capitolul 1
O Pal, kon na kathar le manusha, na perdal pa manusha si aposhtolo, ba perdal pa Jezush Kristo haj o Dad, kon opretrajardas les anda meripe,
haj kon manca si phral savorazhene. La Galacicka eklezhiange.
Gracija tumenge haj pachipe kathar o Del, kathar amaro Dad, haj kathar o Raj Jezush Kristo,
kon pesko trajo das anda amare bezexa, ke avri te lel amen anda kadala lumako akanimasko nasulipe, kathar le Devlesko amare Dadesko kamipe,
haj kaske luvudyipej sagutno-sagutnes! Amen.
Chudisarav, ke kathar kodo, kon tumen perdal pa Kristoski gracija akhardas, kasavo sigo kaj jekh kaver evangeliumo pashardyon,
haj apol naj kaver, numa kasave si, kon kethane bolden tumen, haj kamen te bandyaren le Kristoske evangeliumos.
Ba kana ame, bake anda o cheri jekh andyelo te viacarelas tumenge jekh kaver evangeliumo, so ame viacardam tumenge, te evel armajaslo!
Sar vi angla kodo phenasas, akanak pale phenavles: Kana varikon kaver evangeliumo viacarel tumenge, so aba perdal line, te avel armajaslo!
Dore manushen kamav akanak te patyavarav, bake Devles? Dore le manushenge kamav po fajlipe te avav? Ba le manushenge te kamos po fajlipe te avav, atunchi chi avos le Kristoski sluga!
Ke avri zhanarav tumenge, phralale, ke o evangeliumo, so me viacardom, na kathar o manush si:
ke me na kathar o manush lom haj sityilom kodo, ba anda Jezush Kristosko avrisikadyipe.
Ashundine vi tume, ke soske trabi keros, dulmut mashkar le bibolde, ke zurales nashavos le Devleski eklezhija, haj mudaros kodi.
Maj butardo somas mashkar le bibolde vi kathar mure but amala, ke majfeder andre inkros mure popularoski tradicija.
Ba kana kade fajlas le Devleske, kon man zhikathar mura dejaki utera avrialosardas, haj kathar peski gracija akhardas,
ke avri te sikavel ande mande peske Shaves, ke te viacarav les mashkar le bibolde, haj chi bunusaros man truposa haj ratesa,
haj chi ando Jeruzhalemo chi gelom opre kaj mure aposhtolikana-anglalara, ba gelomtar ande Arabia, haj pala kodo pale palpale avilom ando Damaskuso.
Pala trin bersh apol opre gelom ando Jeruzhalemo, ke te dikhav le Kefashes, haj leste ashilom deshupanzh dyes.
Kaveres apol mashkar le aposhtolura chi dikhlom, numa le Jakabos, le Rajeske phrales.
So pale iskirisarav tumenge, aketa, angla o Del phenav, ke chi xoxavav.
Pala kodo pe Siriake haj Kilkiake phuva gelom.
Pe Judeake eklezhiangi rig, save ando Kristo sile, man china chi pinzharenas.
Feri kodo ashundine pa mande: „Kodoj, kon varikana amen nashavelas, akanak viacarel o patyape, so varikana mudarelas”,
haj luvudyisarenas anda mande le Devles.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly