Dujto lil kaj le tessalonikicka
3. fejezet
O aposhtolo rudyipe mangel kathar o kethanipe
1. vers
Apolal phralale, rudyin anda amende, ke le Rajesko alav, sar vi tumende te butajvel haj po luvudyipe te resel,
2. vers
haj te skepisardyuvas kathar le khanchikerde haj nasul manusha, ke o patyape na sakoneskoj.
3. vers
Ba o Raj chachoj: voj zuralela haj ferila tumen kathar o nasul.
4. vers
So kathar tumende inkerdyol, patyas ando Raj, ke keren haj kerenales, so vladisardam.
5. vers
O Raj te ingrel tumaro ilo pe Devlesko kamipe haj pe Kristosko pachimasko toleranshipe!
Le khanchikerdengo kikidyipe
6. vers
Ba vi kodo phendam tumenge ande amare Rajesko, le Jezush Kristosko anav, phralale, ke te inkren tumen dur sa kathar kodal phral, kon na patyivales trajil, haj na kathar kodi tradicija, so amendar las.
7. vers
Mishto zhanen, ke sar trubuj pala amende te aven, apol ande kodo, ke chi samas mashkar tumende furcime,
8. vers
chi xalam ive khanyikasko manro, ba butyi kerdam anda leste, khinyipesa, vi dyese vi ratyi butyi kerdines, ke tena avas po pharipe chi jekheske mashkar tumende.
9. vers
Na anda kodo, sar tena avilino amen kris karing leste, ba anda kodo, ke amen te tordyaras angla tumende, sar kasaven, pala kaste tromanes shaj zhan.
10. vers
Ke kana inke tumende samas, phendam tumenge, ke kon chi kamel butyi te kerel, kodo china tena xal.
11. vers
Ba ashundam vi kodo, ke unyizhene furcindes trajin mashkar tumende, chi butyaren khanchi, haj khanchimatanca nacharen pengi vrama.
12. vers
Kadalenge phenas, haj rudyisaras lenge ande Raj Jezushesko anav, ke pachindes butyardes pengo manro te xan.
Sakoneske phende ferimata
13. vers
Tume pale phralale, na muken ande dopash le lashekerdyimata!
14. vers
Kana varikon chi mukelpe amare ando lil iskirisarde vorbange, kodalen inkren ando serovjipe, haj krujin les, muk te lazhalpe.
15. vers
Ba anda kodo inke na inkren les dushmanoske, ba kade den pe leste duma, sar po phral.
Andreagoripe
16. vers
Le pachimasko Raj te del tumen pachipe kaj sako than! O Raj te avel savorazhenenca!
17. vers
Me o Pal, mure vastesa iskirisarav o drobovjipe. Ande mure sagda lila kadoj le pinzharimasko somno. Kade iskirisarav.
18. vers
Amare Rajeski, le Jezush Kristoski gracija te avel savorazhenenca! Amen.
Könyvek
