capitolul 4
Ba o Duho kodo phenel, ke pe palune vrami unyizhene shindyonatar kathar o patyape, pe xoxamnimaske dichimata haj po beng ashunena,
pe kodal, kon paxandines, ba ande pengo duho somnosardines xoxavjimata viacaren.
Kon kodo phenen, ke nashtipe si o ansuripe, ke trubuj te ferin tumen unye xabenendar, haj apolal kodal anda kodo kerdas o Del, ke najisipe phendines te hasnisarenle mishto le patyamne, kodal, kon pinzhardine le chachipes.
Ke le Devlesko sakono kerdyipe lashoj, haj khanchi naj shudimasko, so najisipesa lel peste o manush,
ke sunto avla kathar le Devlesko alav haj kathar o rudyipe.
Kado te sikaves le phralenge, le Kristoski lashi sluga avesa. Le patyapesa haj kodale chache sityarimaske alav xasa, ande soste patyas.
Muk le bi hatyarde haj phure romnyarde paramichi, ando blindope zurar tut.
Ke le truposko zuraripe pe cerra butyi si lasho: ba o blindope pe sakofaloste lashoj, ke phiravel le sipeski haj avlipe-trajoski vorba.
Chachi vorbaj kadi, haj shaj patyamni!
Ke anda kodo khinyardyuvas haj anda kodo kushen amen, ke sperantisaras ando trajisardo Del, kon muntori si sakone manusheske, majfeder le patyamnenge.
Kado vladisarel, kado sityar!
Konyik tena dikhel tut tele, ke terno san, ba av vi platniko ande vorba, ando kerdyipe, ando kamipe, ando patyape, ando uzhipe.
Zhikaj kothe zhav, grizhontu pa opre ginavjipe, pa feripe haj sityaripe.
Na khanchisar e gracija so ande tute si, so kathar anglal phenimata lan kathar le prezhbitera kade, ke oprevazdine penge vast.
Pe kadal butya te aven tut grizha, kadal butya ker, ke tyo angle zhalipe te avel pinzhardo angla sakoneste.
Le sama pe tute haj po sityaripe! Av zuralo ande kadal, ke kado te keresa, muntus vi tut, haj vi kodalen, kon ashunen tut.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly