Evangeliumo kathar o Mark
capítulo 16
Le andyelosko viacaripe pa shusho murmunto
verso 1
Kana nachilastar o savato e Maria Magdolna haj e Maria, le Jakaboski dej haj e Salome lashe sungengire makhlimata kindine, te zhantar haj te makhen le Jezushes.
verso 2
Le kurkesko angluno dyes, kana puterdyol e detehara, haj o kham opreushtyilas, kaj o murmunto geline.
verso 3
Kodo pushline jekhavrestar: „Kon pizdela majintye o barr amenge anda murmuntesko vudar?”
verso 4
Ba kana krujal dikhline, kodo dikhle, ke pizdine aba le barres angla vudar. Ba zurales baro barr sas.
verso 5
Andre geline ando murmunto, pe chachi rig jekhe ternes dikhline te beshel ande lunge parne gada urades, haj darajline.
verso 6
Ba kodo kade das lende duma: „Na daran! Le Nazaretickone Jezushes roden, kas po trushul tannardine? Opretrajisardyilas, naj kathe. Aketa, ka-thej o than, kaj shutine les.
verso 7
Zhantar, haj phenen kado leske sityardenge haj le Petereske: „Angla tumende zhal ande Galilea, kothe dikhena les, sar so vi phendas tumenge.”
verso 8
Kodol avrigele haj nashletar kathar o murmunto, ke izdravjimata haj dar xutyildas len, haj chi phendine khanyikaske khanchi, ke daranas.
Le opretrajisardesko sikadyipe
verso 9
Kana pe le kurkesko angluno dyes opretrajisardyilas, majanglal la Maria Magdolnake sikadyilas, anda kaste efta beng nashadas avri.
verso 10
Gelastar haj phendas kodalenge, kon anglunes lesa sas, haj save akanak kaldosarenas haj rovjarnas les.
verso 11
Kana ashundine latar, ke trajil haj ke voj dikhlas les, chi patyanas lake.
verso 12
Pala kado mashkarlende dujenge, sikadyilas andekh bi pinzhardo trupo, kana kodal pe gava zhanas.
verso 13
Vi von geline haj phendine e traba le majbutenge, ba chi lenge chi patyanas.
verso 14
Palunes apol sikadyilas vi le deshujekhenge, kana kaj e mesalya beshenas. Pe lenge jakha shudas lengo bipatyape haj lengo ilengo capenyipe, ke chi patyanas kodalenge, kon les dikhline pala opretrajisaripe.
verso 15
Pala kado kodo phendas lenge: „Zhantar ande intrego luma, haj sityaren o evangeliumo sakone zhuvindenge.
verso 16
Kon patyal haj boldosardyol, kodo muntosardyol; kon pale chi patyal, kodo pale bezexisardyol.
verso 17
Kodalen, kon patyan, kadal somnura chacharena; ande muro anav bengen nashavena avri, pe nyeve shiba dena duma,
verso 18
sapa lena opre, haj kana varisosko merimasko pipe pena, chi kerla dosh ande lende; pe nasvale shona penge vast, haj kodal sastyona.”
verso 19
O Raj Jezush, pala soste vorbisardas lende, oprelavadyilas ando rajo, haj be-shel pe Devleski chachi rig.
verso 20
Kodal pale geline haj sityarde o alav sogode thanende. O Raj lenca kethanes butyarlas, haj o sityaripe chudenge somnonca zurardas.
Libros
