capitolul 1
Le Jezush Kristoske familiako skundo, kon le Davidesko, le Abrahameske shavesko shavoj.
O Abraham kerdas le Izhakos; o Izhak kerdas le Jakobos; o Jakob pale kerdas le Judas haj kadaleske phralen;
o Juda kerdas le Fareses haj le Zaratos kathar e Tamara; o Fares kerdas le Ezrontos; o Ezron pale kerdas le Aramos;
o Aram kerdas le Aminadabos; o Aminadab kerdas le Nahsones; o Nahson kerdas le Salmontes;
o Salmon kerdas le Booztes kathar e Rahab; o Booz kerdas le Obedes kathar e Rut; Obed kerdas le Jesses; o Jesse pale kerdas le David krajes.
O David kerdas le Shalamones kathar peski Uriash romnyi;
o Shalamon kerdas le Roboamos; o Roboam kerdas le Abiates; o Abia kerdas le Asatos;
o Asa kerdas le Jozafatos; o Jozafat kerdas le Joramos; o Joram kerdas le Ozijas;
o Ozijas kerdas le Jotamos; o Jotam kerdas Achazes; Achaz kerdas le Hiskijas;
o Hiskija kerdas le Manasses; o Manasse kerdas le Amones; o Amon kerdas le Jozijas;
o Jozija pale kerdas le Joakinos haj leske phralen kana perdal geline te beshen ande Babilonia.
Pala Babiloniako perdal zhape o Joakin kerdas le Shalatieles; o Shalatiel kerdas le Zerubbabeles;
o Zerubbabel kerdas le Abiudes; o Abiud kerdas le Eljakimos; o Eljakim kerdas le Azores;
o Azor kerdas le Sadokos; o Sadok kerdas le Akimos; o Akim kerdas le Eliudos;
o Eliud kerdas le Eleazares; o Eleazar kerdas le Mattanos; o Mattan kerdas le Jakobos;
o Jakob pale kerdas le Jozhefes. Voj sas lako rom la Marijake, kastar arakhadyilas o Jezush, kas Kristoske anavaren.
Sa o intrego generaciovo apol kathar o Abraham zhikaj o David deshushtar generaciovo si; kathar o David zhikaj e Babilonicko perdal zhape deshushtar generaciovo si; haj kathar e Babilonicko perdal zhape zhikaj o Kristo deshushtar generaciovo si.
Le Jezush Kristosko arakhadyipe pale kade sas:
Leski dej e Marija ande angrustya sas le Jozhefesa. Ba so majanglal kethane shaj colaxardinesas, avri zhanglyilas, ke ande peski utera kathar o Sunto Duho xutyilivardyilas.
O Jozhef pale, lako rom, ke chacho manush sas, chi kamlas ande viaca te anel la, anda kado kodo gindisardas avri, ke ande pacha, tala tajna bishavela la.
Kana kadal boldelas ande pesko ilo, aketa, le Rajesko andyelo ande lesko suno sikadyilas leske haj kade das duma: „Jozhef, Davidesko shavo, na dara tute te les tya romnya, la Marija, ke so ande late xutyilivardyilas, kathar o Sunto Duho si.
Shaves anla pe luma, haj o Jezush anav desa leske, ke voj muntusarela peske popularos kathar lenge bezexa.”
Sa kado pale anda kodo pecisardyilas, andre te pherdyol le Rajeski vorba, so le profetanca phenavardas:
„Aketa, e sunto ande peski utera xutyilivardyol haj shaves anla pe luma, haj lesko anav Emmanueleske anavarena”. Kado kodo sikavel: Amencaj o Del.
O Jozhef pale opre ushtyilas anda pesko suno, haj kade kerdas, sar so le Rajesko andyelo vladisardas leske. Peste las peska romnya,
ba chi pinzhardas la, zhikaj chi andas pe luma le shaves; haj o Jezush anav das leske.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly