Lil le galatange
3. fejezet
Kaj le Galata phendi vorba
1. vers
O, bi godyake Galata! Kon drabardas tumen, palasoste angla tumare jakha shutam le Jesush Kristos, kas po trushul tannardine?
2. vers
Feri kodo kamav tumendar avri te zhanav: kathar e krisake kerdyimata line dore o Duho, bake perdal le alav-viacareske patyamnipesko bi vorbipe?
3. vers
Haj kasave dile sanle? So le Duhosa anglalardine, akanak le truposa agorisaren andre?
4. vers
Haj anda khanchi trajisardine kasavo but sakofalo perdal? Atunchi apol anda khanchi!
5. vers
Ke kon o Duho del tumenge haj chudimata kerel mashkar tumende, dore kathar la krisako kerdyipe bake le alav viacareske ashipe kerel kado?
Le Abrahamesko patyape haj le ashtyilimasko paratnimope
6. vers
Ke tele si iskirime: „O Abraham patyalas le Devleske, haj kado pe lesko chachardyipe slugisarelas”.
7. vers
Hatyarenles apol, ke kon anda patyape si, kodal le Abrahameske shavej.
8. vers
Apol ke o Iskiripe anglal dikhlas, ke o Del pa patyape del chachardyipe le murtikanonge, anglalutnes viacarelas le Abrahameske:”Ande tute resela ashtyilipe sakono popularo”.
9. vers
Kade kon anda patyape si, kodal resena ashtyilipe le patyamne Abrahamesa kethanes.
10. vers
Ke sa kodal, kon kathar la krisake kerdyimata trajin, tala armaja si. Ke iskirime si: „Armajaslo si sa kodo, kon chi ashol ande kodo, soske kirdyipe angle si iskirime ande krisaki hertja”.
11. vers
Ke kathar e kris khonyik chi chachardyoltar angla o Del, uzho si, ke „anda chacho patyape trajil”.
12. vers
E kris pale na anda patyape si, ba „kon kerelala, kodo trajila latar”.
13. vers
O Kristo muntusardas amen kathar la kriske armaja, kana armajake kerdyilas anda amende, ke iskirime si: „Armajasloj sa kodo, kon po kasht lathovnisarel”,
14. vers
Kado anda kodo pecisardyilas, ke le Abrahamesko ashtyilipe ando Kristo Jezush vi pe murtikana opere te hurajvel, haj le Duhoski vorba te las kathar o patyape.
15. vers
Phralale, manushikanes dav duma. Inke chi le manusheski agorimasko vladipe nashtig nacharel khonyik, haj nashtig shol leste.
16. vers
Apolal, e vorbidinimata le Abrahameske sas haj leske faloske. Haj na kodo phenel o Iskiripe: „haj leske faloske”, sar buteske, ba sar jekheske: „haj tyire faloske”, kon o Kristoj.
17. vers
Kodo phenav apol: kathar o Del zurardines paluno vladipe pala shtarshela haj tranda bersh nashtig nacharel e kris, ke te shinel e dinisardi vorba.
18. vers
Ke anda kris te avlas o muklipe, atunchi aba na anda vorbadinimata: le Abrahameske pale o Del perdal pa vorbadinipe das pesko tofnipe.
La krisake muntuimaske trabengo dajnope
19. vers
Soj apol e kris? Anda bezexa kerdela, zhikaj chi aveltar o falo, kaske dine e vorba. Kathar le andyela viacardinela, kathar legatari.
20. vers
Ba o legatari na jekhe truposko legatarij, ba o Del jekh si.
21. vers
Apol e kris kade pe Devleski vorba si nasulipeske? Chi sar na! Ke kasva krisa te dinesas, savi zhanelas te trajarel, atunchi chachikanes anda kris avlas o chachardyipe.
22. vers
Ba o Iskiripe sakofalos tala e bezex lel, ke e vorba perdal pa Jezush Kristosko patyape te resen le patyamne.
23. vers
Zhikaj o patyape chi reslas, tala krisako samalelipe samas, ande jekh xutyildines le patypeske, so maj avrisikadyipe resela.
24. vers
Kathar kado e kris amaro barari sas po Kristo, ke kathar o patyape te chachardyuvastar.
25. vers
Ba kana reslas o patyape, aba chi sam tala barari.
O patyape haj delshavoripe
26. vers
Ke savorazhene le Devleske shave san perdal pa patyape ando Kristo Jezush.
27. vers
Ke savorazhene, kon bolardyiline po Kristo, le Kristos line pe tumende:
28. vers
naj majbut biboldo, chi helleno, chi sluga, chi slobodo, chi mursh, chi zhulyi: ke savorazhene jekh san ando Kristo Jezush.
29. vers
Kana pale tume le Kristoske sanle, atunchi le Abrahameske falura, haj kathar e paratnimata le arandara san.
Könyvek
