Lil le galatange
capítulo 5
Slobodipe bake slugipe
verso 1
Pe kado slobodipe shutas amen slobodeske o Kristo. Aven apol muklikane, haj na len pale pe tumende le slugimasko pharipe.
verso 2
Aketa, me o Pal, phenav tumenge, ke krujal te shinavena tumen, o Kristo khanchi chi zhutisarel tumenge.
verso 3
Pale chacharimata shav angla sakono manush, kon krujalshinavel pes, ke trubuj leske sa e intrego kris andre te inkrel.
verso 4
Shindyiline kathar o Kristo, kon ande kris roden o chachardyilipe, avri peline anda gracija.
verso 5
Ke ame kathar o Duho, anda patyape zhukaras le chachardyimasko sperantipe.
verso 6
Ke chi ando Kristo Jezush o krujalshinisaripe chi mol khanchi, haj chi o bi krujalshinipe, feri o patyape, so anda kamipe butyarelpe.
verso 7
Mishto nashline: kon xutyildas tumen palpale, ke te muken tumen le chachipeske?
verso 8
Kado patyamnisaripe na kathar kodo si, kon akhardas tumen.
verso 9
Jekh cerra kamiripe le intregone xumeres oprephutyarel.
verso 10
Patyav ande tumende ando Raj, ke chi pecisarena kaver data. Kon pale chi dela tumen pacha, phiravela o krisaripe, zhikon te avel kodo.
verso 11
Me pale, phralale, vi akanak le krujalshinipes te viacarav sostar dukhardyuvav vi akanak ando nashavjipe? Atunchi nachilastar le trushuleski bida.
verso 12
O, feri te shinenas tele variso anda pengo trupo, kon tumen chi den pacha!
O kamipe, sar le duhosko frukto
verso 13
Ke tume po slobodipe san trajisardine, phralale, feri o slobodipe tena avel muntuipe le truposke, ba ando kamipe te slugisaren jekhavreske!
verso 14
Ke e intrego kris ando jekh phenipe pherdyol andre, apol ande kado: „Kam tye dopashone vortakos, sar tut”.
verso 15
Ba jekhes te churinden haj te xana, len sama, ke jekhavres tena nacharentar!
verso 16
Kodo phenav apol: kathar o Duho te phiren haj na keren le truposke doromatipe!
verso 17
Ke o trupo pe kodo dorolpe so le Duhoske naj lasho: o Duho pale pe kodo so le truposke naj lasho: ke kadal chi hatyaren jekh, ke na kodo te keren, so fajas len.
verso 18
Kana o Duho te sikavela tumenge o drom, chi sanle atunchi tala e kris.
verso 19
Le kamipeske pecimata zhanarde si: marhipe, bi uzhipe, frivolipe,
verso 20
fetishosko kamipe, magia, dushmanipe, xape, rivalizalipe, xolyi, kecimata, jekhavrestar cirdyipe, sindyipe,
verso 21
xanzhvajipe, matyarnipe, haj inke kasave trabi. Pa kadal anglal phenav tumengem, ke kon kasave butya keren, chi resena le Devlesko them.
verso 22
Le duhosko frukto pale o kamipe si, lossh, pachipe, toleranshipe, skunpoipe, lashipe, patyape,
verso 23
blindope, palpale inkripe. Pe kasave naj kris.
verso 24
Kon pale le Kristo Jezusheskej, po trushul tannardine pengo trupo le bezexenca haj doropenca kethanes.
verso 25
Kana kathar o Duho trajisaras, phiras vi kathar o Duho!
verso 26
Tena dorosaras pala phutyarimasko asharipe, jekhavres xolyardines, pe jekhavreste xanzhvardes!
Libros
