Angluno lil le Timoteusheske

6. fejezet

Fejezetek:

E sluga

Kon andre si xutyildine, le phangle, te inkren ande patyivate penge rajen, ke kodal tena kushen le Rajesko anav haj sityaripe.

2. vers

Kas patyamno raj si, tena lel len ande majcerra, anda kodo, ke kodal phral si, ba zhi anda kado te slugisaren lenge inke majfeder, ke patyaamnej, le kamipeske haj le lashe kerdyimaske rigaslej.

Kadalen sityar!

Feripe kathar o xoxamno sityaripe haj kathar o xanzhvalipe

3. vers

Kon kaver falo sityarel, haj chi inkrel pes kaj amare Rajesko kaj le Jezush Kristoske saste alava haj le deldaramnipesa jekh hatyarde sityaripesa,

4. vers

kodo phutyardoj, chi zhanel khanchi, le but vorbimasko nasvalo si, anda kado pale xanzhvalipe, kecimata, kushlipe, haj nasul kamlo dosharipe kerdyol,

5. vers

le dile manushengo, kathar o chachipe nachilime, haj le deldaramnipe na pinzharde manushengo xapesko kethanipe avla.

6. vers

O deldaramnipe lashi butyij, kana mishtyipe inkerdyol pasha leste.

7. vers

Ke khanchi chi andam amenca pe luma, haj china chi ingras khanchi.

8. vers

Kana apol si amen xaben haj gada, te avel dosta kodo amenge.

9. vers

Ke kon barvale kamen te aven, ando zumavjipe peren, ande but khanchimaske doromata, save ando pustipe haj rumuvjipe peraven le manushes.

10. vers

Ke sakone bidako fundipe o xanzhvalipe si: unyizhene kon pashaleste pashardyiline, durutnisardyilinetar kathar o patyape, haj but dukhipe kerdine penge.

Le Timoteushesko zuraripe

11. vers

Ba tu, Devlesko manush, ferisar tut kathar kadal butya: po chachipe, po patyape, po kamipe, pe pachimasko toleranshipe, haj po blindope zurar tut.

12. vers

Martu anda lashimasko maripe, rode tuke le sagutne trajimasko trajos, pe soste akharipe lan, haj pe soste angla but manusha tele shutan o chacho patyape.

13. vers

Vladisarav tuke angla o Del, kon sakones trajo del, haj angla Kristo Jezush, kon tala o Ponciush Pilatush chacharipe kerdas zhi pa kodo chacho patyape:

14. vers

inker o vladipe uzhes, bi doshales zhikaj amere Rajesko le Jezush Kristosko avlipe,

15. vers

so sikavela atunchi o anando haj jekhtuno Baripe, le krajengo Kraj, le rajengo Raj,

16. vers

kon korkorunes krajil le bi meripes, kon ando bi pashe gelindo fimlalipe beshel, kas khonyik manush nashtig dikhlas haj china nashtig dikhel, kaske luvudyipe haj sagutno saktimo te avel! Amen!

Le barvalengo duhikano grizhope

17. vers

Kadala lumake barvalenge phen, ke tena aven phutyarde, tena patyan ando xoxamno barvalipe, ba ando trajisardo Del, kon butindes del amenge sakofalo, so trubuj amange:

18. vers

ke te aven lashe, ande lashe kerdyimata barvale, anda ilo te aven dinara,

19. vers

haj te kiden penge kethane barvalo, lasho fundo po avlipe, ke te resen o chacho trajo.