Evangeliumo kathar o Mark
9. fejezet
1. vers
Pala kado kade vorbilas majdur: „Chachikanes phenav tumenge, si unyi zhene mashkar kodal kon kathe tordyon, kon chi pinzharna o meripo, zhikaj chi dikhena, ke avela le Devlesko them barimatasa.”
Le Jezushesko avriparnyilipe
2. vers
Pala shov dyes o Jezush pasha peste las le Peteres, le Jakabos haj le Janoshes, len opreingerdas pekh baro plaj, haj avriparnyilas angla lende.
3. vers
Leske gada fimlale kerdyiline haj ablyolime parne, sar o jiv, kade sar khanchi gadeango farbope pe luma chi zhanelas avri te parnyarelle.
4. vers
Jekharsa sikadyilas lenge o Illesh le Mozeshesa kethane: le Jezushesa vorbinaspe.
5. vers
Atunchi duma das o Peter, haj kodo phendas le Jezusheske: „Maistro, mishtoj amenge kathe te avas! Mukh keras trin cerhi: tuke jekh, le Mozesheske jekh haj le Illesheske jekh.”
6. vers
China chi zhanelas, ke so phenel, ke kade darajline.
7. vers
Pe kado noro muklyosardyilas tele, andre sharadas len, haj anda noro glaso ashundyolas: „Kado muro kamado Shavo si, les ashunen.”.
8. vers
Kana krujal dikhline, aba khonyik kavreres chi dikhline, feri le Jezushes korkorunes.
9. vers
Kana avenas tele pa plaj, phendas lenge, ke so dikhline khanyikaske tena phenen, zhikaj le Manushesko Shavo opre chi trajila anda meripe.
10. vers
Kodal e butyi vi ande pende inkerdine, ba mashkar pende pa kodo vorbinas, ke so phenel kodo: »opretrajil anda meripe«.
Le Illeshesko avlipe
11. vers
Pala kodo pushline lestar: „Sostar phenen le farizana, ke le Illesheske majanglal trubuj te aveltar?
12. vers
Voj kado phendas lenge: „O Illesh kana avela, maj anglal po than shol sakofalo. Atunchi pa Manushesko Shavo sostar si iskirime, ke but trubul te dukhardyol haj but khancheskimata trubuj te nakhavel?
13. vers
Ba phenav tumenge, ke o Illesh aba avilastar, haj kodo kerdine lesa, so kamenas, sar vi iskirisardine pa leste.”
Jekhe bengale ternesko sastyaripe
14. vers
Kana palpale resline kaj le sityarde, bute manushen dikhline krujal lende, haj iskiritoren kon xanaspe lenca.
15. vers
Sar e butimata dikhlas le Jezushes, jekharsa savorazhene bari dikhline, sigo kothe geline leste haj dyes dine les.
16. vers
O Jezush pushlas len: „Pa soste xantume jekhavrenca?”
17. vers
Anda butimata varikon kado phendas: „Maistro! Andom tute mure shaves, ande kaste muto duho si,
18. vers
sako rig xutyilel les, kaj phuv shinel les, voj pale spuma marel, peske dand kircil haj avricapenisardyol. Duma dom tye sityardenge, te nashaven les avri, ba chi zhangline.”
19. vers
Voj kade das duma lende: „O, tume bipatyamne populara! Zhikaj te avav inke tumenca? Zhikaj te toleralisarav tumen? Anenles kathe!”
20. vers
Pe kado kothe ingerdine les leste. Kana o shavoro dikhlas les, o duho las opre tele te shudel les, haj pe phuv pelindes spuma marelas haj vulujas pes.
21. vers
Voj pushlas leske dades: „Sode vrama si, ke ande kadi bida pelas?” Kodo kado phendas: „De cinara aba.
22. vers
Butivar ande jag haj ando paji shudelas les, te mudarel les. Ba variso te shaj keres, av pe amaro zhutisaripe, dikh amari mila.
23. vers
O Jezush kade das duma leste: „Variso te shaj keres? Sakofalo shaj aveltar kodaleske, kon patyal!”
24. vers
Le shavoresko dad a-tunchi oprecipisardas, haj rovjindes kodo phendas: „Patyav” Zhutisar pe muro bipatyamnipe!”
25. vers
Kana o Jezush dikhlas, ke le manusha kethane nashen, daradas le biuzhe duhos, haj kodo phendas leske: „Tu kashuko haj muto duho! Vladisarav tuke, zha avri anda leste, haj majbutivar ande leste na zha.”
26. vers
Pe kado o duho las te cipil, haj opre tele shudindes le shavores, avri gelas anda leste. O shavoro pale kasavo kerdyilas, sar o mulo, pe soste but zhene kodo phendine, ke mulas.
27. vers
Ba o Jezush kathar lesko vast xutyildines opre vazdas les; kodo pale opreushtyilas.
28. vers
Kana pale andre gelas ando kher, pushline les leske sityarde: „Ame sostar chi zhanglam avri te nashavas les?”
29. vers
Kodo phendas lenge: „Kado falo, chi zhal avri, numa kathar e rudyimata.”
Dujto profecia pa dukhardyipe haj pa opretrajisaripe
30. vers
Pala kado geletar kothar haj perdal geline pa Galilea; ba voj chi kamelas, vi varikon avri te zhanel kado.
31. vers
Ke sityarelas peske sityarden, haj phendas lenge, ke le Manusheske Shaves ande manushenge vast dena, mudarena les, ba pala soste mudarena les, po trito dyes opretrajisardyola.
32. vers
Kodal chi hatyarenas kadal phenimata, ba chi tromajline te pushen les.
Le sityardengo rivalizalipe
33. vers
Resline ando Kafarnaumo. Kana aba ando kher sas, pushlas len: „Pa soste vorbinas tume po drom?”
34. vers
Ba von chi dine duma, ke po drom pa kodo vorbinas, ke savo si mashkar lende o majbaro.
35. vers
Atunchi tele beshlas, peste akhardas le deshudujen, haj kodo phendas lenge: „Kana varikon angluno kamel t«avel, t«avel maskar sakozhene o paluno, haj sakoneski sluga.”
36. vers
Pala kado kothe akhardas jekhe shavores, mashkarlende tordyardas les, angalyidas les, haj kodo phendas lenge:
37. vers
„Kon jekhe kasave shavores andre svagarel ande muro anav, man svagarel andre; haj kon man andre svagarel, na man svagarel andre, ba kodales, kon man bishaldas.”
O streno chudakerdari
38. vers
Atunchi o Janosh kodo phendas leske: „Maistro! Dikhlam varikas, kon ande tyo anav, benges nashavlas, ba ch«avel palamende. Nashtisardam leske.”
39. vers
O Jezush kado phendas lenge: „Na nashtin leske! Ke khonyik, kon ande muro anav chuda kerel, chi kushela man jekh sigo.
40. vers
Ke kon naj amare dushmana, amenca si.
41. vers
Ke kon numa jekh taxtaj paji dela tumen te pen ande muro anav, anda kodo, ke le Kristoske san, Amen, phenav tumenge: chi xasarela peski rig.
Feripe kathar kordolardyipe
42. vers
Kon koldolarel jekhes mashkar kadal cine shavora, kon patyan ande mande: majmishto avlas kodaleske, kana barr phandenas ande leski kor haj ande mara shudenas les.
43. vers
Haj tyo vast te koldolaraenlabige tut, shinles tele: majmishtoj tuke bi vastesko ando trajo andre te zhas, sar duje vastenca ande dyehenna te reses, pe bi mudardi jag.
45. vers
Kana tyo punro te koldolarela tut, shin tele kodo: majmishtoj tuke langes ando sagutno trajo andre te zhas, sar duje punrenca kethanes te shudenas tut ande dyehanna.
47. vers
Kana tyi jakh te koldolaraenla tut, shinla avri, majmishtoj tuke dopashone jakhasa ande Devlesko them andre te zhas, sar duje jakhenca pe dyehenna te shudenas tut,
48. vers
kaj le kerme chi murdajven, haj lengi jag avri chi soveltar
Pa lon
50. vers
Lashoj o lon; ba kana o lon bi svadaslo kerdyol, sosa denles svado? „Travel ande tumende lon, haj travel pacha mashkar tumende.”
Könyvek
