Evangeliumo kathar o Mark
16. fejezet
Le andyelosko viacaripe pa shusho murmunto
1. vers
Kana nachilastar o savato e Maria Magdolna haj e Maria, le Jakaboski dej haj e Salome lashe sungengire makhlimata kindine, te zhantar haj te makhen le Jezushes.
2. vers
Le kurkesko angluno dyes, kana puterdyol e detehara, haj o kham opreushtyilas, kaj o murmunto geline.
3. vers
Kodo pushline jekhavrestar: „Kon pizdela majintye o barr amenge anda murmuntesko vudar?”
4. vers
Ba kana krujal dikhline, kodo dikhle, ke pizdine aba le barres angla vudar. Ba zurales baro barr sas.
5. vers
Andre geline ando murmunto, pe chachi rig jekhe ternes dikhline te beshel ande lunge parne gada urades, haj darajline.
6. vers
Ba kodo kade das lende duma: „Na daran! Le Nazaretickone Jezushes roden, kas po trushul tannardine? Opretrajisardyilas, naj kathe. Aketa, ka-thej o than, kaj shutine les.
7. vers
Zhantar, haj phenen kado leske sityardenge haj le Petereske: „Angla tumende zhal ande Galilea, kothe dikhena les, sar so vi phendas tumenge.”
8. vers
Kodol avrigele haj nashletar kathar o murmunto, ke izdravjimata haj dar xutyildas len, haj chi phendine khanyikaske khanchi, ke daranas.
Le opretrajisardesko sikadyipe
9. vers
Kana pe le kurkesko angluno dyes opretrajisardyilas, majanglal la Maria Magdolnake sikadyilas, anda kaste efta beng nashadas avri.
10. vers
Gelastar haj phendas kodalenge, kon anglunes lesa sas, haj save akanak kaldosarenas haj rovjarnas les.
11. vers
Kana ashundine latar, ke trajil haj ke voj dikhlas les, chi patyanas lake.
12. vers
Pala kado mashkarlende dujenge, sikadyilas andekh bi pinzhardo trupo, kana kodal pe gava zhanas.
13. vers
Vi von geline haj phendine e traba le majbutenge, ba chi lenge chi patyanas.
14. vers
Palunes apol sikadyilas vi le deshujekhenge, kana kaj e mesalya beshenas. Pe lenge jakha shudas lengo bipatyape haj lengo ilengo capenyipe, ke chi patyanas kodalenge, kon les dikhline pala opretrajisaripe.
15. vers
Pala kado kodo phendas lenge: „Zhantar ande intrego luma, haj sityaren o evangeliumo sakone zhuvindenge.
16. vers
Kon patyal haj boldosardyol, kodo muntosardyol; kon pale chi patyal, kodo pale bezexisardyol.
17. vers
Kodalen, kon patyan, kadal somnura chacharena; ande muro anav bengen nashavena avri, pe nyeve shiba dena duma,
18. vers
sapa lena opre, haj kana varisosko merimasko pipe pena, chi kerla dosh ande lende; pe nasvale shona penge vast, haj kodal sastyona.”
19. vers
O Raj Jezush, pala soste vorbisardas lende, oprelavadyilas ando rajo, haj be-shel pe Devleski chachi rig.
20. vers
Kodal pale geline haj sityarde o alav sogode thanende. O Raj lenca kethanes butyarlas, haj o sityaripe chudenge somnonca zurardas.
Könyvek
