Evangeliumo kathar o Mate
11. fejezet
1. vers
Pecisajlas apol, ke kana agorutnisardas o Jezush peske deshuduje sityardengo sityaripe, gelastar kothar, te viacarel haj te sityarel o alav ande lenge forura.
Le Bolare Janoshesko pushlipe
2. vers
Kana o Janosh pa Kristoske trabi ashundas ande robija, bishaldas leste peske sityarden
3. vers
haj pushlas lestar: „Tu san o Avlosardo bake kaveres te zhukaras?”
4. vers
O Jezush kado phendas palpale lenge: „Zhan, ingren le Janosheske e viaca, so ashunen haj dikhen:
5. vers
Le korre dikhen, le bange phiren, le leprale uzhosajven, le kashuke ashunen, le mule opretrajisajven, le chorre pale viacaren o evangeliumo.
6. vers
Anandoj, kon chi kordolardyol ande mande.”
O Jezush pa Bolari Janosh
7. vers
Kana kodal gelinetar, o Jezush kade las te vorbil le manushenge pa Janosh: „Sostar zhan avri, so kamen te dikhen ande pusta? Kathar balval phurdini trestija?
8. vers
Bake so kamline te dikhen, kana avri geline? Ande rajkane gada urade manushes? Aketa, kon rajkane gada phiraven, ande krajenge khera beshen.
9. vers
Bake so kamen te dikhen, kana avri zhan? Profetas? Ova, phenav tumenge, vi kathar e profeta maj baro.
10. vers
Voj si kodo, pa kaste iskirime si:
»Aketa, bishalav mure legataros angla tute,
kon lasharela angla tute tyo drom«.
11. vers
Amen, phenav tumenge: mashkar kodal kas romnyi andas pe luma, naj maj baro, kathar o Bolari Janosh. Ba kon o majcino si ande rajosko them, kodo maj baroj lestar.
12. vers
Le rajosko them zhikathar le Bolare Janosheski vrama zhikaj akanutni sila dukharel, haj le silakire len kodo pende.
13. vers
Le sagutne profeti haj e kris zhikaj o Janosh pa kado profecisardas:
14. vers
Haj te kamen les te hatyaren: ova, voj si o Illesh, kon aveltar.
16. vers
Kaste te pasharav kadale generaciovos? Pe kodal shavora anen, kon ando foro beshen, cipen le majbutenge,
17. vers
haj phenen:
»Bashadam tumenge, ba chi kheldine,
rovjimaski gilyi gilyabadam, ba chi rovenas.«
18. vers
Ke avilastar o Janosh, chi xalas, haj chi pelas, haj kodo phendine: »Beng si les!«
19. vers
Avilastar le Manushesko Shavo, xal thaj pel, haj kodo phenen: »Aketa, o bokshindo thaj matyakerno manush, le financongo haj le bezexaslengo vortakoj!« Ba o platnikipe peske kerdyimatasa chacharipe arakhel.”
Krisaripe pe bipatyamne forura
20. vers
Pala kodo le forura, ande save leske majbut chudimata pecisajline, las tele te phenel, ke chi boldepe karing o Del:
21. vers
„Jaj tuke, Korozain! Jaj tuke, Betsaida! Ke e chudimata, so tumende pecisajline, ando Tirus haj Sidon te pecisajlinesas, aba dulmut patyanas, ande gonekerde gada haj ushareste.
22. vers
Ba phenav tumenge: Le Tiruses haj le Sidones, majbut zheja avlale pe krisako dyes, sar tumenge.
23. vers
Haj tu, Kafarnaum! Dore zhikaj o cheri vazdadyos? Tele hurasa ande telalutni luma! Ke e chudimata, save tute pecisajline, ande Sodoma te pecisardyilinesas, atunchi ashilinesas zhikaj kado dyes.
24. vers
Ba phenav tumenge: la Sodomake phuvake maj ushoro zheja avla pe krisarimasko dyes, sar tuke.”
O Jezush luvudyisarel le Dades
25. vers
Ande kodi vrama kade das duma o Jezush: „Ashtyilisarav tut muro Dad, le rajosko haj la phuvako raj, ke garadan kadal angla platnika haj godyavera, haj avri sikadan le cinenge.
26. vers
Ova, muro Dad, kade fajlas kado tuke!
27. vers
Sakofalo mange das perdal muro Dad, haj khonyik chi pinzharel le dades, feri o Dad, haj chi le Dades chi pinzharel khonyik, feri o shavo, haj kaske o shavo avri kamel te zhanavelles.
O ushoro pharipe
28. vers
Aven mande savorazhene, kon khine sanle, haj pharimata phiraven, haj me oprezurarav tumen.
29. vers
Len pe tumende muro pharipe, haj sityon mandar, ke blindo som haj lashe ilesko – haj pacha arakhen tumare duhoske.
30. vers
Ke muro pharipe gugloj haj ushoroj.”
Könyvek
