Le Romaivonge iskirisardo lil

Capítulos:

… 7 8 9 10 11 …   ⇤ ← 9 → ⇥

verso 1

Chachipe phenav ando Kristo, chi xoxavav, muro duhipe pashamande shol chacharipe ando Sunto Duho,

verso 2

ke baroj muro brigipe haj mure ileski dukh sagutnes.

verso 3

Ke kodo mangos, ke me te avav sar armajaslo dur kathar o Kristo anda mure phral, kathar mure truposke phrala,

verso 4

anda izraelicka, kaskej le shavorimaske svagaripe, o luvudyipe, le konvenciji, o krisipe, le Devlesko patyivipe haj le paratnimata.

verso 5

Lengej le dada, haj kathar o trupo vi o Kristo mashkarutno si lenge, kon pe sakofaloste oprralutnoj, sagutnes ashtyilime Del si. Amen.

verso 6

Kodo nashtig avel, ke le Devlesko alav nachilisardyilas. Ke na sakon izraelitaj, kon anda Izrael si:

verso 7

haj china na savorazhene le Abrahameske shavora si anda kodo, ke leske faluraj: ba”Le izhakeske falon phenena tyire faloske”.

verso 8

Kaver vorbasa: na kodalenge shavora si Del, kon le truposke shavoraj, ba le vorba dimatake shavora, kodal si le falura.

verso 9

Ke e vorba kado phenel: „Ande kadal vrami avotar, haj la Shara shavo avla”

verso 10

Kado na feri laki traba sikavel, ba vi la Rebekaki, kon jekhestar, kathar amaro Izhak dad kerdas shaves,

verso 11

ke so majanglal te arakhadyilinesas, haj so majanglal lasho bake nasul te kerdinesas – anda kodo, ke le Devlesko slobodo alosaripe te ashol –,

verso 12

na anda kerdyimata, ba anda akhardesko kamipe kado phenipe line: „o baro avla le cineski sluga”,

verso 13

sar iskirime si: „Le Jakobos kamos, le Ezhaues pale rucisaros”.

verso 14

So phenas kaj kado? Naj kado bi chachipe kathar o Del? Naj.

verso 15

Ke phendas le Mozesheske: „Sunusajvav pe kodo, pe kaste sunusajvav, haj jertisarav kodaleske kaske jertisarav”.

verso 16

Apol na pe kodo tordyol, kon kamel, bake zurarel, ba po jertimasko Del.

verso 17

Ke o Iskiripe kodo phenel le Faraovoske: „Anda kodo kerdom tut, ke te sikavav pe tute muro saktimo, haj muro anav pe intrego luma te viacaren”.

verso 18

Kodaleske jertisarel apol, kaske kamel, haj kodales kerel jekhtuneske, kas kamel.

verso 19

Kodo phenes mange maj pe kado: „Atunchi sostar krisarel vi kade? Ke kon shaj kerlas kaver kathar lesko kamipe?”

verso 20

Manusha! Kon san tu te krisarestu le Devlesa? Dore pushel o vaso kathar pesko kerdari: „Sostar kerdan man kasaveske?”

verso 21

Naj apol saktimo le vasareske pe materia, ke zhianda kodi materia le jekhe vasaos pe patyivali butyi te kerel, le kaveres pale po bi patyivalo?

verso 22

O Del pale na peski xolyi kamlas te sikavel haj pesko saktimo te dikhavel, haj na anda kodo phiravelas le xolyake butyan pachasa, so pe pustimata kerdyiline?

verso 23

Haj na anda kodo te pinzharavel peske luvudyimasko barvalipe pe le lashimaske butya, saven po luvudyipe kerdas,

verso 24

sar vi ame sam, kas akhardas na feri mashkar le bibolde, ba vi mashkar le murtikane?

verso 25

Sar kaj o Ozeash phenel:
„Kon naj muro popularo, kodales mure popularoske akharo,
haj na le skunpones skunponeske”.

verso 26

Haj atunchi kado avla:
„Pe kodo than, kaj kodo phendine lenge:
«Tume chi san muro popularo«,
kothe le trajisarde Devleske shavenge akharena len”.

verso 27

O Izajash pale kado viacarel pa Izrael: „Kana le Izraeleske shave kattyi zhene avna, sar pe maraki dolma e char, numa le ashilimarde muntosardyona.

verso 28

Ke peski vorba andre pherdyarela haj sidyardes vi kerela o Raj pe phuv”.

verso 29

Sar anglal vi phendas o Izajash:
„Kana le ketanengo Raj chi muklino amenge falon,
kade phirdamas, sar e Sodoma,
haj kasave avilamas, sar e Gomorra”.

verso 30

So te phenas apol? Kodo ke le murtikana, kon chi phiren pe le chachardyimasko drom, resline o chachardyipe, apol anda patyape inkerdo chachardyipe?

verso 31

Apol boldines o Izrael kamelas te resel le chachardyipeski kris, haj chi kade chi reslas pe chachardyipeski kris.

verso 32

Sostar? Ke na le patyapesa, ba perdal pa kerdyimata kamlas kodo te resel. Pelinetar ande pelimasko barr,

verso 33

sar iskirime si:
„Aketa, ando Sion tele shav le pelimasko barr
haj la bidako plaj,
haj khonyik chi lazhajvelatar,
kon patyal ande leste”.

Capítulos:

1 2 3 4 5 6 7 8 9 10 11 12 13 14 15 16