Le Romaivonge iskirisardo lil
capítulo 15
Opreakharipe po jekhhatyaripe ando kethanipe
verso 1
Ba amenge, kon zurale sam, trubuj, te hatyaras le bi zorangirengo slabipe, haj na amari voja te rodas.
verso 2
Savorazhene te aven pe kodo, te roden tumare dopashone vortakoski voja, haj mishtyipe!
verso 3
Ke chi o Kristo chi rodas peski voja, ba ke sar iskirime si: „Tye kushlimarenge kushlimata pe mande peline”.
verso 4
Apol sa kodo, so anglalutnes iskirisardine, po sityaripe iskirisardine, ke sperantipe te avel amen anda iskirimaske pacha haj ushorimata.
verso 5
E pacha haj o ushoripe o Del pale te delle tumenge, ke sar o Jezush kamelas, jekh hatyaripe te avel mashkar tumende,
verso 6
ke jekhe duhosa haj jekhe mujesa te luvudyisaren le Jezush Kristosko, amare Rajeske Devles haj Dades!
verso 7
Len kasaveske jekhavres sar so si, sar vi o Kristo kasavese las tumen soske sanle pe le Devlesko luvudyipe!
verso 8
Kodo phenav, ke o Kristo Jezush le biboldengi sluga kerdyilas, ke andre te sikavel le Devlesko chacho phenipe, kerdes kade so phendine le Dadeske;
verso 9
ba le murtikana anda jertipe luvudyisaren le Devles, sar so iskirime si:
„Anda kado asharav tut, Raja, mashkar le murtikana,
haj gilyabav gilyi tye anaveske”.
verso 10
Kodo phenel majdur:
„Murtikana vojin tumen
leske popularenca kethanes”.
verso 11
Majdur pale:
„Populara, asharen savorazhene le Rajes!
Te luvudyisarel les sako popularo!”
verso 12
O Izajash majdur kodo phenel:
„Le Jesseske falo avla,
kon opreushtyel, te krajilpe pe manusha,
ande leste sperantinpe le populara”.
verso 13
Le sperantimasko Del te pherdyarel tumen le patyapeske sagutna losshasa, ke o sperantipe butardes te avel ande tumende anda Sunto Duhoski zor!
Angle gindimata pa Paleske droma
verso 14
Phralale, pa tumende zhanav kodo, ke vi tume pherde sanle lashipesa, mishto zhanen sakofalo, haj zhanen jekhavreske duma te den kana bida si.
verso 15
Kathe-kothe maj tromanes iskirisardom tumenge, phralale, te serosarav tumen pe unyi trabi. Ande kodala gracijaki zor kerdom kado, so o Del das mange.
verso 16
Ke le Kristo Jezusheski sluga te avav mashkar le murtikana, haj le Devleske suntone evangeliumoski slugimata te kerav, haj kade le murtikana skunpone, perdal pa Sunto Duho suntosarde sarkafimura te kerdyon.
verso 17
Si sosa te asharavma ando Kristo Jezush angla o Del.
verso 18
Apol numa pa kodo tromav te vorbisarav, so o Kristo kerdas perdal pa mande pe kodo, ke te boldenpe karing o Del le murtikana, vorbenca haj kerdyimatanca:
verso 19
le somnonge haj chudimatange zorasa, le Duhoske zorasa, zhikaj kathar o Jeruzhalemo dur krujal phirindes zhikaj e Illiria kerdom le Kristoske evangeliumosko viacaripe.
verso 20
Kade patyivake butyake inkrav te viacarav o evangeliumo, ba na kothe kaj le Kristosko anav aba pinzhardo sas, tena pe kaveresko tele shutino fundo te vorbisarav,
verso 21
ba sar iskirime si:
„Kaske chi viacardine les, dikhena les,
haj kon chi ashundine les, hatyarena les”.
verso 22
Kado tordyardas man tele butivar, ke tumende te zhav.
verso 23
Ba ke abakanak naj man than pe kadal phuva, haj ke aba but bersh ke dorosarav tumende te zhav,
verso 24
kana maj dromaro ande Hishpania, sperantisarav, ke perdal zhalindes dikho tumen, haj tume aventar maj manca kothe, pala soste mashkar tumende jekh cerra hodinisardom man.
verso 25
Akanak apol ando Jeruzhalemo zhav ande suntonge slugipe.
verso 26
E Makedonia haj e Akhaj lasheske dikhlas, ke unyi kethane kidimata te keren pe le Jeruzhalemicka suntonge chorrenge rig.
verso 27
Lasheske dikhline, ba vi kamen lenge. Ke le murtikane rig te line anda lenge duhikane barvalimata, atunchi trubuj lenge vi ande truposke butya te slugisaren lenge.
verso 28
Apol kana kadalesa gata avo haj ande lengo vast shav kadale kethane kidimasko frukto, ando drom lines tumen, zhavtar ande Hishpania.
verso 29
Zhanav, ke kana tumende zhav, le Kristoske evangeliumoske ashtyilimaske barvalipesa zhav.
O Aposhtolo rudyipe mangel
verso 30
Mangav apol tumen, phralale, pe amaro Raj Jezush Kristo haj pe Suntone Duhosko kamipe, zhutisaren man ande tumare rudyimata. Mangen le Devles anda mande,
verso 31
ke te muntusajvav kathar le murtikana, kon ande Judea sile, haj mure Jeruzhalemeske kerde slugimata skunpo te avel le suntonge,
verso 32
haj kade anda Devlesko kamipe losshanes te zhav tumende, haj te shaj hodinisajvav tumende.
verso 33
La pachako Del te avel tumenca, savorazhenenca! Amen.
Libros
