capitolul 5
Keren apol barvale! Roven, cipin anda chorrimata, so pe tumende zhukarel!
Tumaro barvalipe pustisajlas, tumare gada kernyilinetar.
Tumare somnakaja haj rup xalas e vrama, haj lengo kalipe chacharela pe tumende, haj xalyarela tumaro trupo, sar e jag. Inke vi ande palutne dyesa kethane kiden!
Aketa, le butyarengo potyinipe, kon tele kosisardine tumare mal, haj andasote tume chordine, oprecipisardas, haj le butyarengo cipipe reslas kaj le chereske Rajeske kan.
Chalyiline pe phuv, haj ando marhipe thulyardine tumaro ilo pe tele mudarimasko dyes!
Krisardine haj mudardine le chachipes, haj voj muklaspe tumenge!
Aven apol pachake toleransha, mure phral, zhikaj le Rajesko avlipe! Aketa, vi la phuvako butyari zhukarel la phuvako kuch upajipe, pachasa zhukarel, zhikaj o angluno bake paluno brishind lela.
Aven vi tume pachimaske, haj zuralen tumaro ilo, ke le Rajesko avlipe pashe si!
Na vatyin mure phral, pe jekhavreste, ke tena krisaren tumen! Aketa, o krisari angla o vudar tordyol!
Ando dukhardyipe haj pachimasko toleranshipe te aven kasave, phralale, sar le profeti, kon ande Rajesko anav vorbinas!
Aketa, anandeske phenas len, ke avri inkerdine. Ashundine pa Jobesko pachako toleranshipe, haj dikhline lesko agor, so o Raj das, ke jertimasko si o Raj, haj muklimaskoj.
Angla sakofaloste apol mure pharal, na colaxaren chi po cheri, chi pe phuv, haj chi pe kaver varisoste! Te avel tumaro „ova” ova, haj tumaro „na” pale na, ke tena peren tala krisaripe!
Brigajvel varikon mashkar tumende? Te rudyil atunchi! Mishto hatyarelpe? Te gilyabel salmi!
Nasvalo si varikon mashkar tumende? Te akharavel la eklezhiake prezhbiteron, kodal te rudyin pe leste, haj te makhen les ulojesa ande Rajesko anav!
Anda patyape avilino rudyipe slobodisarel le nasvales, haj o Raj ushorisarel les, kana pale ande bezexa si, jertipe resela.
Phenen avri apol jekhavreske tumare bezexa, haj rudyin anda jekhavreste te sastyon, ke but sakofalo shaj kerel le zurale manushesko rudyipe.
O Illesh kasavo manush sas, sar ame, haj kana rudyindes rudyilas, ke tena del o brishind pe phuv, atunchi china chi delas trin bersh haj shov shon.
Pala kodo pale rudyilas, haj o cheri brishind das, haj e phuv das o upajipe.
Mure phral! Kana varikon mashkar tumende tele zhal pa chachimasko drom, haj varikon palpale anel les kothe,
te zhanel kodo, ke kon le bezexasles palpale anel pa nasul drom, muntosarel kodalesko duho kathar o meripe, haj andre sharavel leske bezexengo butipe.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly