capitolul 4
Apol, ke o Kristo ando trupo dukhardyilas, vi tume zhikadale gindimatasa zuraren tumen, ke kon ando trupo dukhardyol, nacholtar te bezexarel,
ke aba na le manushenge doropenge, ba le Devleske kamipeske te trajil ando trupo inke so palal si vrama.
Ke dostaj, ke zhikaj kadi vrama pengo trajo kathar le murtikanengo kamipe trajisardine, kon ande hatyarimata, butajvipe, matyipe, xape, pijarnyikipe haj ande fetishongo nashtisrdo patyivipe trajin.
Akanak pale bari dikhen, ke chi inkren lenca zhi ande kadal hatyarimaske zhungalimata, haj kushen tumen.
Ba vorba dena kodaleske, kon gata tordyol te krisarel zhuvinden haj mulen.
Ke anda kodo viacardine o evangeliumo vi le mulenge, chaches ando trupo, manushikanes krisardine len, ba kathar o Duho kathar o Del te trajin.
Pashe si sakofalesko agor. Aven apol godyavera, haj ratyaren ande rudyimata!
Haj anglalutnes kamen jekhavres savorazhene sagda, ke o kamipe but bezex sharavel!
Patyivin jekhavres bixolyako!
Savorazhene, sar las e gracija, kade te della majdur vi kavereske, sar lasho lashari le Devleske gracijake.
Kana varikon vorbil, sar le Devleske vorbenca te vorbilas: kana varikon slugimata kerel, sar kodala zorasa te kerelas, so o Del del avri, ke ande sakofaloste le Devlesko luvudyipe te pherdyol andre perdal pa Jezush Kristo, kaske luvudyipe haj saktimo sagutno-sagutnes! Amen.
Mure kamade, na dikhen bari pe kodo phabardyimasko kikidipe, so sar pharipe reslas tumen, ke sar varisoski bari butyi te pecisajlinosas tumenca.
Barem losshan, ke rigasle shaj aven ande Kristoske dukha, ke kana lesko luvudyipe avrisikadyol, vojikanes te losshan.
Te kushen tumen anda Kristosko anav, baxtale avna, ke le luvudyimasko haj le Devlesko Duho hodinisardyola pe tumende.
Mashkar tumende khanyikas na anda kodo te resel dukhardyipe, ke mudarij, bake chor si, bake nasulipe kerdarij, haj ke pe kaveresko dorolpe.
Kana pale sar kristiano dukhardyol, tena lazhal kodo, ba te luvudyisarel le Devles ande kado anav.
Ke kathej e vrama, ke te anglalardyol e kris pe Devlesko kher. Kana pale pe amende anglalardyol, so avla lengo agor kodalenge, kon chi patyan le Devlesko evangeliumo?
„Kana vi o chacho daba muntosardyol,
so avla le bidevlikanesa bake le bezexaslesa?”
Anda kado vi kodal, kon anda Devlesko kamipe dukhardyon, te inbisaren pengo duho le chache Kerdareske perdal pa penge lashe kerdyimata.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly