Lil le galatange

Capítulos:

1 2 3 4 5 6

verso 1

O, bi godyake Galata! Kon drabardas tumen, palasoste angla tumare jakha shutam le Jesush Kristos, kas po trushul tannardine?

verso 2

Feri kodo kamav tumendar avri te zhanav: kathar e krisake kerdyimata line dore o Duho, bake perdal le alav-viacareske patyamnipesko bi vorbipe?

verso 3

Haj kasave dile sanle? So le Duhosa anglalardine, akanak le truposa agorisaren andre?

verso 4

Haj anda khanchi trajisardine kasavo but sakofalo perdal? Atunchi apol anda khanchi!

verso 5

Ke kon o Duho del tumenge haj chudimata kerel mashkar tumende, dore kathar la krisako kerdyipe bake le alav viacareske ashipe kerel kado?

verso 6

Ke tele si iskirime: „O Abraham patyalas le Devleske, haj kado pe lesko chachardyipe slugisarelas”.

verso 7

Hatyarenles apol, ke kon anda patyape si, kodal le Abrahameske shavej.

verso 8

Apol ke o Iskiripe anglal dikhlas, ke o Del pa patyape del chachardyipe le murtikanonge, anglalutnes viacarelas le Abrahameske:”Ande tute resela ashtyilipe sakono popularo”.

verso 9

Kade kon anda patyape si, kodal resena ashtyilipe le patyamne Abrahamesa kethanes.

verso 10

Ke sa kodal, kon kathar la krisake kerdyimata trajin, tala armaja si. Ke iskirime si: „Armajaslo si sa kodo, kon chi ashol ande kodo, soske kirdyipe angle si iskirime ande krisaki hertja”.

verso 11

Ke kathar e kris khonyik chi chachardyoltar angla o Del, uzho si, ke „anda chacho patyape trajil”.

verso 12

E kris pale na anda patyape si, ba „kon kerelala, kodo trajila latar”.

verso 13

O Kristo muntusardas amen kathar la kriske armaja, kana armajake kerdyilas anda amende, ke iskirime si: „Armajasloj sa kodo, kon po kasht lathovnisarel”,

verso 14

Kado anda kodo pecisardyilas, ke le Abrahamesko ashtyilipe ando Kristo Jezush vi pe murtikana opere te hurajvel, haj le Duhoski vorba te las kathar o patyape.

verso 15

Phralale, manushikanes dav duma. Inke chi le manusheski agorimasko vladipe nashtig nacharel khonyik, haj nashtig shol leste.

verso 16

Apolal, e vorbidinimata le Abrahameske sas haj leske faloske. Haj na kodo phenel o Iskiripe: „haj leske faloske”, sar buteske, ba sar jekheske: „haj tyire faloske”, kon o Kristoj.

verso 17

Kodo phenav apol: kathar o Del zurardines paluno vladipe pala shtarshela haj tranda bersh nashtig nacharel e kris, ke te shinel e dinisardi vorba.

verso 18

Ke anda kris te avlas o muklipe, atunchi aba na anda vorbadinimata: le Abrahameske pale o Del perdal pa vorbadinipe das pesko tofnipe.

verso 19

Soj apol e kris? Anda bezexa kerdela, zhikaj chi aveltar o falo, kaske dine e vorba. Kathar le andyela viacardinela, kathar legatari.

verso 20

Ba o legatari na jekhe truposko legatarij, ba o Del jekh si.

verso 21

Apol e kris kade pe Devleski vorba si nasulipeske? Chi sar na! Ke kasva krisa te dinesas, savi zhanelas te trajarel, atunchi chachikanes anda kris avlas o chachardyipe.

verso 22

Ba o Iskiripe sakofalos tala e bezex lel, ke e vorba perdal pa Jezush Kristosko patyape te resen le patyamne.

verso 23

Zhikaj o patyape chi reslas, tala krisako samalelipe samas, ande jekh xutyildines le patypeske, so maj avrisikadyipe resela.

verso 24

Kathar kado e kris amaro barari sas po Kristo, ke kathar o patyape te chachardyuvastar.

verso 25

Ba kana reslas o patyape, aba chi sam tala barari.

verso 26

Ke savorazhene le Devleske shave san perdal pa patyape ando Kristo Jezush.

verso 27

Ke savorazhene, kon bolardyiline po Kristo, le Kristos line pe tumende:

verso 28

naj majbut biboldo, chi helleno, chi sluga, chi slobodo, chi mursh, chi zhulyi: ke savorazhene jekh san ando Kristo Jezush.

verso 29

Kana pale tume le Kristoske sanle, atunchi le Abrahameske falura, haj kathar e paratnimata le arandara san.

Capítulos:

1 2 3 4 5 6