capitolul 4
Phenav pale: zhikaj o arando cino si inke, ande khancheste naj majkaver kathar e sluga, ba sakofaloske raj si,
ba tala samalelara haj grizhara si zhikaj kodi vrama, so lesko dad vladisardas leske.
Kade vi ame, zhikaj cine samas inke, tala lumake trabi samas slugime.
Ba kana reslas la vramako intregonipe, o Del bishaldas peske Shaves, kon kathar romnyi arakhadyilas, haj tala krisako telalutno kerdyilas,
ke kodalen, kon tala kris sasle, te muntusarelle, haj te resas o svagardo shavipe.
Ke anda soste shave sanle, o Del bishaldas peske Shavesko Duho ande amaro ilo, kon kodo cipisarel: „Abba, Dade!”
Kade majdur chi san aba sluga, ba shavo: kana pale shavo, atunchi vi kodo kaske perelpe o muklipe kathar o Del.
Angla kodo, ke le Devles chi pinzharenas, kodalenge sluginas, so kathar e luma naj devle:
ba akanak, kana pinzhardine le Devles, haj pinzharde san angla o Del, sar bolden tumen pale karing le bi zorake haj chorrivane butya, ke kodalenge pale te slugisaren?
Dyesa inkren andre haj shon, vrami haj bersha!
Daravav tumen, ke dore anda khanchi khinyardom man mashkar tumende.
Aven kasave sar me som, ke vi me kasavo som sar tume: mangles mangav tumen, phralale! Khanchesa chi azbadine man.
Haj zhanen, ke ande truposko slabipe viacardom tumenge majanglal o evangeliumo:
haj kodo so zumavjipe shaj avilino ande muro trupo pe tumari rig, chi dikhline les tele, haj china chi rucisardine man, ba kade patyivisardine man, sar le Devleske andyelos, sar le Kristo Jezushes.
Kaj si apol tumaro anandimo? Ke chacharav pa tumende, ke te shaj avilinosas, vi tumare jakha avri shindinesas haj mange dinesasle.
Apolal tumaro dushmano kerdyilom, ke chachipe phenav tumenge?
Na lashe gindimatanca butyaren mashkar tumende, ba kamen te shinen man tumendar, ke pashalende te butyaren tume.
Lashi butyij sagda ande lashimaste te butyaren tumen, na feri atunchi, kana mashkar tumende som,
mure shave, kas dukhipesa arakhadyisarav pale, zhikaj o Kristo hatyardyol ande tumende!
Fajas man akanak tumende te avav, haj po kaver glaso te vorbisarav, ke kolo som anda tumende.
Phenen avri mange, kon tala e kris kamen te aven: chi ashunen la krisa?
Ke iskirime si: Le Abrahames duj shave sasles, o jekh kathar sluginya sas.
Ba kodo, kon kathar e sluginya sas, kathar o trupo arakhadyilas, kon pale kathar slobodo romnyi, anda vorbadinipe.
Kadal anda parabolimata phendine: ke kadal romnya le duj konvenciji somnosaren: e jekh pa Shinaicko plajestar si, so po slugipe arakhadyisarel, kadi si e Hagar.
E Hagar apol ande Arabija so si Shinaicko plaj somnosarel, haj somnosarel le akanutne Jeruzhalemos: ke peske shavenca kethanes ando slugipe trajil.
O uchimasko Jeruzhalemo pale slobodo si: kadij amari dej.
Ke iskirime si:
„Lossha, tu bi sumburaki, kon chi arakhadyisares:
vojintu haj cipisar, kon chi dukhares,
ke majbut si la muklanake shave,
sar kodalake, kas rom si”.
Tume pale phralale, sar o Izhak, le vorbadinipeske shave sanle.
Ba sar kodo atunchi, kon kathar o trupo arakhadyilas, nashavelas kodales kon kathar o duho sas, kade si vi akanak.
Ba so phenel o Iskiripe:”Nashav la sluginya haj lake shaves, ke la sluginyako shavo chi resela muklimata la slobodona romnyake shavesa”.
Apolal, phralale, na la sluginyake sam lake shave, ba la slobodona romnyake.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly