capitolul 16
Kana nachilastar o savato e Maria Magdolna haj e Maria, le Jakaboski dej haj e Salome lashe sungengire makhlimata kindine, te zhantar haj te makhen le Jezushes.
Le kurkesko angluno dyes, kana puterdyol e detehara, haj o kham opreushtyilas, kaj o murmunto geline.
Kodo pushline jekhavrestar: „Kon pizdela majintye o barr amenge anda murmuntesko vudar?”
Ba kana krujal dikhline, kodo dikhle, ke pizdine aba le barres angla vudar. Ba zurales baro barr sas.
Andre geline ando murmunto, pe chachi rig jekhe ternes dikhline te beshel ande lunge parne gada urades, haj darajline.
Ba kodo kade das lende duma: „Na daran! Le Nazaretickone Jezushes roden, kas po trushul tannardine? Opretrajisardyilas, naj kathe. Aketa, ka-thej o than, kaj shutine les.
Zhantar, haj phenen kado leske sityardenge haj le Petereske: „Angla tumende zhal ande Galilea, kothe dikhena les, sar so vi phendas tumenge.”
Kodol avrigele haj nashletar kathar o murmunto, ke izdravjimata haj dar xutyildas len, haj chi phendine khanyikaske khanchi, ke daranas.
Kana pe le kurkesko angluno dyes opretrajisardyilas, majanglal la Maria Magdolnake sikadyilas, anda kaste efta beng nashadas avri.
Gelastar haj phendas kodalenge, kon anglunes lesa sas, haj save akanak kaldosarenas haj rovjarnas les.
Kana ashundine latar, ke trajil haj ke voj dikhlas les, chi patyanas lake.
Pala kado mashkarlende dujenge, sikadyilas andekh bi pinzhardo trupo, kana kodal pe gava zhanas.
Vi von geline haj phendine e traba le majbutenge, ba chi lenge chi patyanas.
Palunes apol sikadyilas vi le deshujekhenge, kana kaj e mesalya beshenas. Pe lenge jakha shudas lengo bipatyape haj lengo ilengo capenyipe, ke chi patyanas kodalenge, kon les dikhline pala opretrajisaripe.
Pala kado kodo phendas lenge: „Zhantar ande intrego luma, haj sityaren o evangeliumo sakone zhuvindenge.
Kon patyal haj boldosardyol, kodo muntosardyol; kon pale chi patyal, kodo pale bezexisardyol.
Kodalen, kon patyan, kadal somnura chacharena; ande muro anav bengen nashavena avri, pe nyeve shiba dena duma,
sapa lena opre, haj kana varisosko merimasko pipe pena, chi kerla dosh ande lende; pe nasvale shona penge vast, haj kodal sastyona.”
O Raj Jezush, pala soste vorbisardas lende, oprelavadyilas ando rajo, haj be-shel pe Devleski chachi rig.
Kodal pale geline haj sityarde o alav sogode thanende. O Raj lenca kethanes butyarlas, haj o sityaripe chudenge somnonca zurardas.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly