Evangeliumo kathar o Mark
6. fejezet
Le Jezushes asvikaren ande lesko gav
1. vers
Pala kado avri avilas kothar, haj gelastar ande pesko gav. Leske sityarde pale zhanas palaleste.
2. vers
Kana savato kerdyilas, las te sityarel ande zhinagoga. But zhene, bari dikhenas pe lesko sityaripe, haj kodo pushenas: „Kathar las kado sa kadala? Sosko platnikipe si, so leske davardyilas? Haj soske chudimata kerdyon kathar leske vast?
3. vers
Na o kashtari si kado, la Marijako shavo, le Jakabesko, le Jozhefesko, le Judashesko haj le Shimonesko phral? Na leske phenya sile kathe amende?” Haj xolyajline pe leste.
4. vers
O Jezush pale kado phendas lenge: „Chi dikhen tele le profetas, numa ande lesko them, mashkar leske nyamura haj ande lesko kher.”
5. vers
China chi zhanglas chi jekh chudimata te kerel kothe, feri unyi nasvalen sastyardas, pe lende shutindes pesko vast.
6. vers
Haj bari dikhelas pe lengo bi patyape.
Pala kado andre phirdas le cine gava haj sityarelas.
Le deshudujengo bishavjipe
7. vers
Pala kodo peste akhardas le deshudujen, haj las te bishalel len, jekharsa dujzhenesardes. Zor das len pe biuzhe duhura.
8. vers
Vladisardas lenge, ke po drom khanchi kaver tena ingren numa phirimaski rolyi: chi trasta, chi manro, chi love ande penge brichinara.
9. vers
Phanden sandala, ba tena len opre duj zubunura.
10. vers
Kodo phendas lenge: „Kana varikaj andre zhana andekh kher, ashon kothe, zhikaj chi zhantar kothar majdur.
11. vers
Haj kana pale varikaj chi mukena tumen andre haj chi ashunena tumari vorba, zhan avri, haj maren tele vi o praho pa tumare punre, andre sikadines pe lende.”
12. vers
Kodal vi geline, haj sityarnas, te bunun penge bezexa.
13. vers
Bute bengen avri nashade, bute manushen makhline ulojesa, haj kodal vi sastyiline.
Phenimata pa Jezush
14. vers
Vi o Herodesh kraj ashundas pa leste, ke lesko anav pinzhardo sas aba. Kodo phenenas: „O Bolari Janosh trajisardas opre anda meripe, haj anda kodo mishkisajven ande leste chuda kerde zor”
15. vers
Kavera pale kade vorbinas: „O Illesh si voj.” Pale kavera kodo phenenas: „Profeta si kado; sar jekh t«avlas mashkar profeti.”
16. vers
Kadal ashundes o Herodesh kade das duma: „O Janosh si, kasko shero tele shinadom, kodo trajisardyilas opre anda meripe.”
Le Bolare Janosheske tele shinen lesko shero
17. vers
Ke o Herodesh vladisaripe das avri haj xutyiladas le Janoshes. Phanglo shutadas les ande robija anda Herodiash, kon leske phraleske, le Filiposke sas romnyi, ba voj romnyake las la.
18. vers
Ke o Janosh kodo phendas le Herodesheske: „Naj slobodo tye phraleska romnya te les.”
19. vers
Anda kado o Herodesh intrikalilas pe leste, haj kamelas te mudarel les, ba nas les troma te kerelles.
20. vers
Ke o Herodesh inkrelas kathar o Janosh. Zhanelas pa leste, ke chacho sunto manush si, anda kado ferilas les, butivar labilisho kerdyolas les ashundines, ba losshanes ashunelas les.
21. vers
Jekhar apol, kana o Herodesh baro xamo keradas pe pesko arakhadyimasko dyes peske themeske rajenge, le mijardenge haj le Galileickone rajkanenge,
22. vers
andre gelas la Herodiashaki shej haj khelelas lenge. Kado zurales pe fajlimaste sas le Herodesheske haj kaj mesalya beshle rajenge. O kraj pe kado kodo phendas la shake: „Mang mandar so feri kames, me davla tuke.”
23. vers
Vi colaxardas lake: „Ke zhiso manges, davla tuke, te trubuj vi mure themeski dopash rig!”.
24. vers
Kodi avri gelas haj pushlas kathar peski dej: „So te mangav?” Kodi kade das duma: „Le Bolare Janoshesko shero.”
25. vers
Pe kado sidyardes andre gelas kaj o kraj haj phendas pesko manglipe: „Kodo kamav, ke akanak de mange le Bolare Janoshesko shero pekh tejari.”
26. vers
O kraj brigake daspe, ba anda peski colax haj angla majbut raj chi kamlas te lel laki voja.
27. vers
Sigo bishaldas le mudares, haj vladisardas, te anen lesko shero pekh tejari. Kodo tele shindas lesko shero ande robija,
28. vers
andas lesko shero pekh tejari, haj perdal dasles la shake, e shej pale kothe dasles peska dake.
29. vers
Kana leske sityarde avri zhangline kado, aviline, ingerdine lesko trupo haj andekh murmunto shutine les.
Le sityardengo palpale avlipe
30. vers
Le aposhtolura pale kethane aviline kaj o Jezush, haj savorazhene phendine, ke so sakofalo kerdine haj so sityardine.
31. vers
Voj a- tunchi kodo phendas lenge: „Aventar rigate pekh korkorutno than, haj hodinisaren jekh cerra.” Ke kasave but zhene phirenas-nakhenas, ke inke chi te xan nasle vrama.
32. vers
Ando bero beshline apol, haj rigate cirdinepe pekh pachuno than, korko.
O angluno manro butaripe
33. vers
Butzhene apol dikhline len, haj sama line, kana geletar. Anda sako foro nashenas kothe, haj vi majsigo resline sar von.
34. vers
Kana avri hulyilas, o Jezush dikhlas le bute manushen, haj sunusardas len, ke kasave sasle, sar le bimalyarenge bakre, haj pe but sakofaloste las te sityarel len.
35. vers
Kana aba po apono bandyolas e vrama, kothe geline leste leske sityarde, haj kodo phendine leske: „Pusto si kado than haj vi nachilastar aba e vrama.
36. vers
Bishal len, te zhanen anda cine gava haj majrura te kinen penge xamasko.
37. vers
Ba voj kado phendas lenge: „Den len tume te xan.” Kodal kado phendine palpale: „Te zhastar haj te kinas anda dujshela denara manro, te zhanas te das len te xan?”
38. vers
Pe kado pushlas lendar: „Sode manro si tumen?” Zhan haj dikhen les. „Kana ginadele, kodo phendine: „Panzh kotora haj duj mashe.”
39. vers
Voj vladisardas lenge, ke te beshaven len tele savorazhenen ande grupura pe zeleno char.
40. vers
Tele beshline apol, ande grupura shel thaj panzhvadesh zhene ande jekh.
41. vers
Atunchi xutyildas le panzh kotora manre haj le duje mashen, opredikhlas po cheri, ashtyilipe phendas, haj phaglas le manren. Pala kodo kothe dasle kaj peske sityarde, te shonle angla lende. Vi le duje mashen uladas mashkar lende.
42. vers
Savorazhene xaline haj vi chajiline.
43. vers
Anda ashline manre haj mashe deshuduj koshnyici shutene pherdo.
44. vers
Kon xaline anda manro, panzhmiji zhene sas, feri le mursh.
O Jezush po paji phirel
45. vers
Pala kado sigo vladisardas peske sityardenge, te beshen ando bero, haj te zhan angle pe kaver dolma, ande Betsaida, zhikaj voj bishalel le manushen.
46. vers
Pala soste bishaldas len, opre gelas po plaj te rudyil.
47. vers
Kana andre ratyilas, o bero pe marako mashkar sas, voj pale korkori pe dolma.
48. vers
Dikhelas len, ke soske phares shuvnaren – ke anda kaver rig phurdelas lenge e balval. Ande ratyako kodo vramipe, kana le ketani po shtarto parude than, kothe gelas lende pe mara phirindes, pala kodo kamlas te nakheltar pashalende.
49. vers
Kodal pale dikhles, ke pe mara phirel, dichimaske gindisardine les haj opre cipisardine,
50. vers
ke savorazhene dikhline les, haj darajline. Ba voj sigo duma das lende, haj kodo phendas lenge: „Patyan! Me som, na daran!”
51. vers
Pala kodo andre beshlas lende ando bero, e balval pale tordyilas. Von pe kado inke majfeder chudinaspe ande pende.
52. vers
Ke chi sityiline anda manreski traba, haj lengo ilo inke bi hatyarimasko sas.
Sastyarimata pe Genezaraki phuv
53. vers
Perdal resline pe mara, haj pe Genezarki phuv resline haj avri phangle.
54. vers
Ba kana avri hulyiline anda bero, le manusha sigo oprepinzharde les,
55. vers
haj krujal nashindes anda sako rig line kethane te kiden le nasvalen patosa kethane kothe, kaj ashundine, ke kothe si voj.
56. vers
Kaj feri andre reslas ande gava, majrura bake forura, pe vujici shonas le nasvalen, haj mangenas les, ke feri kaj leske gadengo agor te shaj resen. Sa kodola, kon leste resline, sastyiline.
Könyvek
