Le Romaivonge iskirisardo lil
10. fejezet
1. vers
Phralale! Anda chacho ilo mangav haj rudyisarav kaj o Del anda lengo muntuipe.
2. vers
Ke chacharipe shuvav pasha lende, ke ande lende si o kamipe anda Del, ba kado le na pinzhardengo kamipej.
3. vers
Ke chi pinzhardine andre kathar o Del avilino chachardyipe, haj pengo kamline pe lesko than te shon: haj chi muklinepe le Devleske chachardyimaske.
4. vers
Apol o Kristo si la krisako agor, sakoneske po chachardyipe, kon patyal.
E muntuimaski losshani viaca sakoneske
5. vers
Ke o Mozesh kodo iskiril pa kris avilisardo chachardyipe: „O manush, kon kerel kodo, trajila anda leste”.
6. vers
Anda patyape avilisardo chachardyipe pale kade iskiril: „Na phen ande tyo ilo: Kon zhal opre ando cheri?” – ke le Kristos tele te anel.
7. vers
Bake: „Kon hural tele ande telalutni luma?” – ke le Kristos palpale te akharel anda meripe.
8. vers
Apol o iskiripe so phenel?”Pashe si tute o alav, ande tyo muj haj ande tyo ilo”, apol le patyapesko alav so viacaras.
9. vers
Ke kana tye mujesa phenes, ke”O Jezush si o Raj!”, haj ande tyo ilo patyas, ke o Del opretrajardas les anda o meripe, muntosardyos.
10. vers
Le ilesko patyape po chachardyipe, le mujesko phenipe pale po muntuipe slugisarel.
11. vers
Ke o Iskiripe kodo phenel:
„Sa kodo, kon patyal ande leste,
chi lazhajvela”.
12. vers
Ke naj kaveripe mashkar o biboldo haj helleno, ke savorazhenenge kodo jekh Raj siles, kon lashoj kaj sa kodola, kon po zhutipe akharen les.
13. vers
Ke sa kodo, kon po zhutipe akharel le Rajesko anav, muntosardyol.
14. vers
Ba sar akharen po zhutipe kodales, ande kaste chi patyan? Haj sar te patyan ande kodo, pa kaste chi ashundine? Haj sar te ashunen, kana naj kon viacarel?
15. vers
Haj sar te viacaren, kana chi bishaldine len? Sar Iskirime si:
„Soske shukaraj kodaleske punre,
kon e lashi viaca viacaren!”
Le Izraelesko bimuklimata
16. vers
Ba na savorazhene line muklimatasa o evangeliumo. Anda kodo phenel o Izajash:
„Raja, kon patyalas kodaleske, so ashundas amendar?”
17. vers
Apol sar kado phenel o ptyape anda ashundyipe si, o ashundyipe pale perdal pa Kristoski vorba.
18. vers
Ba pushav me: Dore chi ashundine les? Apol boldines:
„Lengo glaso ashundyilas pe intrego phuv,
haj lenge vorbi la phuvake granicij”.
19. vers
Bake pushav me: Dore o Izrael chi hatyardas les? O Mozesh phenel majanglal:
„Po rivalizalipe bishalav tumen
pe kodal, kon, »Naj muro popularo«,
haj oprexolyarav tumen pe dile populara”.
20. vers
O Izajash tromanes avriphenel: „Rakhline man, kon chi rodine man, haj sikadom man kodalenge, kon chi rodenas pala mande”.
21. vers
Ba o Izrael kade das duma: „Avriputerdom mure vast sorro dyes karing le murtikana haj bi mukle manusha”.
Könyvek
