capitolul 5
Ba pa vrama haj pa chaso naj anda soste te iskirisarav tumenge phralale.
Ke vi tume mishto zhanen, ke le Rajesko dyes kade avelatar, sar ratyi o chor.
Kana kodo phenen: „Pachipe haj bi daripe”, zhi atunchi shindyol pe lende e bida, sar pe phari romnyi e dukh, haj chi muntosardyonatar.
Ba tume, phralale, chi sanle ando tunyarikipe, ke kodo dyes sar chor te del pe tumende.
Savorazhene le fimlalimaske haj le dyeseske shave sanle. Chi sam chi la ratyake haj chi le tunyarikimaske.
China tena sovas, sar le majbut, ba barem avas samalinde haj trazi!
Le sovjinde ratyi soven, le mate ratyi matyon tele.
Ba ame, kon le dyeseske sam, avas trazi, haj te las opre le patyapesko haj le kamipesko sastrune gada, sirastrumoske pale le muntosardyimasko sperantipe.
Ke o Del na pe xolyi kerdas amen, ba pe kodo, ke te resas o muntosardyipe, perdal pa amaro Raj pa Jezush Kristo,
kon mulas anda amende, ke opre te sam, te sovasa, lesa te trajisaras.
Ushorisaren apol jekhavres, haj aven pe jekhavrengo mishtyipe, sar vi keren kado.
Haj mangas inke tumen, phralale, ke te patyivisaren kodalen, kon khinyardyon mashkar tumende, kon tumare anglalutnara si ando Raj, haj ferin tumen.
Anda lengi butyi kamen len zurales! Trajin ande pacha jekhavresa!
Haj mangas inke tumen, phralale, ke lazhavaren tele le bi pachakiren, haj zuraren le daramne ilengiren, ferin le slabonen, haj aven toleransha sakonesa!
Len sama, ke khonyik, anda nasul nasulesa tena potyinel, ba sagda slugisaren jekhavres haj sakonesko mishtyipe!
Sagda loshshan!
Sagda rudyisaren!
Anda sakofaloste phenen najisipe, ke kado zhukarel o Del savorazhenendar ando Kristo Jezush.
Le duhos avri tena mudaren!
E profeticko vorba na dikhen tele!
Sakofalo gindisaren perdal: so lashoj, kodo inkresaren!
Kathar skofalo nasul ferin tumen!
La pachako Del te suntosarel tumen ande skofaloste, haj tumaro intrego duhipe, sar tumaro duho kade vi tumaro trupo te ashol bi doshako pe amaro Rajesko, pe Jesush Kristosko avlipe.
Kon akharel tumen, chachoj, kade vi kerel kodo.
Phralale, rudyisaren anda amende.
Drobovjisaren sakone phrales suntone chumindesa.
Vladisarav ande Rajesko anav, ke kado lil te ginaven opre sakone phraleske.
Amare Rajeski, le Jezush Kristoski gracija te avel tumenca! Amen.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly