Evangeliumo kathar o Mate

Capítulos:

… 23 24 25 26 27 28   ⇤ ← 25 → ⇥

verso 1

Atunchi anela le rajosko them pe desh sunci sheja, kon xutyildine penge phabarde haj avri geline angla piramno.

verso 2

Panzh mashkar lende chaladora sas panzh pale godyavera.

verso 3

Ke le chalade kana opre line penge phabarde, chi line pende uloj.

verso 4

Ba le godyavera penge phabardenca kethane vi uloj ingerdine penca ande penge vasura.

verso 5

Ke o piramno chi reslas pe vramate, savorazhene lindrale kerdyiline haj sutetar.

verso 6

Ba dopash ratyi cipipe ashundyolas: »Kathej o piramno, aven avri angla leste!«

verso 7

Atunchi le sunci sheja savora zhene opreushtyiline haj lashardine penge phabarden.

verso 8

Le chalade atunchi kade dine duma kaj le godyavera: »Den amen anda tumaro uloj, ke avri soventar amare phabarde.«

verso 9

Le godyavera kado phendine lenge: »Dore tena avel dosta chi amenge, chi tumenge, zhan barem kaj le biknara haj kinen tumenge.«

verso 10

Zhikaj kodola gelinetar te kinen uloj, reslas o piramno, haj kon gata sasle, andre geline lesa po colaxaripe. O vudar andre phandadine.

verso 11

Maj palal resline vi le majbut sunci sheja. Kodo phendine: »Raja, Raja! Puter avri amenge!

verso 12

Ba voj kado phendas palpale: »Amen, phenav tumenge: chi pinzharav tumen.«

verso 13

Aven apol samalinde, ke chi pinzharen chi o dyes, chi o chaso.

verso 14

Kade avla, sar kana jekh manush kodo kamlas, ke pe strene phuva te zhaltar. Akhardas peske slugan, haj perdal das lenge pesko barvalipe.

verso 15

Le jekhes panzh talentumo das, le kaveres dujen, le tritos pale jekh, savorenge sar pelaspe: haj gelastar pe strene phuva. Atunchi sigo

verso 16

gelastar kodo, kon panzh talentumo las, andre pashjardas kodalen, haj rodas inke panzhen.

verso 17

Zhikade vi kodo, kon dujen las, rodas inke dujen.

verso 18

Ba kodo kon jekh las, gelastar, ande phuv hunades garadas peske rajeske love.

verso 19

Pala but vrama khere avilas kadale slugango raj, haj oprepushlas len.

verso 20

Angle tordyilas atunchi kodo, kon panzh talenumura las, haj andas inke panzhe kavera talentumura, haj kade das duma: »Raja, panzh talentumura dan man, dikh, kavera panzh rodem inke pe lende.«

verso 21

Lesko raj kodo phendas leske: »Mishtoj, lasho haj chachi sluga san! Ando cino chacho sanas, abakanak but mukav pe tute: zha andre ande tye rajeski lossh.«

verso 22

Pala kado avilas vi kodo, kon le duj talentumura las, haj kade das duma: »Raja, duj talentumura dan man, dikh, inke duj talentumura rodem pe lende.«

verso 23

Lesko raj kado phendas leske: »Mishtoj, lasho haj chachi sluga san, ando cino chacho sanas, abakanak but mukav pe tute: zha andre ande tye rajeski lossh.«

verso 24

Palunes kothe avilas vi kodo kon jekh talentumo las, haj kado phendas: »Raja, zhanav pa tute, ke capeno manush san, kosis, kaj chi beshadan, haj andre kides vi kothar kaj chi ropnardan.

verso 25

Ke daros tutar, gelomtar haj garadom tyo talentumo ande phuv. Aketa, so tyiro si!

verso 26

Lesko raj kado phendas leske palpale: »Tu nasul haj bi butyako sluga! Zhanglan, ke kosij kaj chi beshadom haj kethane kidav kothar, kaj chi ropnardom.

verso 27

Haj zhianda kado trubusardino mure love te des kothe le love opre paruvarange, ke kana khere avav, butardes te lav palpale so muroj.

verso 28

Len apol lestar o talentumo haj denles kodaleske, kas desh talentumura si!

verso 29

Ke sa kodaleske, kas si, inke dena haj mishto trajila. Kathar kodo kas pale naj, inke vi kodo len, so siles.

verso 30

Le khanchikerde slugas pale shudenles avri po avralutno tunyarikipe! Avla kothe rovjipe haj dand kircipe!«

verso 31

Kana le Manushesko Shavo avelatar ande pesko luvudyipe, haj lesa kethanes le andyela savora zhene, atunchi tele beshela pe pesko luvudyaslo iskamin.

verso 32

Kethane kidena angla leste sakone popularon, voj pale alosarela len jekhavrestar, sar kana o malyari alosarel le bakren kathar le busnya.

verso 33

Le bakren pe peski chachi rig tordyarela, le busnyan pale po stungo rig.

verso 34

Atunchi o kraj kade dela duma kaj kodala, kon pe chachi rig tordyon: »Aventar, mure Dadeske ashtyilime, len perdal le themes, so tumenge keradyilas zhikathar la lumako kerdyipe.

verso 35

Ke bokhajlom haj dine man te xav, trushajlom haj dine man te pav, streno somas haj andre svagardine man,

verso 36

nango somas haj opreurade man, nasvalo somas haj aviline te dikhen man, phanglo somas haj aviline mande.«

verso 37

Atunchi le chache pushena lestar: »Raja, kana dikhlam tut te bokhajves, haj dam tut te xas, bake te trushajves haj dam tut te pes?

verso 38

Kana dikhlam tut sar strenos, haj andre xutyildam tut, bake nanges, haj opreuradam tut?

verso 39

Kana dikhlam tut nasvales bake phangles haj gelamtar tute?«

verso 40

O kraj kade dela vorba palpale lenge: »Amen, phenav tumenge: kana mashkar mure majcine phral kerde kado jekheske, mange kerdineles.«

verso 41

Pala kado kon pe leski stungo rig tordyon, kado phenela: »Zhantar mandar, tume armajasle, pe sagutni jag, so le bengeske haj leske andyelonge kerdyilas.

verso 42

Ke bokhajlom haj chi dine man te xav, trushajlom haj chi dine man te pav,

verso 43

streno somas haj chi svagardine man andre, nango somas haj chi urade man opre, nasvalo somas haj phanglo, haj ch«aviline te dikhen man.«

verso 44

Pe kado vi kodola pushena: »Raja, kana dikhlam tut te bo-khajves bake trushajves, sar strenes bake nanges, nasvales bake phangles, haj chi slugisardam tuke?«

verso 45

Atunchi voj kade dela vorba palpale lenge: »Amen, phenav tumenge: Kana chi kerdine kado mashkar kadal majcine jekheske, mange chi kerdineles.«

verso 46

Haj zhanatar kadal pe sagutne dukha, le chache pale po sagutno trajo.”

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28