capitolul 4
Mangav tumen apol, me, kon phanglo som ando Raj, trajin patyivales kaj kodi butyi so line,
intregone muklipesa, ando blindope haj pachipe. Trajin pasha jekhavreste ando kamipe.
Zuraren tumen te inkren o duhikano jekhipe ande pachako phanglipe.
Jekh si o trupo haj jekh si o Duho, sar vi tumari butyi po jekh sperantipe ingrel.
Jekh si o Raj, jekh o patyape, haj jekh o bolardyipe.
Jekh si o Del haj sakonesko Dad, kon opralutnoj pe sakofaloste, sakofalo perdal xuvel, haj ande sakofaloste andre si.
E gracija apol sakon mashkar amende kathar le Kristoski tofnimaski rig las.
Anda kado phenel o iskiripe:
„Opre gelas ando uchipe, robon ingerdas pesa,
haj tofnimata das le manushen.”
Kodo pale, ke „opreghelas”, so kaver sikavel, ke vi tele hurajlas pe phuvake telalutne riga?
Kon tele hurajlas, zhikodoj, sar kon opregelas, majopre kathar sagda cheri, ke andre te pherdyarel sakofalo.
Voj shutas unyizhenen aposhtolenge, kaveren pale profetange bake evangelarenge, pale kaveren pale malyarenge haj sityarenge,
ke mishtoske te kerel le suntonen te keren o slugipe anda Kristosko truposko oprevazdipe,
zhikaj savorazhene resas kaj le patyapesko haj le Devleske Shavesko pinzharipesko jekhipe, po manushikano opre baripe, pe kasave bersha, savesko somno le Kristosko intregonipe si:
ke tena avas aba labilisha shavora, haj tena shudel amen kathe-kothe e sityarimatako zhisoski balvalako phurdipe manushikane xoxamnipesa haj xalipesa kethanes.
Boldines, phiras sar o chachipe phenel ando kamipe, haj ande sakofaloste te baruvas opre leste, kaj o Kristo, kon o shero si.
Perdal pa leste, le kethane phangle vunenge zhutipesa ande jekh xutyildines haj kethane inkerdines, pa sako rigako baripe grizholpe, ke opre te barol ando kamipe.
Kodo phenav apol, haj mangav tumen ando Raj, ke abakanak tena trajin kade, sar le murtikana trajin, kon pe phutyarimata maren pengi godyi.
Tunyarikipe burdosajvel pe lengi godyi, kathar o Devlikano trajo durutnisajlinetar anda kodo bi zhanipe so ande lende si, so lenge ilengo na muklipe somnosarel.
Bi hatyarimaske kerdyiline, perdal dine pen le marhimaske, haj anda xanzhvalipe but sakofalone biuzhe trabi keren.
Ba tume na kade sityilineles kathar o Kristo,
kana chachikanes les ashundine haj pa leste line sityaripe, kathar kodo chachipe inkerdines, so ando Jezush si:
shuden tele kathar o dulmutanipe trajisardino manushes, kon ando rumuvjipe nashel kathar le xoxamne doromata:
nyevjardyon kathar tumaro gindipe,
haj len pe tumende le nyeve manushes, kon pe Devleski mosura ando chachipe haj suntoipe kerdadyilas.
Apol andakado shinen tumen kathar o xoxamnipe, haj sakon te phenel chachipe peske dopashune vortakoske, ke riga samle jekhavreske.
Vi te xolyajven, na bezexaren; o kham tena nachol tele pe tumari xolyi,
haj na den than le bengeske.
Kon xapadas, majbut tena xapavel, barem keren butyi, haj peske vastesa te rodel barvalipe, ke te avel anda soste te del le chorrenge.
Chi soski nasul vorba tena mukel tumaro muj, numa kasavi, so kaj trubuj, lashi avla po vazdadyipe, ke gracija te del kodalen kon ashunenla.
Na brigaren le Devlesko Sunto Duho, pa kaste perdal somnosarde san pe muntoimasko dyes.
Sako kerkipe haj xolyi, xape haj kushlimata te avel dur tumendar sakone nasulipesa kethanes.
Karing jekhavreste barem aven lashe, jertisaren jekhavreske, sar vi o Del jertisardas tumenge ando Kristo.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly