Dujto lil le Timoteusheske

3. fejezet

Fejezetek:

1 2 3 4

Le manushenge pecimata ande palune vrami

1. vers

Kodo pale trubuj te zhanes, ke ande palune dyesa bidake vrami avna.

2. vers

Le mausha pendarutne avna, paxande, phutyarde, barimaske, kushlimaske, kaj pengo dad haj dej bi mukle, bi najisimaske, nasul,

3. vers

bi kamimaske, bi pachimaske, xoxamnes colaxardine, bi dostaskire, brutalisha, nasul kamle,

4. vers

purritora, bi daramne: barem kamena o lasho hatyaripe sar le Devles.

5. vers

Le patyapesko dichipe abisti phiravena pe pende, ba asvikaren kodaleski zor. Le kasaven krujisar!

6. vers

Ke mashkar kadal si kodala, kon choral andre zhan ande khera, haj phanglenge shon kodale bezexenca phararde, haj doromaske romnyan, kodalen,

7. vers

kon sagda sityon, ba pe chachipesko pinzharipe chikana resen.

8. vers

Sar o Jannes haj Jamberes chi muklaspe le Mozesheske, kade chi mukenpe chi kadal le chachipeske, ke dile godyake, bi chache manusha si von.

9. vers

Ba po but chi resen kadalesa: lengo chaladipe zhikade avri zhanardyola angla sakoneste, sar vi kodalengo kodo kerdyilas.

Le Timoteusheski butyi

10. vers

Tu patyas muro sityaripe, muro trajipe, gindisaripe, patyape, pachipe, kamipe, toleranshipe,

11. vers

nashavjpe, haj mure dukhimata. So sakofalo pecisardyilas amenca ande Antiochia, Ikoniumo, haj ande Listra, soske nashavjimata tordyilom avri! Haj sa anda kadal avrimuntosardas amen o Raj!

12. vers

Ba sa kodal, kon chaches kamen te trajin ando Kristo Jezush, nashavjipe dukharena!

13. vers

Le nasul haj xoxamne manusha pale ando nasulipe resena majanglal: durutnosardyon, haj ando bi zhanipe ingren.

14. vers

Ba tu inker avri ande kodo, so sityilan, haj so pinzhardan! Ke zhanes kastar sityilanles,

15. vers

haj zhikathar tyo shavoripe pinzhares le Iskirimata, so perdal pa Kristo Jezushesko patyape po muntoipe slugimasko platnikipe shaj del tuke.

16. vers

Sakono kathar o Del falosardo iskiripe lasho po sityaripe, po sasdelipe, ando chachipe inkerdo sityaripe,

17. vers

ke le Devlesko manush feder te avel haj po sakono lasho kerdyipe gata te tordyol.

Fejezetek:

1 2 3 4

Könyvek