Angluno lil le Timoteusheske

Fejezetek:

1 2 3 4 5 6

1. vers

Majanglunes apol pe kodo mangav tumen, inkren udyimata, haj phenen najisipe anda manush:

2. vers

anda Kraja haj anda sakone maj opralutne, ke pachako haj bi bidako trajo te shaj trajisaras, pherdyardes deldaramnipesa haj patyivipesa.

3. vers

Kado lasho haj skunpo si angla amaro muntosari Del,

4. vers

kon kodo kamel, ke sako manush te muntosardyol haj te resel pe chachipesko pinzharipe.

5. vers

Ke jekh si o Del, haj jekh si vi o legatari mashkar o Del haj manusha: o manush Jezush Kristo,

6. vers

kon kothe das pes parudines anda sakoneste, chachardyipe kerdines sakoneske ande peski vrama.

7. vers

Anda kado vladisardas man viacareske haj aposhtoleske – chachipe phenav, chi xoxavav –, le bi patyamnenge sityareske ando patyamnipe haj chachipe.

8. vers

Kodo kamav apol, ke le mursh kaj sako than uzhes te vazden opre penge vast po rudyipe, bi xolyako haj bi kecimasko.

9. vers

Zhikade mangav vi kodo, ke le romnya ande patyivale gada, lazhamnikanes haj patyivales te shukaraven pen, na andre krecisarde balenca, somnakajesa, bisorenca haj kuchune gadenca,

10. vers

ba sar perelpe kaj kodal romnya, kon daran le Devles: lashe kerdyimatanca.

11. vers

E romnyi ande pacha te sityol, sagutne muklipesa.

12. vers

Chi mukav, ke e romnyi te sityarel, haj opraluni te kerdyol po mursh: te ashol feri ande pacha.

13. vers

Ke le Adamos kerdine majanglal, la Eva pala kodo,

14. vers

haj na le Adamos xoxadine; ba la romnya xoxadine, haj ando bi muklipe pelas.

15. vers

Shavoren anel pe luma, kathar kodo muntusardyola, te ashola ando patyape, ando suntope haj trazipe.

Fejezetek:

1 2 3 4 5 6