Evangeliumo kathar o Mark
capítulo 3
Le paralizanesko sastyaripe savatone
verso 1
Pala kodo pale andre gelas ande zhinagoga. Sas kothe jekh manush kasko vast shutyilime sas.
verso 2
Chordanes dikhenas les, ke dore sastyarela les vi savatone, te shaj krisaren les.
verso 3
Atunchi voj kado phendas le shutyiline vasteskire manusheske: „Tordyu mashkaral.”
verso 4
Pala kodo pushlas lendar: „Slobodo si savatone lashipe te keren bake nasul, trajo te muntusaren bake te muken te xasajvel?” Kodal chi dine duma.
verso 5
Voj pe kado xolyarnyikes krujal dikhlas pe lende, brigajlas pe lengo ilengo capenyipe, haj kade das duma kaj o manush: „Lunzhar avri tyo vast!” Kodo avri lunzhardas les, haj sastyilas lesko vast.
verso 6
Le farizana kana avri geline, sigo kethane vorbisardine pe leste le Herodesheske manushenca, ke varisar te zhanen te xasaren les.
O Jezush haj o butipe
verso 7
O Jezush pale peske sityardenca gelastar kaj e mara. Baro butipe zhalas pala leste anda Galilea, anda Judea,
verso 8
anda Jeruzhalemo haj anda Idumea. Haj inke vi pa Jordaneski kaver rig, haj vi anda Tirus haj Sidoneske phuva but manusha avenas leste, ke ashundine, ke soske trabi kerel.
verso 9
Kathar peske sityarde kodo manglas, te zhukarel les jekh bero, ke zurales butipe si, haj tena kikiden les kethane.
verso 10
Haj ke butezhenen sastyardas, sa kodala, kas varisosko nasvalipe sas, kothe cirdenaspe krujal leste, te shaj resen leste.
verso 11
Le biuzhe duhura pale, kana dikhline les, tele shudepe angla leste haj kade cipisarenas:
verso 12
„Tu san le Devlesko Shavo.” Ba voj zurales pe lende vladisardas, tena phenen avri, ke kon si.
Le deshudujengo avri alosaripe
verso 13
Pala kodo opre gelas po plaj. Peste akhardas, kas voj kamlas, haj kodal kothe geline leste.
verso 14
Avri alosardas le deshudujen, lesa te aven, haj te bishalel len te sityaren o alav.
verso 15
Saktimo das len, avri te nashaven le bengen.
verso 16
Kadale deshudujen alosardas avri: Shimon, kaske o Peter anav das;
verso 17
haj inke le Jakabos, le Zebedeusheske shaves, haj le Janoshes, le Jakabeske phrales, saven Boanergesenge anavarlas, so strafinbashavjimaske shavenge anavardas;
verso 18
haj le Andrashes; Filipos, le Bertalanes, le Matevos haj le Tamashes; Le Jakabos, Le Alfeuseske shaves, Tadevos, le kanaanicke Shimones,
verso 19
haj le ishkarioticko Judashes, kon purrisardas les.
O Jezush haj leske nyamura
verso 20
Kana khere resline, pale kattyi manusha avilas kethane, ke inke chi manro nashtig xanas.
verso 21
Kana kado ashundine leske nyamura, geletar, zorasa khere te ingren les, ke kodo phendine: „Dilyajlas.”
Le Jezushesko chacharipe
verso 22
Le iskiritora, kon anda Jeruzhalemo aviline tele, kodo phendine, ke o Belzebub beshlas les, haj le bengenge krajeske zhutimatasa tradel avri le bengen.
verso 23
Atunchi kethane akhardas len, haj ande paraboli kado phendas lenge: „Sar shaj nashavlas avri o beng le benges?
verso 24
Kana jekh them nasul te kamel peske, kodo them nashtig tordyol opre.
verso 25
Haj kana jekh kher kamel nasul peske, kodo kher nashtig tordyol opre.
verso 26
Kana o beng pe peste del, haj nasul kamel peske, nashtig ashol opre, ke gata si leske.
verso 27
Khonyik nashtig zhal andre ande zuralesko kher haj nashti lel kodaleske butya, so zhimajanglunes tena phanglas le zurales, feri atunchi zhanel avri te chorel lesko kher.
verso 28
Amen, phenav tumenge, ke sakone bezexa haj marhimata, savenca kushen, jertardyon le manushenge shavenge;
verso 29
ba kon le Sunto Duhos kushel, kodo chi resel jertimata chikana, ba sagutno bezex phararla les.”
verso 30
Ke kodo phendine: „Biuzho duho si ande leste.”
Le Jezusheske chache nyamura
verso 31
Atunchi leski dej haj leske phral kothe aviline, haj avral zhukardes viaca bishalde leske, haj akharenas les.
verso 32
Mashkar krujal leste beshinde manusha vi duma das leske: „Aketa, tyi dej haj tye phral roden tut avral!”
verso 33
Voj kade das duma lenge: „Kon si muri dej haj kon si mure phral?”
verso 34
Pala kodo krujal dikhlas pe kodal kon krujal beshline les, haj kade das duma: „Aketa, muri dej haj mure phral. Ke kon le Devlesko kamipe kerel, kodo si muro phral, pheny haj dej.”
Libros
