Dujto lil kaj le tessalonikicka

Fejezetek:

1 2 3

1. vers

Ande amare Raj Jezush Kristosko avlipe haj anda amaro karing leste inkerdo kethanipe mangas tumen phralale,

2. vers

tena durutnisajventar butaig kathar tumaro trazo gindipe, haj tena daravel tumen chi sosko dyi, chi vorba, haj chi amendar abisti bishaldo lil, sar aba le Rajesko dyes pashe te avlas.

3. vers

Chi sar tena xoxavel tumen khonyik, ke majanglal le shindyimaske trubuj andre te pherdyol, haj trubuj te sikadyol la bezexako manush, le merimaske shaveske,

4. vers

kon chi mukelpe, haj pes opralutneske shol sa pe kodal, so Devleske bake devlikane patyivisarimaske anavaras, andre beshel ande Devleski khangeri, haj kade sikavel pes, sar Del te avlas.

5. vers

Chi seron pe leste, ke kana tumende somas, phendom tumenge kado?

6. vers

Haj vi kodo zhanen, ke so inkrel palpale akanak, zhikaj chi sikadyola ande peski vrama.

7. vers

Ke le nasulipeski tajna aba butyarel, ba kodo, kon inke palpale inkrel les, majanglal trubuj te khosel anda drom.

8. vers

Atunchi apol sikadyola kodo nasul, kas o Raj Jezush mudarela peske mujeske phurdipesa, haj nacharel les peske avlimaske fimlalipesa.

9. vers

Haj lesko avlipe pale – anda shatanesko saktimo – sakofalosko xoxamne zurardyimaske sikadyimata somnosarena, somnura haj chudimata dichona opre,

10. vers

haj but sakofaloske cirdadyimata po nasulipe, pe kodalengi prikezhija, kon merenatar, ke chi patyajline le chachipeske kamipes, te muntusardyon.

11. vers

Anda kado bishalel pe lende o Del le kavergindimaski zor, ke te patyan le xoxamnipeske,

12. vers

haj tala krisaripe te peren savorazhene, kon chi patyajline le chachipeske, ba jekh hatyardine le nasulipesa.

13. vers

Haj amenge pale sagda najisipe trubuj te phenas anda tumende le Devleske, phralale, kas o Del kamel, anda kodo, ke o Del avrialosardas tumen anglune puterdyimaske po muntosardyipe perdal pa Duhosko suntosardyipe haj pa chachipesko patyape.

14. vers

Vi akhardas tumen pe kado perdal pa amaro evangeliumo, ke te resen amare Rajesko le Jezush Kristosko luvudyipe.

15. vers

Anda kado apol, phralale, aven zurale, haj len sama mishto pel tradiciji, saven zhuvinda vorbasa, bake anda amare lila sityiline.

16. vers

Amaro Raj o Jezush Kristo pale, haj o Del, amaro Dad, kon kamel amen haj sagutno ushoripe haj lashi speranta das amenge ande gracija,

17. vers

te tromarel haj te zurarel tumaro ilo ande sakono lasho kerdyipe haj vorbipe.

Fejezetek:

1 2 3