capitolul 1
O Pal, o Silvanus haj Timoteush le tessalonikicka eklezhiake, kon ando Dadunodel haj ando Jezush Kristo trajil. Gracija tumenge haj pachipe!
Najisipe phenas le Devleske anda savorazhenende sagda, kana serosardyuvas ande amare rudyimata. Sagda gindisaras
angla amaro Del haj Dad ande amaro Raj, ando Jezush Kristo inkerdo fruktosaripe, pe tumaro khinyisardo kamipe haj pe tumaro torelansho sperantipe.
Zhanas, kathar o Del kamle phral, ke alosarde sanle.
Ke ame o evangeliumo na feri vorbenca viacarasas tumende, ba vi zorasa haj Suntone Duhosa, haj intregonipesa. Ke zhanen, ke soske samas mashkar tumende, anda tumende.
Tume pale amare patyamne kerdyiline, haj le Rajeske, patyajline le alaves mashkar but kikidyimata, le Suntone Duhoske losshasa.
Kade patyivisarde kerdyiline sakoneske ande Makedonia haj ande Akhaj.
Ke le Rajeske alavesko viacaripe tumendar zhal majdur, na feri ande Makedonia haj Akhaj. Tumaro ando Del patyamnipe reslas pe sogode riga, kade china chi trubuj pa kado majdur te vorvisras.
Ke sakon vorbisarel pamende, ke sar reslam tumende, haj ke sar boldadyiline karing o Del kathar le fetisha, ke le trajisarde Devleske te slugisaren,
haj te zhukaren anda o rajo leske Shaves, kas opretrajardas anda meripe, le Jezushes, kon muntusarel amen kathar e avluni xolyi.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly