Dujto lil kaj le korintushicka

Capitole:

1 2 3 4 5 6 …   ⇤ ← 2 → ⇥

versetul 1

Kodo gindisardom ande mande, ke chi zhav pale brigasa tumende.

versetul 2

Ke me brigakirenge te kero tumen, atunchi kon avla, kon vojisarela man, kodo tena, kas me brigaro?

versetul 3

Haj vi pa kodi butyi anda kodo iskirisardom tumenge, ke kana maj kothe zho, tena resel man briga anda kodal, anda kaste trubujas te losshav, ke zhanav pa savorazhenende, ke muri lossh savorengi lossh si.

versetul 4

Ke anda mure ilesko baro kikidyipe haj dar iskirisardom tumenge mashkar but asva, na anda kodo, ke briga te kerav tumenge, ba te pinzharen, ke sar kamav tumen.

versetul 5

Mange varikon briga te kerdas, na man brigardas, ba ande varisode savorazhenen.

versetul 6

Dostaj kasaveske o dosharipe, so kathar o butipe las.

versetul 7

Akanak pale boldines, barem jertisaren leske, haj ushoraren les, ke e bari briga tena xalles.

versetul 8

Anda kado mangav tumen, kamen les.

versetul 9

Ke vi anda kodo iskirisardom, ke avri te zumavav tumen, haj avri te zhanav, ke ande sakofaloste muken tumen apol?

versetul 10

Kaske pale tume jertin variso, kodaleske vi me jertisarav: ke vi me kana jertisardom, te sas variso te jertisarav, kodo anda tumende kerdom angla Kristo,

versetul 11

ke andre tena xudrosarel amen o shatano, ke naj bi pinzharde angla amende leske butya.

versetul 12

Kana ando Troaso reslom pe Kristoske evangeliumesko viacaripe, chaches o vudar puterdo sas angla mande ando Raj,

versetul 13

ba nas pacha mure duhoske, ke chi arakhlom kothe mure Titus phrales, anda kado avilomtar lendar, haj ande Makedonia gelom.

versetul 14

Ba najis le Devleske, kon sagda po viktornope ingrel amen ando Kristo, haj leske pinzharimaski lashi sung pe sagutne thana butarel perdal pamende!

versetul 15

Ke le Kristoske lashe sung sam anda Del mashkar kodal, kon muntosardyon, haj vi mashkar kodal, kon xasajven.

versetul 16

Kadalenge le merimaski lashi sung po meripe, kodalenge pale le trajeski lashi sung po trajo. Ba kon si lasho pe kado?

versetul 17

Ke ame chi sam kasave, sar but zhene, kon xoxavaren le Devleske alaves, ba chachikanes, sar anda jekh Del vorbisaras, angla Del, ando Kristo.

Capitole:

1 2 3 4 5 6 7 8 9 10 11 12 13