Dujto lil le Timoteusheske

Capítulos:

1 2 3 4

verso 1

Kodo pale trubuj te zhanes, ke ande palune dyesa bidake vrami avna.

verso 2

Le mausha pendarutne avna, paxande, phutyarde, barimaske, kushlimaske, kaj pengo dad haj dej bi mukle, bi najisimaske, nasul,

verso 3

bi kamimaske, bi pachimaske, xoxamnes colaxardine, bi dostaskire, brutalisha, nasul kamle,

verso 4

purritora, bi daramne: barem kamena o lasho hatyaripe sar le Devles.

verso 5

Le patyapesko dichipe abisti phiravena pe pende, ba asvikaren kodaleski zor. Le kasaven krujisar!

verso 6

Ke mashkar kadal si kodala, kon choral andre zhan ande khera, haj phanglenge shon kodale bezexenca phararde, haj doromaske romnyan, kodalen,

verso 7

kon sagda sityon, ba pe chachipesko pinzharipe chikana resen.

verso 8

Sar o Jannes haj Jamberes chi muklaspe le Mozesheske, kade chi mukenpe chi kadal le chachipeske, ke dile godyake, bi chache manusha si von.

verso 9

Ba po but chi resen kadalesa: lengo chaladipe zhikade avri zhanardyola angla sakoneste, sar vi kodalengo kodo kerdyilas.

verso 10

Tu patyas muro sityaripe, muro trajipe, gindisaripe, patyape, pachipe, kamipe, toleranshipe,

verso 11

nashavjpe, haj mure dukhimata. So sakofalo pecisardyilas amenca ande Antiochia, Ikoniumo, haj ande Listra, soske nashavjimata tordyilom avri! Haj sa anda kadal avrimuntosardas amen o Raj!

verso 12

Ba sa kodal, kon chaches kamen te trajin ando Kristo Jezush, nashavjipe dukharena!

verso 13

Le nasul haj xoxamne manusha pale ando nasulipe resena majanglal: durutnosardyon, haj ando bi zhanipe ingren.

verso 14

Ba tu inker avri ande kodo, so sityilan, haj so pinzhardan! Ke zhanes kastar sityilanles,

verso 15

haj zhikathar tyo shavoripe pinzhares le Iskirimata, so perdal pa Kristo Jezushesko patyape po muntoipe slugimasko platnikipe shaj del tuke.

verso 16

Sakono kathar o Del falosardo iskiripe lasho po sityaripe, po sasdelipe, ando chachipe inkerdo sityaripe,

verso 17

ke le Devlesko manush feder te avel haj po sakono lasho kerdyipe gata te tordyol.

Capítulos:

1 2 3 4