capitolul 1
O Judash, le Jezush Kristoski sluga haj le Jakabesko phral, kodalenge, kas o Dadunodel kamel, le Jezush Kristoske inkrerdasles haj akhardasles.
Jertipe, pacha haj kamipe butarindes te davadyol tumenge!
Mure kamade, apol ke uzhoj muro kamipe, ke pa amaro muntosaripe te iskirisarav tumenge, kade gindisardom, ke trubuj ande kado lil te mangav tumen, ke te maren tume anda patyape, so jekhar haj sagutnes perdal dine le suntonge.
Ke chordanes andre aviline mashkar amende unyi manusha, kon aba dulmut avri si alosardine po krisaripe. Bidevleskirej, kon amare Devleski gracija pe penge hatyarimaske trabi bolden, haj le korkoro rajisardes, amare Rajes, le Jezush Kristos asvikaren.
Duma kamav te dav tumenge – apol sa kado mishto zhanen –, ke o Raj, pala soste avriskepisardas peske popularos pa Edyiptomeski phuv, majpalal kodalen, kon chi patyanas, mudardas.
Le andyelon pale, kon chi inkerdine pengo patyivipe, ba mukline pengo than, pe bare- dyesesko krisaripe pe sagutne sastra, ande tunyarikipe inkrel.
Zhikade vi e Sodoma haj Gomora, haj le pashutne forura, save marhimasle sas, haj pala kaver trupo phirenas, dukhardine la sagutna jagako sazdelipe, haj daramnimaske somnoske tordyonas angla amende.
Vi kadal khanchi gindimaske, zhikade nasvaren le trupos, le opralutnipes tele dikhen, le luvudyimaskiren pale kushen.
Ba o Mihaly anglalutno andyelo, kana le bengesa xalaspe haj marelaspe anda Mozeshesko trupo, chi tromalas kushlimasko krisipe te phenel pe leste, ba kodo phendas: „Te sazdelisarel tut o Raj!”
Kadal pale tele marhisaren sa kodo, so chi hatyaren. Ba so kathar e luma zhanen, sar le chalade pedura, perdal pa kodo ando rumuvjipe resen.
Jaj lenge, ke pe Kainesko drom phiren, haj le Balamesko bi zhanipe, pa barvalipe traden pen, haj sar o Koroe ando maripe, xasajvenatar.
Lazhamnimataj kadal pe tumare xamura, bi palpale inkerdines xan, haj pen thuljaren: bi brishindeske nororaj, saven le balvala kathe-kothe nashaven, tomnake, bi sumburoske, duvar avrixasajline, kathar e rikita avri- shindyilne kasht si,
turbato marake plemeni si, save penge marhimaske spuma maren, pelimaske cherhajaj, pe savende le tunyarikimasko tufano zhukarel sagutnes.
Pa kadal profecisardas o Henok, pala o Adam o eftato, kana kade das duma: „Aketa avel o Raj peske mija suntonca,
pe sakofaloste krisaripe inkrel, haj sazdelisarel sakono bidevleskires anda skono nasulipe, so nasules pecisardine: haj anda sakono azbaimaski vorba, so le bi devleskire bezexasle pe leste phendine.”
Furcimaske bi pachakej kadala, kon pe penge doromaske drom phiren: lengo muj phutyaripe vorbil, haj anda xanzhvalimata shon o lasho le manushenge.
Ba tume, mure kamade, serosardyon pa alava, so anglalutnes phendine amare Rajoske, le Jezush Kristoske aposhtolura.
Phendine tumenge, ke „ande palune dyesa prassavjimaske avna, kon pe penge doromaske drom phiren, ando bidevlipe.”
Kadal kodal si, kon alosardyontar, hatyarimaskej, biduhoske si von.
Ba tume, mure kamade, vazdadyon opre pe tumaro majsunto patyape, rudyisaren ando Sunto Duho,
inkren tumen ande Devlesko kamipe, haj zhukaren amare Rajosko le Jezush Kristosko jertipe po sagutno trajo!
Kadalen krisaren haj sadelisarentar:
kukolen pale muntosaren, haj len len avri anda jag! Pe majbutzhene pale jertisardyon dramnimasa! Inke vi kodal gada rucin, so bezexaslo phiradas!
Kodales pale, kas siles saktimo, bibezexesko te inkrel tumen, haj kana aveltar amaro Raj Jezush Kristo te tordyarel amen angla pesko luvudyipe uzhes haj anandimaske losshasa,
amare korkoro muntori Devleske, perdal pa amaro Raj Jezush Kristo, te avel luvudyipe haj asharipe, rajisaripe haj saktimo angla sako vrama, akanak haj saguno-sagutnes! Amen.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly