Evangeliumo kathar o Janosh
capítulo 6
Manresko butaripe kaj le Tiberi- ashesko paji
verso 1
Sa pala kadal o Jezush perdal gelas pa Galilea, perdal pa Tiberiasheski mara.
verso 2
Baro butipe zhalas pala leste, ke dikhenas leske chudicka somnura, so pe nasvale kerelas.
verso 3
O Jezush opre gelas po plaj, haj tele beshlas kothe peske sityardenca.
verso 4
Pashe sas e Patradyi, le biboldengo barodyes.
verso 5
Kana o Jezush opre vazdas peske jakha, haj dikhlas, ke baro butipe avel karing leste, pushlas le Filipos: „Kathar las manro, te shaj xan?”
verso 6
Kado pale anda kodo phendas, avri te zumavel les, ke voj pestar, zhanelas, ke so kamel te kerel.
verso 7
O Filip kodo phendas leske: „Chi dujshela denarengo manro naj dosta lenge, ke savora zhenenge variso cerra te perel.”
verso 8
Mashkar le sityarde jekh, o Andrash, le Shimon Peteresko phral kade das duma:
verso 9
„Si kathe jekh shavo, kas si panzh manre haj duj mashe. Ba soj kado kattyenge?”
verso 10
O Jezush pe kado kodo phendas: „Beshaven tele le manushen!” But char sas pe kodo than. Tele beshline apol: Le mursh karing le panzh miji sasle.
verso 11
O Jezush pale xutyildas le manren, najisipe phendas, haj uladasle le tele beshlengirenge. Zhikade vi anda mashe das, sode feri trubusardas len.
verso 12
Pala soste chajiline, kodo phendas peske sityardenge: „Kiden kethane so ashilas, tena xasajveltar khanchi!”
verso 13
Kethane kidinele apol, haj anda panzh manre so ashiline pala manusha, deshuduj koshnyici pherdyardine pherdo.
verso 14
Le manusha pale, ke dikhline o chudicko somno, so kerdas, kodo phendine: „Dore kado kodo profeta si, kon aveltar pe luma!”
verso 15
Kana o Jezush sama las, ke kodo kamen te keren, te xutyilen les, haj krajeske te shon les, pale palpale gelas po plaj, numa voj korkori.
O Jezush po paji phirel
verso 16
Kana andre ratyilas, leske sityarde tele geline kaj e mara.
verso 17
Andre beshline ando bero, haj line te zhantar ando Kafarnaumo. Aba andre ratyilas, ba o Jezush inke chi akanak chi gelas kothe lende.
verso 18
Ke bari balval kerdyilas, e mara turbato kerdyilas.
verso 19
Kana karing le bishtaj panzh bake karing le tranda shtadiumo beronas, dikhline, ke o Jezush pe mara phirindes karing o bero pasharel, haj zurales darajline.
verso 20
Voj pale kade das lende duma: „Me som, na daran!”
verso 21
Oprekamline te len les ando bero, ba o bero sigo kaj e dolma reslas, karing kamline te zhan.
Sityaripe pa rajuno manro
verso 22
Kaver dyes e butimata, save pe maraki kaver rig tordyolas, sama las, ke numa jekh bero sas kothe, haj ke o Jezush chi hulyilas andre ando bero peske sityardenca kethanes, leske sityarde korkorunes gelinetar.
verso 23
Ba aviline anda Tiberish kaver berura kaj kodo than pashe kaj le manres xaline, pala soste o Raj najisipe phendas.
verso 24
Kana apol e butimata dikhlas, ke naj kothe chi o Jezush, haj chi leske sityarde, andre hulyiline ande berura, haj le Jezushes rodindes ando Kafarnaumo gelinetar.
verso 25
Kana rakhline les perdal pa mara, kodo phendine leske: „Rabbi, kana avilan kathe?”
verso 26
O Jezush kodo phendas: „Amen, amen phenav tumenge: „Roden man, ba na anda kodo, ke chudicka somnura dikhen, ba anda kodo, ke xaline anda manre, haj chajiline.
verso 27
Na anda kodo xamo khinyaren tumen, so xasalyvel, ba anda kodo xamo, savo ashol po sagutno trajo, saves maj le Manushesko Shavo dela tumen. Ke les o Daduno Del somnosardas.”
verso 28
Pe kado kodo pushline lestar: „So te keras, ke le Devleske trabi te keras?”
verso 29
O Jezush kodo phendas: „Le Devlesko kerdyipe kodo si, ke te patyan ande kodo, kas voj bishaldas.”
verso 30
Pe kado pushline lestar: „Sosko somno sikaves, ke te dikhas haj te patyas tuke? So keres?
verso 31
Amare dada Manna xaline ande pusta, sar iskirime si: »Anda rajo das len manro te xan«.
verso 32
O Jezush kado phendas palpale: „Amen, amen phenav tumenge: Na o Mozesh das tumen anda rajo manro, ba muro Dad del tumenge anda chacho rajo o manro.
verso 33
Ke le Devlesko manro kodoj, so anda rajo huralylas tele, haj trajo del la lumake.”
verso 34
Atunchi kodo phendine leske: „Raja, sagutnes de amenge kado manro!”
verso 35
O Jezush kado phendas lenge: „Me som le trajosko manro. Kon mande avel chi bokhajvela, haj kon ande mande patyal, chikana trushajvelatar.
verso 36
Ba phendom tumenge, ke dikhline man, haj chi kade chi patyan.
verso 37
Sakones, kas mange del o Dad, mande avel, haj kon mande avel, chi bishalav les,
verso 38
ke na anda kodo huralylom tele anda rajo, ke muro kamipe te kerav, ba kodalesko kamipe, kon man bishaldas.
verso 39
Kodaleske, kon man bishaldas, kodo si lesko kamipe, ke tena xasarav khanchi anda kodo so mange das, ba opre te trajaravles po palutno dyes.
verso 40
Ke mure Dadesko kamipe kodoj, ke sakoneske kon dikhel le Shaves, haj patyal ande leste saguno trajo te avel les: haj me opretrajarav len po palutno dyes.”
verso 41
Atunchi le bibolde xolyajline pe leste, ke kodo phendas: „Me som o manro, kon anda rajo huralylom tele”,
verso 42
haj kodo phendine: „Na o Jezush si kado, le Jozhefesko shavo, kaske pinzharas vi leske dades haj deja? Apol sar phenel akanak kado: »Anda rajo huralylom tele«?”
verso 43
O Jezush kado phendas lenge palpale: „Na xantume mashkar jekhavreste!
verso 44
Khonyik nashtig avel mande, kana feri o Dad, kon man bishaldas, chi pasharel les: haj me opretrajarav les po palutno dyes.
verso 45
Iskirime si kaj le profeta: »Savora zhene le Devleske sityarde avna«. Sa kodo kon le Dades ashundas haj patyalas lesko sityaripe, mande avel.
verso 46
Na sar le Dades te dikhlino varikon: numa kodo dikhlas le Dades, kon kathar o Del si.
verso 47
Amen, amen phenav tumenge: Kon patyal, sagutno trajo siles.
verso 49
Tumare dada manna xanas ande pusta haj muline.
verso 50
Kado anda rajo tele huralylo manro si, ke kon anda kado xal, tena merel.
verso 51
Me som o zhuvindo manro, so anda rajo huralylas tele. Kana varikon anda kado manro xal, sagutnes trajil. O manro pale, so me do, muro trupoj anda lumako trajo.
verso 52
Linepe te xanpe mashkar pende le bibolde anda kado, haj kado pushline: „Sar shaj del pesko trupo, kako amenge, te xasles?”
verso 53
O Jezush kado phendas lenge: Amen, amen phenav tumenge: tena xana le Manusheske Shavesko trupo, haj chi pena lesko rat, ch«avla trajo ande tumende.
verso 54
Kon xal muro trupo, haj pel muro rat, kodales sagutno trajo siles, haj me opretrajaravles po paluno dyes.
verso 55
Ke muro trupo chachikano xamo si, haj muro rat chachikano pimoj.
verso 56
Kon xal muro trupo, haj pel muro rat, kodo ande mande ashol, haj me ande leste.
verso 57
Sar man bishaldas o zhuvindo Dad, haj sar me lestar trajisarav, kade kon man xal, vi kodo mandar trajil.
verso 58
Kado kodo manro si, so anda rajo huralylas tele. Na kasavoj, sar so le dada xaline haj muline: kon kado manro xala, sagutnes trajila.
verso 59
Kadal phendas ando Kafarnaumo, kana ande zhinagoga sityardas.
Le sityardengo labilipe
verso 60
Kana kado ashundine, mashkar leske sityarde but zhene kado phendine: „Capeno vorba si kado! Kon shaj ashunel kado?”
verso 61
O Jezush zhanelas ande peste, ke leske sityarde anda kado xolyajven, anda kado kodo phendas lenge: „Xolyarel tumen kado?
verso 62
Haj kana dikhena le Manusheske Shaves, te zhal opre kothe, kaj anglakodo sas?
verso 63
O Duho si kodo so tarajarel, o trupo chi mol khanchi. Le alava, so me phendom tumenge, o Duho haj trajo si.
verso 64
Ba si mashkar tumende unyizhene, kon chi patyan.” Ke o Jezush kathar anglalutnipe zhanelas, ke kon si kodala, kon chi patyan, haj ke kon purrija les.
verso 65
Haj pashe phendas inke: „Anda kado phendom tumenge: Khonyik nashtig avel mande, kana feri o Dad chi delles leske.”
verso 66
Kathar kado mashkar leske sityarde but zhene palpale cirdinepe, haj chi phirenas lesa.
verso 67
O Jezush anda kado kade das duma kaj le deshuduj: „Dore vi tume kamen te zhantar?”
verso 68
O Shimon Peter kado phendas: „Raja, kaste zhasas? Le sagutne trajeske alava tyirej.
verso 69
Ame patyasas, haj pinzhardam, ke tu san le Devlesko Sunto.”
verso 70
O Jezush kado phendas lenge palpale: „Na deshudujen alosardom avri mashkar tumende? Ba jekh mashkar tumende vi kade beng si.”
verso 71
Kado pale, po Judash, po ishkarioticko Shimonesko shavo phendas, ke kado lesko purritori kerdyilas, jekh mashkar le deshuduj.
Libros
