capitolul 5
Pe kado slobodipe shutas amen slobodeske o Kristo. Aven apol muklikane, haj na len pale pe tumende le slugimasko pharipe.
Aketa, me o Pal, phenav tumenge, ke krujal te shinavena tumen, o Kristo khanchi chi zhutisarel tumenge.
Pale chacharimata shav angla sakono manush, kon krujalshinavel pes, ke trubuj leske sa e intrego kris andre te inkrel.
Shindyiline kathar o Kristo, kon ande kris roden o chachardyilipe, avri peline anda gracija.
Ke ame kathar o Duho, anda patyape zhukaras le chachardyimasko sperantipe.
Ke chi ando Kristo Jezush o krujalshinisaripe chi mol khanchi, haj chi o bi krujalshinipe, feri o patyape, so anda kamipe butyarelpe.
Mishto nashline: kon xutyildas tumen palpale, ke te muken tumen le chachipeske?
Kado patyamnisaripe na kathar kodo si, kon akhardas tumen.
Jekh cerra kamiripe le intregone xumeres oprephutyarel.
Patyav ande tumende ando Raj, ke chi pecisarena kaver data. Kon pale chi dela tumen pacha, phiravela o krisaripe, zhikon te avel kodo.
Me pale, phralale, vi akanak le krujalshinipes te viacarav sostar dukhardyuvav vi akanak ando nashavjipe? Atunchi nachilastar le trushuleski bida.
O, feri te shinenas tele variso anda pengo trupo, kon tumen chi den pacha!
Ke tume po slobodipe san trajisardine, phralale, feri o slobodipe tena avel muntuipe le truposke, ba ando kamipe te slugisaren jekhavreske!
Ke e intrego kris ando jekh phenipe pherdyol andre, apol ande kado: „Kam tye dopashone vortakos, sar tut”.
Ba jekhes te churinden haj te xana, len sama, ke jekhavres tena nacharentar!
Kodo phenav apol: kathar o Duho te phiren haj na keren le truposke doromatipe!
Ke o trupo pe kodo dorolpe so le Duhoske naj lasho: o Duho pale pe kodo so le truposke naj lasho: ke kadal chi hatyaren jekh, ke na kodo te keren, so fajas len.
Kana o Duho te sikavela tumenge o drom, chi sanle atunchi tala e kris.
Le kamipeske pecimata zhanarde si: marhipe, bi uzhipe, frivolipe,
fetishosko kamipe, magia, dushmanipe, xape, rivalizalipe, xolyi, kecimata, jekhavrestar cirdyipe, sindyipe,
xanzhvajipe, matyarnipe, haj inke kasave trabi. Pa kadal anglal phenav tumengem, ke kon kasave butya keren, chi resena le Devlesko them.
Le duhosko frukto pale o kamipe si, lossh, pachipe, toleranshipe, skunpoipe, lashipe, patyape,
blindope, palpale inkripe. Pe kasave naj kris.
Kon pale le Kristo Jezusheskej, po trushul tannardine pengo trupo le bezexenca haj doropenca kethanes.
Kana kathar o Duho trajisaras, phiras vi kathar o Duho!
Tena dorosaras pala phutyarimasko asharipe, jekhavres xolyardines, pe jekhavreste xanzhvardes!
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly