capitolul 3
Kodo pale trubuj te zhanes, ke ande palune dyesa bidake vrami avna.
Le mausha pendarutne avna, paxande, phutyarde, barimaske, kushlimaske, kaj pengo dad haj dej bi mukle, bi najisimaske, nasul,
bi kamimaske, bi pachimaske, xoxamnes colaxardine, bi dostaskire, brutalisha, nasul kamle,
purritora, bi daramne: barem kamena o lasho hatyaripe sar le Devles.
Le patyapesko dichipe abisti phiravena pe pende, ba asvikaren kodaleski zor. Le kasaven krujisar!
Ke mashkar kadal si kodala, kon choral andre zhan ande khera, haj phanglenge shon kodale bezexenca phararde, haj doromaske romnyan, kodalen,
kon sagda sityon, ba pe chachipesko pinzharipe chikana resen.
Sar o Jannes haj Jamberes chi muklaspe le Mozesheske, kade chi mukenpe chi kadal le chachipeske, ke dile godyake, bi chache manusha si von.
Ba po but chi resen kadalesa: lengo chaladipe zhikade avri zhanardyola angla sakoneste, sar vi kodalengo kodo kerdyilas.
Tu patyas muro sityaripe, muro trajipe, gindisaripe, patyape, pachipe, kamipe, toleranshipe,
nashavjpe, haj mure dukhimata. So sakofalo pecisardyilas amenca ande Antiochia, Ikoniumo, haj ande Listra, soske nashavjimata tordyilom avri! Haj sa anda kadal avrimuntosardas amen o Raj!
Ba sa kodal, kon chaches kamen te trajin ando Kristo Jezush, nashavjipe dukharena!
Le nasul haj xoxamne manusha pale ando nasulipe resena majanglal: durutnosardyon, haj ando bi zhanipe ingren.
Ba tu inker avri ande kodo, so sityilan, haj so pinzhardan! Ke zhanes kastar sityilanles,
haj zhikathar tyo shavoripe pinzhares le Iskirimata, so perdal pa Kristo Jezushesko patyape po muntoipe slugimasko platnikipe shaj del tuke.
Sakono kathar o Del falosardo iskiripe lasho po sityaripe, po sasdelipe, ando chachipe inkerdo sityaripe,
ke le Devlesko manush feder te avel haj po sakono lasho kerdyipe gata te tordyol.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly