel o Antikristo, vi vazdadyilas aba but antikristo. Anda kado zhanas, ke kathej o paluno chaso.

19. vers

Mashkar amende aviline angle, ba na mashkar amende sasle von. Mashkar amende te avilesas, atunchi amenca ashilinesas: ba avritrubusajlas te zhanardyol, ke na savorazhene si mashkaramende.

20. vers

Ba tume opre sanle makhline kathar o Sunto, haj savorazhene zhanen kado.

21. vers

China na anda kodo iskirisardom tumenge, sar tena pinzharenas o chachipe, ba sar kodalenge, kon pinzharenles, haj vi kodo, ke khanchi xoxavjipe chi avel avri anda chachipe.

22. vers

Kon si o xoxamno, kana na kodo, kon asvikarel, ke o Jezush si o Kristo? O Antikristo si kodo, voj asvikarel le Dades haj leske Shaves.

23. vers

Kana varikon asvikarel le shaves, atunchi chi o Dad naj lesko: kana varikon patyal le Shaves, atunchi vi o Dad leskoj.

24. vers

So kathar o anglalipe ashundine, te ashol ande tumende. Te ashola ande tumende kodo, so kathar anglalipe ashundine, vi tume ashona ando Shavo haj ando Dad.

25. vers

Kadij kodi vorba, so voj das amenge: o sagutno trajo.

26. vers

Sa kadal pa kodal iskirisardom tumenge, kon xoxaven tumen.

27. vers

O makhlipe, so lestar line, ande tumende si, haj vi ande tumende ashola, kade chi trubul tumenge, ke vi varikon te sityarel tumen. Pe soste lesko makhlipe sityarel tumen, kodo chachoj haj naj xoxavjipe. Sar voj sityarelas tumen, ashon ande leste!