Lil le galatange
5. fejezet
Slobodipe bake slugipe
1. vers
Pe kado slobodipe shutas amen slobodeske o Kristo. Aven apol muklikane, haj na len pale pe tumende le slugimasko pharipe.
2. vers
Aketa, me o Pal, phenav tumenge, ke krujal te shinavena tumen, o Kristo khanchi chi zhutisarel tumenge.
3. vers
Pale chacharimata shav angla sakono manush, kon krujalshinavel pes, ke trubuj leske sa e intrego kris andre te inkrel.
4. vers
Shindyiline kathar o Kristo, kon ande kris roden o chachardyilipe, avri peline anda gracija.
5. vers
Ke ame kathar o Duho, anda patyape zhukaras le chachardyimasko sperantipe.
6. vers
Ke chi ando Kristo Jezush o krujalshinisaripe chi mol khanchi, haj chi o bi krujalshinipe, feri o patyape, so anda kamipe butyarelpe.
7. vers
Mishto nashline: kon xutyildas tumen palpale, ke te muken tumen le chachipeske?
8. vers
Kado patyamnisaripe na kathar kodo si, kon akhardas tumen.
9. vers
Jekh cerra kamiripe le intregone xumeres oprephutyarel.
10. vers
Patyav ande tumende ando Raj, ke chi pecisarena kaver data. Kon pale chi dela tumen pacha, phiravela o krisaripe, zhikon te avel kodo.
11. vers
Me pale, phralale, vi akanak le krujalshinipes te viacarav sostar dukhardyuvav vi akanak ando nashavjipe? Atunchi nachilastar le trushuleski bida.
12. vers
O, feri te shinenas tele variso anda pengo trupo, kon tumen chi den pacha!
O kamipe, sar le duhosko frukto
13. vers
Ke tume po slobodipe san trajisardine, phralale, feri o slobodipe tena avel muntuipe le truposke, ba ando kamipe te slugisaren jekhavreske!
14. vers
Ke e intrego kris ando jekh phenipe pherdyol andre, apol ande kado: „Kam tye dopashone vortakos, sar tut”.
15. vers
Ba jekhes te churinden haj te xana, len sama, ke jekhavres tena nacharentar!
16. vers
Kodo phenav apol: kathar o Duho te phiren haj na keren le truposke doromatipe!
17. vers
Ke o trupo pe kodo dorolpe so le Duhoske naj lasho: o Duho pale pe kodo so le truposke naj lasho: ke kadal chi hatyaren jekh, ke na kodo te keren, so fajas len.
18. vers
Kana o Duho te sikavela tumenge o drom, chi sanle atunchi tala e kris.
19. vers
Le kamipeske pecimata zhanarde si: marhipe, bi uzhipe, frivolipe,
20. vers
fetishosko kamipe, magia, dushmanipe, xape, rivalizalipe, xolyi, kecimata, jekhavrestar cirdyipe, sindyipe,
21. vers
xanzhvajipe, matyarnipe, haj inke kasave trabi. Pa kadal anglal phenav tumengem, ke kon kasave butya keren, chi resena le Devlesko them.
22. vers
Le duhosko frukto pale o kamipe si, lossh, pachipe, toleranshipe, skunpoipe, lashipe, patyape,
23. vers
blindope, palpale inkripe. Pe kasave naj kris.
24. vers
Kon pale le Kristo Jezusheskej, po trushul tannardine pengo trupo le bezexenca haj doropenca kethanes.
25. vers
Kana kathar o Duho trajisaras, phiras vi kathar o Duho!
26. vers
Tena dorosaras pala phutyarimasko asharipe, jekhavres xolyardines, pe jekhavreste xanzhvardes!
Könyvek
