capitolul 10
Phralale! Anda chacho ilo mangav haj rudyisarav kaj o Del anda lengo muntuipe.
Ke chacharipe shuvav pasha lende, ke ande lende si o kamipe anda Del, ba kado le na pinzhardengo kamipej.
Ke chi pinzhardine andre kathar o Del avilino chachardyipe, haj pengo kamline pe lesko than te shon: haj chi muklinepe le Devleske chachardyimaske.
Apol o Kristo si la krisako agor, sakoneske po chachardyipe, kon patyal.
Ke o Mozesh kodo iskiril pa kris avilisardo chachardyipe: „O manush, kon kerel kodo, trajila anda leste”.
Anda patyape avilisardo chachardyipe pale kade iskiril: „Na phen ande tyo ilo: Kon zhal opre ando cheri?” – ke le Kristos tele te anel.
Bake: „Kon hural tele ande telalutni luma?” – ke le Kristos palpale te akharel anda meripe.
Apol o iskiripe so phenel?”Pashe si tute o alav, ande tyo muj haj ande tyo ilo”, apol le patyapesko alav so viacaras.
Ke kana tye mujesa phenes, ke”O Jezush si o Raj!”, haj ande tyo ilo patyas, ke o Del opretrajardas les anda o meripe, muntosardyos.
Le ilesko patyape po chachardyipe, le mujesko phenipe pale po muntuipe slugisarel.
Ke o Iskiripe kodo phenel:
„Sa kodo, kon patyal ande leste,
chi lazhajvela”.
Ke naj kaveripe mashkar o biboldo haj helleno, ke savorazhenenge kodo jekh Raj siles, kon lashoj kaj sa kodola, kon po zhutipe akharen les.
Ke sa kodo, kon po zhutipe akharel le Rajesko anav, muntosardyol.
Ba sar akharen po zhutipe kodales, ande kaste chi patyan? Haj sar te patyan ande kodo, pa kaste chi ashundine? Haj sar te ashunen, kana naj kon viacarel?
Haj sar te viacaren, kana chi bishaldine len? Sar Iskirime si:
„Soske shukaraj kodaleske punre,
kon e lashi viaca viacaren!”
Ba na savorazhene line muklimatasa o evangeliumo. Anda kodo phenel o Izajash:
„Raja, kon patyalas kodaleske, so ashundas amendar?”
Apol sar kado phenel o ptyape anda ashundyipe si, o ashundyipe pale perdal pa Kristoski vorba.
Ba pushav me: Dore chi ashundine les? Apol boldines:
„Lengo glaso ashundyilas pe intrego phuv,
haj lenge vorbi la phuvake granicij”.
Bake pushav me: Dore o Izrael chi hatyardas les? O Mozesh phenel majanglal:
„Po rivalizalipe bishalav tumen
pe kodal, kon, »Naj muro popularo«,
haj oprexolyarav tumen pe dile populara”.
O Izajash tromanes avriphenel: „Rakhline man, kon chi rodine man, haj sikadom man kodalenge, kon chi rodenas pala mande”.
Ba o Izrael kade das duma: „Avriputerdom mure vast sorro dyes karing le murtikana haj bi mukle manusha”.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly