Le Romaivonge iskirisardo lil

Capitole:

1 2 3 4 5 6 …   ⇤ ← 1 → ⇥

versetul 1

O Pal, le Jezush Kristoski sluga, akhardo aposhtolo, kas o Del avrialosardas pe pesko evangeliumoski rig –

versetul 2

so o Del anglunes phendas ande sunci lila perdal pa leske profeti

versetul 3

pa pesko Shavo, pa Jezush Kristo, pa amaro Raj, kon sar trupo anda Davidesko falo arakhadyilas,

versetul 4

ba kon sar suncipesko Duho, perdal pa merimasko opretrajisaripe, o Del peske bare Shaveske shutas:

versetul 5

haj pa kaste perdal gracija haj aposhtolicko bishalipe lam kaj sako popularo, ke te mukenpen perdal pa patyape pe lesko anavesko luvudyipe

versetul 6

– mashkar kadal sanle vi tume, le Jezush Kristoske akharde –,

versetul 7

le Devleske sogode kamadenge, kon ande Roma si, haj le akhardine suntonge. Gracija haj pachipe tumenge kathar o Del, kathar amaro Dad, haj kathar o Raj Jezush Kristo!

versetul 8

Majanglal najisipe phenav mure Devleske perdal pa Jezush Kristo anda savorazhenende, ke pe intrego luma asharen tumaro patyape.

versetul 9

Muro chachari si o Del, kaske slugisarav mure duhosa ande leske Shavesko evangeliumo, ke sar te serosardyuav pa tumende sagda,

versetul 10

haj sagutnes mangav ande mure rudyimata anda kodo, ke le Devleske zhutipesa te shaj resav aba varisar tumende.

versetul 11

Ke dorosajvav pala kodo, ke te dikhav tumen, haj te dav tumen varisode duhoske gracijimata, te zurarav tumen,

versetul 12

haj mashkar tumende inkerdines savorazhene te ushordyuvas anda jekhavresko patyape.

versetul 13

Chi kamav, phralale, ke tena zhanen, sodivar avrigindisardom ande mande, ke zhavtar tumende, haj te resav variso vi mashkar tumende, sar vi kaj le majbut populara, ba zhikaj kadi vramo palpale somas xutyildo.

versetul 14

Kamav me vi le hellenoske haj barbareske, platnikeske haj bi zhanareske;

versetul 15

anda kado, so mandar shaj kerav, ande mande si o kamipe, ke te viacarav o evangeliumo vi tumenge, romaivonge.

versetul 16

Chi lazhav le evangeliumos, ke le Devleski zor sakonesko muntuipe si, kon patyal, anglunes le biboldeske, pala kodo le hellenoske.

versetul 17

Ke le Devlesko chachipe sikadyol ande leste, so anda patyape po patyape ingrel, sar iskirime si: „O chacho anda patyape trajil”.

versetul 18

Le Devleski xolyi sikadyol anda cheri kodale manushenge pe sako nasulipe haj bi chachipe, kon bi chachimatasa tasaven o devluno chachipe.

versetul 19

Ke so shaj zhanas pa Del, kodo uzhes pinzharen, ke o Del avrisaikadasles lenge.

versetul 20

Ke kodo, so bi dikhlimasko si ande leste: leski sagutni zor, haj lesko devlipe shaj hatyaren kathar la lumako kerdyipe, ke o zhanipe perdal pa kerdyimata oprepinzharen les. Haj zhianda kado naj len muntuipe,

versetul 21

ke von, apol pinzhardine le Devles, ba chi luvudyinas les sar Devles, haj chi phendine najisipe leske, ba shushe kerdyiline ande penge gindimata, haj tunyarikipe muklyosardyilas pe lengo ilo.

versetul 22

Platnikenge phenenas pen, haj dile kerdyiline,

versetul 23

opre parudine le sagutne Devlesko luvudyipe pe manushenge, pe chiriklyange, pe shtare punrengire haj reptashongire fetishonca.

versetul 24

Anda kado o Del perdal das len sar lengo ilo dorosardas kodo le biuzhipeske, ke von te marhisaren pengo duho,

versetul 25

sar kasave, kon opreparudine le Devlesko chachipe le xoxavjipesa, haj barem sluginas le kerdyipes, sar le Kerdares, kon ashtyilimej sagutnes. Amen.

versetul 26

Anda kado o Del perdal das len lenge nasulimaske. Ke lenge romnya parudine kodo jako, so uzhoj, po biuzho.

versetul 27

Zhi kade vi le mursh, mukline o patyivalo kamavjipe la romnyasa, haj pe jekhavreste vazdadyiline po dorope, haj kade mursh murshenca kerenas marhimata; vi resline anda kado pengo potyinipe.

versetul 28

Sar von chi kamenas kodo, ke te pashardyon kaj le Devlesko pinzharipe, kade vi o Del pe pende muklas len, pe lengo marhisardo gindipe, mukh te keren kodo, so chi perelpe;

versetul 29

ke pherdo si von sakofaloske bi chachipenca, nasulipesa, marhipesa, xanzhvalipesa, rumuvjipesa, mudaripesa, xapenca, xoxavlyipesa, nasulduhipesa; purritora si von,

versetul 30

haj xoxavjimata phende, angla o Del rucij, bidakej, phutyardej, barimaskej, xalej le dadenca haj dejanca pale bi muklej,

versetul 31

dilej, nashtig muken pe lende khanchi, bi ileskirej, e vorba so den oprephagen, haj brutalishaj.

versetul 32

Apol chaches pinzhardine le Devleski kris, ke kon kasave keren, perelpe lenge o meripe, ba vi kade, na feri kerenla, ba vi kodalenca kon kado keren jekh hatyaren.

Capitole:

1 2 3 4 5 6 7 8 9 10 11 12 13 14 15 16