Evangeliumo kathar o Mark
3. fejezet
Le paralizanesko sastyaripe savatone
1. vers
Pala kodo pale andre gelas ande zhinagoga. Sas kothe jekh manush kasko vast shutyilime sas.
2. vers
Chordanes dikhenas les, ke dore sastyarela les vi savatone, te shaj krisaren les.
3. vers
Atunchi voj kado phendas le shutyiline vasteskire manusheske: „Tordyu mashkaral.”
4. vers
Pala kodo pushlas lendar: „Slobodo si savatone lashipe te keren bake nasul, trajo te muntusaren bake te muken te xasajvel?” Kodal chi dine duma.
5. vers
Voj pe kado xolyarnyikes krujal dikhlas pe lende, brigajlas pe lengo ilengo capenyipe, haj kade das duma kaj o manush: „Lunzhar avri tyo vast!” Kodo avri lunzhardas les, haj sastyilas lesko vast.
6. vers
Le farizana kana avri geline, sigo kethane vorbisardine pe leste le Herodesheske manushenca, ke varisar te zhanen te xasaren les.
O Jezush haj o butipe
7. vers
O Jezush pale peske sityardenca gelastar kaj e mara. Baro butipe zhalas pala leste anda Galilea, anda Judea,
8. vers
anda Jeruzhalemo haj anda Idumea. Haj inke vi pa Jordaneski kaver rig, haj vi anda Tirus haj Sidoneske phuva but manusha avenas leste, ke ashundine, ke soske trabi kerel.
9. vers
Kathar peske sityarde kodo manglas, te zhukarel les jekh bero, ke zurales butipe si, haj tena kikiden les kethane.
10. vers
Haj ke butezhenen sastyardas, sa kodala, kas varisosko nasvalipe sas, kothe cirdenaspe krujal leste, te shaj resen leste.
11. vers
Le biuzhe duhura pale, kana dikhline les, tele shudepe angla leste haj kade cipisarenas:
12. vers
„Tu san le Devlesko Shavo.” Ba voj zurales pe lende vladisardas, tena phenen avri, ke kon si.
Le deshudujengo avri alosaripe
13. vers
Pala kodo opre gelas po plaj. Peste akhardas, kas voj kamlas, haj kodal kothe geline leste.
14. vers
Avri alosardas le deshudujen, lesa te aven, haj te bishalel len te sityaren o alav.
15. vers
Saktimo das len, avri te nashaven le bengen.
16. vers
Kadale deshudujen alosardas avri: Shimon, kaske o Peter anav das;
17. vers
haj inke le Jakabos, le Zebedeusheske shaves, haj le Janoshes, le Jakabeske phrales, saven Boanergesenge anavarlas, so strafinbashavjimaske shavenge anavardas;
18. vers
haj le Andrashes; Filipos, le Bertalanes, le Matevos haj le Tamashes; Le Jakabos, Le Alfeuseske shaves, Tadevos, le kanaanicke Shimones,
19. vers
haj le ishkarioticko Judashes, kon purrisardas les.
O Jezush haj leske nyamura
20. vers
Kana khere resline, pale kattyi manusha avilas kethane, ke inke chi manro nashtig xanas.
21. vers
Kana kado ashundine leske nyamura, geletar, zorasa khere te ingren les, ke kodo phendine: „Dilyajlas.”
Le Jezushesko chacharipe
22. vers
Le iskiritora, kon anda Jeruzhalemo aviline tele, kodo phendine, ke o Belzebub beshlas les, haj le bengenge krajeske zhutimatasa tradel avri le bengen.
23. vers
Atunchi kethane akhardas len, haj ande paraboli kado phendas lenge: „Sar shaj nashavlas avri o beng le benges?
24. vers
Kana jekh them nasul te kamel peske, kodo them nashtig tordyol opre.
25. vers
Haj kana jekh kher kamel nasul peske, kodo kher nashtig tordyol opre.
26. vers
Kana o beng pe peste del, haj nasul kamel peske, nashtig ashol opre, ke gata si leske.
27. vers
Khonyik nashtig zhal andre ande zuralesko kher haj nashti lel kodaleske butya, so zhimajanglunes tena phanglas le zurales, feri atunchi zhanel avri te chorel lesko kher.
28. vers
Amen, phenav tumenge, ke sakone bezexa haj marhimata, savenca kushen, jertardyon le manushenge shavenge;
29. vers
ba kon le Sunto Duhos kushel, kodo chi resel jertimata chikana, ba sagutno bezex phararla les.”
30. vers
Ke kodo phendine: „Biuzho duho si ande leste.”
Le Jezusheske chache nyamura
31. vers
Atunchi leski dej haj leske phral kothe aviline, haj avral zhukardes viaca bishalde leske, haj akharenas les.
32. vers
Mashkar krujal leste beshinde manusha vi duma das leske: „Aketa, tyi dej haj tye phral roden tut avral!”
33. vers
Voj kade das duma lenge: „Kon si muri dej haj kon si mure phral?”
34. vers
Pala kodo krujal dikhlas pe kodal kon krujal beshline les, haj kade das duma: „Aketa, muri dej haj mure phral. Ke kon le Devlesko kamipe kerel, kodo si muro phral, pheny haj dej.”
Könyvek
