Le Aposhtolenge trabi
capítulo 16
O Pal ande Likaonia
verso 1
Reslas ande Derbe haj vi ande Listra. Sas kothe jekh Timoteush anavesko sityardo, jekha patyamnake kerdyilino bibolda romnyake haj jekhe murtikane dadesko shavo sas.
verso 2
Le phral, kon ande Listra haj ando Ikoniumo sas, but lashimata phenenas pa leste.
verso 3
O Pal kodo kamlas, ke lesa te inkrel po drom, anda kado peste las les haj krujalshinadas les, anda kodo, ke ande kadal thana bibolde beshenas: ke sakon zhanelas, ke lesko dad murtikano sas.
verso 4
Kana zhanas pa jekh foro pa kaver, haj zhanenas, ke soste trubuj te inkren pen, phendine lenge e vladimata, so le aposhtolura haj le phure phendine, kon ando Jeruzhalemo sasle.
verso 5
Kade le eklezhiji zurardyiline ando patyape, haj butajvenas pa jekh dyes po kaver.
Perdal pa Cini Azhia ando Troaso
verso 6
Kana perdal geline pa Frigia haj pa Galaciake provincia, o Sunto Duho nashtisardas lenge, ke ande Azhia te viacaren le Devlesko alav.
verso 7
Ande Mizia reslines kamline apol, ke ande Bitinia te zhan, ba le Jezushesko Duho chi mukelas len.
verso 8
Anda kado perdal Geline pa Mizia, haj tele geline ando Troaso.
verso 9
Kathe sikadyimata dikhlas o Pal tala ratyaki vrama: jekh makedonicko mursh angla leste tordyilas haj kade mangelas les: „Av perdal ande Makedonia, haj zhutisar amenge!”
verso 10
Pala soste kado sikadyipe dikhlas, sar zhanglam lam ame te zhastar ande Makedonia. Chachikanes zhanasas, ke o Del akhardas amen, ke te viacaras lenge o evangeliumo.
Le Palesko butyaripe ande Filippi
verso 11
Berardinetar apol anda Troaso. Vorta ande Samotrakia reslam, kaver dyes ando Neapoliso,
verso 12
kathar pale ande Filippi, savo ande Makedoniake ande kadi rig o angluno foro si. Ande kado foro samas unyidyesa, haj vorbisarasas le manushenca.
verso 13
Savatone avrigelam pa vudar kaj le abesko paji: kade gindisardam ke kothe si le rudyimasko than. Tele beshlam kothe haj duma dam kaj le romnya, kon kethane aviline.
verso 14
Mashkar le ashunara sas vi jekh Lidia anavaeski deldaramni biknarkinya romnyi anda Tiatirako foro, kaske o Raj puterdas lako ilo, ke te ashunel sa pe kodo, so o Pal phenelas.
verso 15
Pala soste voj haj lake nyamura bolardyiline, kade rudyilas: „Kana kade krisaren man, ke chachi sim angla o Raj, aven andre ande muro kher haj ashon mande.” Haj zorasa vi opre las amen.
verso 16
Pecisajlas apol, ke kana po rudyipe zhasas, jekha kasava shejasa rakhadyilam, kon kathar profeciaslo duho sas pherdo, haj peska profecipesa baro barvalipe rodelas peske rajeske.
verso 17
Kadi zhalas pala o Pal haj pala amende, haj kade cipilas: „Kadal le manusha le uchimaske Devleske slugi si, kon le muntuimasko drom viacaren tumenge.”
verso 18
But dyesa kade kerelas. Le Pales azbalas kado, anda kado palpale boldaspe, haj kodo phendas le duhoske: „Ande Jezush Kristosko anav vladisarav, zha avri anda late.” Vi avrigelas anda late ande kodo chaso.
verso 19
Ba kana lake raja dikhline, ke naj aba kodo so barvarel len, xutyildine le Pales haj le Siliashes, haj ingerdine len pe forosko mashkar kaj o anglalari.
verso 20
Angla krisara tordyardine len, haj kade dine duma: „Kadal le bi bolde manusha bida keren ande amaro foro,
verso 21
haj kasavo trajo viacaren, saves amenge naj slobodo te patyas, haj chi ande kerdyimata te keras, ke romaicka samle.”
verso 22
Vi le manusha kethane avilas pe lende, le krisara pale tele shingerdine pa lende lenge gada haj maradine len.
verso 23
But malavjimata shindine pe lende, pala kodo ande robija shudine len. Le samalelareske pale vladisardine, ke zurales te lel sama pe lende.
verso 24
Pala soste kasavo vladipe las, ande andralutni robijako than ingerdas len, lenge punre pale ande lupunza phandadas andre.
verso 25
Karing e dopashratyi o Pal haj o Silash rudyindes asharenas le Devles, le robura pale ashunenas len.
verso 26
Atunchi jekharsa mishkisajlas e phuv, haj la robijake vudara mishkisajline. Jekharsa sako vudar avri puterdyilas, haj sakoneske sastra teleputerdyiline.
verso 27
Kana la robijako samalelari opreushtyilas haj kodo dikhlas, ke la robijake vudara puterde si, avricirdas pesko xanro, haj kamlas te mudarel pes, ke kodo gindisardas, ke le robura avri skepesardyiline.
verso 28
Ba o Pal glasunes oprecipisardas: „Na ker ande tute khanchi dosh, ke savorazhene kate sam!”
verso 29
Kodo pe kado fimlalipe manglas, majandre gelas, haj izdramnes burdosardyilas kaj le Paleske haj Silasheske punre.
verso 30
Pala kodo avri ingerdas len haj kade das duma: „Rajale, so trubuj te kerav, ke muntosardyipe te resav?”
verso 31
Kodal kodo phendine: „Patya ando Raj Jezush, haj muntosardyosa, tu haj vi tye falura.”
verso 32
Pala kodo viacarenas leske le Rajesko alav, haj sa kodalenge, kon ande lesko kher sas.
verso 33
Voj pale ande ratyako kodo chaso ingerdas len, avri thodas lenge varura, haj inke atunchi bolardas pes, haj lesa kethanes vi kodal, kon leske sas savorazhene.
verso 34
Pala kodo andre ingerdas len ande pesko kher, shutas lenge te xan te pen, haj losshalas peske familiasa kethanes, ke patyalas ando Del.
verso 35
Kana zorisardas, le krisara bishaldine la krisake slugen kadale vorbenca: „Muk kodale manushen!”
verso 36
La robijako samalelari vi ingerdas le Paleske e viaca: „Le krisara kathe bishaldine man, ke te mukav tumen slobodo. Akanak apol zhan avri, haj zhantar pachasa!”
verso 37
Ba o Pal kodo phendas leske: „So majanglal krisardinesas amen, angla sakoneste mardine haj ande robija shudine amen, ba vi ame romaicka manusha sam, haj akanak pale avrinashaven amen? Kado aba na! Aven kathe, haj von te ingren avri amen kathar!”
verso 38
La krisake slugi pale ingerdine le krisarenge kadal vorbi. Kodal darajline, kana ashundine, ke romaicka manusha si.
verso 39
Aviline apol haj jertipe mangline, pala kodo avri ingerdine len, haj mangline, ke te zhantar anda foro.
verso 40
Kana avriaviline anda robija, andre geline kaj e Lidia. Pala soste dikhline le phralen, haj ushoro kerdine lengo duho, dromardinetar.
Libros
