Angluno lil le Timoteusheske

Fejezetek:

1 2 3 4 5 6

1. vers

Chachi vorbaj kadi: kon po biskoponipe dorosarel, lashi traba dorol.

2. vers

Zhi anda kado le biskoposke bi doshaleske, jekhar ansurisarde mursheske, trazoneske, godyavereske, patyivaleske, haj po sityaripe lasheske trubuj te avel.

3. vers

Na matyarneske haj marimaskiresko, ba blindosko, na kecitoresko haj xanzhvalesko, ba kasavo,

4. vers

kon peske kheres mishto lasharel, peske shaven ando muklipe haj ande patyivipe inkrel,

5. vers

ke kon peske kheres chi zhanel te lasharel, sar zhanelas atunchi te grizhol le Devleski eklezhia?

6. vers

Tena avel nyevjardes bolisardo manush, tena kerdyol phutyardo, haj zhikodo krisaripe te resel les, sar le benges.

7. vers

Vi kathar le avralutne lasho chacharipe trubuj te lel, tena perel ando marhipe haj ande bengesko xutyilipe.

8. vers

Le diakona zhikade patyivale manusha te aven, na dujutne shibakire, na e mol kamara, na xanzhvale;

9. vers

kasave, kon uzhe duhosa len sama ande pende le patyapeski tajna.

10. vers

Ba majanglal vi kadalen avritrubuj te zumaven, haj numa atunchi te slugisaren, kana bi doshalej.

11. vers

Le romnya zhikade patyivale te aven, na tele phenimaske, trazi, haj ande sakofaloste chache.

12. vers

Le diakona jekhar ansurisarde mursh te aven, kasave, kon penge shavoren haj pengo kher mishto lasharen.

13. vers

Ke kon mishto slugisaren, shukar baripe haj ando Kristo Jezush patyape baro visvarimo lena penge.

14. vers

Anda kodo iskirisarav kadal tuke – ba sperantisarav, ke na pa buteste tute reso –,

15. vers

ke vi palpale te inkradyuvo, zhan, ke sar trubuj te boldestu ande Devleski eklezhia, so le zhuvinde Devleski eklezhijaj, le chachipesko inkritoripej haj zuraloj lako fundo.

16. vers

Apol chachikanes bari butyij le blindosardyimaski tajna,
so ando trupo avrisikadas pes,
kathar o Duho chachipe reslas,
andre sikadine les le andyelonge,
mashkar le murtikana viacardine les,
pe intrego luma patyanas ande leste,
haj opre gelas ando luvudyipe.

Fejezetek:

1 2 3 4 5 6