capitolul 9
Pala kado kade vorbilas majdur: „Chachikanes phenav tumenge, si unyi zhene mashkar kodal kon kathe tordyon, kon chi pinzharna o meripo, zhikaj chi dikhena, ke avela le Devlesko them barimatasa.”
Pala shov dyes o Jezush pasha peste las le Peteres, le Jakabos haj le Janoshes, len opreingerdas pekh baro plaj, haj avriparnyilas angla lende.
Leske gada fimlale kerdyiline haj ablyolime parne, sar o jiv, kade sar khanchi gadeango farbope pe luma chi zhanelas avri te parnyarelle.
Jekharsa sikadyilas lenge o Illesh le Mozeshesa kethane: le Jezushesa vorbinaspe.
Atunchi duma das o Peter, haj kodo phendas le Jezusheske: „Maistro, mishtoj amenge kathe te avas! Mukh keras trin cerhi: tuke jekh, le Mozesheske jekh haj le Illesheske jekh.”
China chi zhanelas, ke so phenel, ke kade darajline.
Pe kado noro muklyosardyilas tele, andre sharadas len, haj anda noro glaso ashundyolas: „Kado muro kamado Shavo si, les ashunen.”.
Kana krujal dikhline, aba khonyik kavreres chi dikhline, feri le Jezushes korkorunes.
Kana avenas tele pa plaj, phendas lenge, ke so dikhline khanyikaske tena phenen, zhikaj le Manushesko Shavo opre chi trajila anda meripe.
Kodal e butyi vi ande pende inkerdine, ba mashkar pende pa kodo vorbinas, ke so phenel kodo: »opretrajil anda meripe«.
Pala kodo pushline lestar: „Sostar phenen le farizana, ke le Illesheske majanglal trubuj te aveltar?
Voj kado phendas lenge: „O Illesh kana avela, maj anglal po than shol sakofalo. Atunchi pa Manushesko Shavo sostar si iskirime, ke but trubul te dukhardyol haj but khancheskimata trubuj te nakhavel?
Ba phenav tumenge, ke o Illesh aba avilastar, haj kodo kerdine lesa, so kamenas, sar vi iskirisardine pa leste.”
Kana palpale resline kaj le sityarde, bute manushen dikhline krujal lende, haj iskiritoren kon xanaspe lenca.
Sar e butimata dikhlas le Jezushes, jekharsa savorazhene bari dikhline, sigo kothe geline leste haj dyes dine les.
O Jezush pushlas len: „Pa soste xantume jekhavrenca?”
Anda butimata varikon kado phendas: „Maistro! Andom tute mure shaves, ande kaste muto duho si,
sako rig xutyilel les, kaj phuv shinel les, voj pale spuma marel, peske dand kircil haj avricapenisardyol. Duma dom tye sityardenge, te nashaven les avri, ba chi zhangline.”
Voj kade das duma lende: „O, tume bipatyamne populara! Zhikaj te avav inke tumenca? Zhikaj te toleralisarav tumen? Anenles kathe!”
Pe kado kothe ingerdine les leste. Kana o shavoro dikhlas les, o duho las opre tele te shudel les, haj pe phuv pelindes spuma marelas haj vulujas pes.
Voj pushlas leske dades: „Sode vrama si, ke ande kadi bida pelas?” Kodo kado phendas: „De cinara aba.
Butivar ande jag haj ando paji shudelas les, te mudarel les. Ba variso te shaj keres, av pe amaro zhutisaripe, dikh amari mila.
O Jezush kade das duma leste: „Variso te shaj keres? Sakofalo shaj aveltar kodaleske, kon patyal!”
Le shavoresko dad a-tunchi oprecipisardas, haj rovjindes kodo phendas: „Patyav” Zhutisar pe muro bipatyamnipe!”
Kana o Jezush dikhlas, ke le manusha kethane nashen, daradas le biuzhe duhos, haj kodo phendas leske: „Tu kashuko haj muto duho! Vladisarav tuke, zha avri anda leste, haj majbutivar ande leste na zha.”
Pe kado o duho las te cipil, haj opre tele shudindes le shavores, avri gelas anda leste. O shavoro pale kasavo kerdyilas, sar o mulo, pe soste but zhene kodo phendine, ke mulas.
Ba o Jezush kathar lesko vast xutyildines opre vazdas les; kodo pale opreushtyilas.
Kana pale andre gelas ando kher, pushline les leske sityarde: „Ame sostar chi zhanglam avri te nashavas les?”
Kodo phendas lenge: „Kado falo, chi zhal avri, numa kathar e rudyimata.”
Pala kado geletar kothar haj perdal geline pa Galilea; ba voj chi kamelas, vi varikon avri te zhanel kado.
Ke sityarelas peske sityarden, haj phendas lenge, ke le Manusheske Shaves ande manushenge vast dena, mudarena les, ba pala soste mudarena les, po trito dyes opretrajisardyola.
Kodal chi hatyarenas kadal phenimata, ba chi tromajline te pushen les.
Resline ando Kafarnaumo. Kana aba ando kher sas, pushlas len: „Pa soste vorbinas tume po drom?”
Ba von chi dine duma, ke po drom pa kodo vorbinas, ke savo si mashkar lende o majbaro.
Atunchi tele beshlas, peste akhardas le deshudujen, haj kodo phendas lenge: „Kana varikon angluno kamel t«avel, t«avel maskar sakozhene o paluno, haj sakoneski sluga.”
Pala kado kothe akhardas jekhe shavores, mashkarlende tordyardas les, angalyidas les, haj kodo phendas lenge:
„Kon jekhe kasave shavores andre svagarel ande muro anav, man svagarel andre; haj kon man andre svagarel, na man svagarel andre, ba kodales, kon man bishaldas.”
Atunchi o Janosh kodo phendas leske: „Maistro! Dikhlam varikas, kon ande tyo anav, benges nashavlas, ba ch«avel palamende. Nashtisardam leske.”
O Jezush kado phendas lenge: „Na nashtin leske! Ke khonyik, kon ande muro anav chuda kerel, chi kushela man jekh sigo.
Ke kon naj amare dushmana, amenca si.
Ke kon numa jekh taxtaj paji dela tumen te pen ande muro anav, anda kodo, ke le Kristoske san, Amen, phenav tumenge: chi xasarela peski rig.
Kon koldolarel jekhes mashkar kadal cine shavora, kon patyan ande mande: majmishto avlas kodaleske, kana barr phandenas ande leski kor haj ande mara shudenas les.
Haj tyo vast te koldolaraenlabige tut, shinles tele: majmishtoj tuke bi vastesko ando trajo andre te zhas, sar duje vastenca ande dyehenna te reses, pe bi mudardi jag.
Kana tyo punro te koldolarela tut, shin tele kodo: majmishtoj tuke langes ando sagutno trajo andre te zhas, sar duje punrenca kethanes te shudenas tut ande dyehanna.
Kana tyi jakh te koldolaraenla tut, shinla avri, majmishtoj tuke dopashone jakhasa ande Devlesko them andre te zhas, sar duje jakhenca pe dyehenna te shudenas tut,
kaj le kerme chi murdajven, haj lengi jag avri chi soveltar
Sakones jagasa londyarena.
Lashoj o lon; ba kana o lon bi svadaslo kerdyol, sosa denles svado? „Travel ande tumende lon, haj travel pacha mashkar tumende.”
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly