Evangeliumo kathar o Mark
capítulo 10
O Jezush ande Judea zhal
verso 1
Pala kodo gelastar kothar, perdal ande Judeake granica. Pale butimata zhanas leste, voj pale sityarelas len.
Pa shindyipe
verso 2
Le farizana kothe geline leste, avri te zumaven les, pushle lestar: „Slobodo si apol le mursheske, te bishalel peska romnya pestar?”
verso 3
Voj kado phendas lenge: „So vladisardas tumenge o Mozesh?”
verso 4
Pe kado kodo phendine: „O Mozesh muklas, shindyimasko lil te ramosaras haj te bishalasla”.
verso 5
Pe kado o Jezush kodo phendas lenge: „Anda tumare ilengo capenyipe iskirisardas tumenge kado vladipe.
verso 6
Ba le genezaripesko anglunipe o Del mursheske haj zhulyake kerdas len.
verso 7
Anda kado o manush mukhel peske dades haj peska da, haj kaj peski romnyi cirdelpe,
verso 8
kade le duj jekh trupo kerdyol. Kade aba na duj zhene si, ba jekh trupo.
verso 9
Apol so o Del kethane phanglas, kodo manush tena shinel jekhavrestar!”
verso 10
Kade apol leske sityarde pale pushline les pa kadi traba.
verso 11
Kodo phendas lenge: „Kon bishalel peska romnya haj kavera lela, ansurimataski bezex kerel kodalasa.
verso 12
Kana pale e romnyi mukhel peske romes haj kavereste zhal, ansuripe phagel kodalesa.”
Le shavorengo ashtyilipe
verso 13
Atunchi cine shavoren ingerdine leste, te resel lende, ba le sityarde nashade kodalen, kon andine len.
verso 14
Kado dikhles o Jezush oprexolyardyilas, haj kodo phendas lenge: „Muken mande t«aven le cine shavoren, haj na tordyon drom lenge, ke kasavengoj le Devlesko them.
verso 15
Ke Amen, phenav tumenge: Kon chi lel le Devleske themes kade, sar le cine shavora, chi zhal andre kothe.”
verso 16
Pala kodo ande peski angalyi las len, pe lende shutas pesko vast, haj ashtyilisardas len.
Pa barvalipe haj pa pala Jezushesko zhape
verso 17
Kana avri gelas po drom, kothe nashlas leste varikon, pe changa pelas angla leste haj pushlas lestar: „Lashe Maistrovona! So te kerav, te rakhav e saguti trajimata?”
verso 18
O Jezush kodo phendas leske pe kado: „Sostar phenes man lasheske? Khonyik naj lasho, feri korkoro o Del.
verso 19
Pinzhares le vladimata: Na mudar, na phag ansuripe, na chor, na colaxar xoxamnes, khanyikas na xoxav, patyivin tye dades haj tya da!
verso 20
Kuko kodo phendas leske: „Maistro! Kadal sa andre inkerdom aba zhi kathar muro ternipe.”
verso 21
Atunchi o Jezush pe leste dikhlas, pe voja sas leske, haj kodo phendas leske: „Inke jekh trubujas te keres: zhatar, bikin sakofalo so si tut, haj de kodo le chorrenge, atunchi avucija avla tut ando rajo. Pala kodo av pala mande!”
verso 22
Pe kado kodo brigako kerdyilas haj gelastar, ke baro barvalipe sas les.
verso 23
O Jezush apolal krujal dikhlas haj kodo phendas peske sityardenge: „Sosko phares resen ande Devlesko them kodal, kas barvalimata si!”
verso 24
Le sityarde chudinaspe pe leske vorbi. O Jezush pale duma das, haj kado phendas: „Mureshavora! Chaches, zurales pharoj ande Devlesko them andre te zhan!
verso 25
Majushoroj le dromedareske perdal te zhal pa suvako kan, sar le barvalenge andre te zhan ande Devlesko them.”
verso 26
Kodal pe kado inke majfeder chudinaspe, haj jekhavres pushenas: „Atunchi apol kon shaj muntusardyol?”
verso 27
Ba o Jezush pe lende dikhlas haj kade das duma: „Le manushenge bi shajipe si kado, ba le Devleske na; ke le Devleske sakofalo shajipe si.”.
verso 28
Atunchi o Peter das duma: „Aketa, ame muklam sakofalo haj avilam pala tute!”
verso 29
O Jezush kado phendas palpale: „Amen, phenav tumenge: sakon kon muklas pesko kher bake peske phralen, phenyan bake dades, deja, haj peske shavoren, bake peske phuva anda mande haj anda evangeliumo,
verso 30
shelvar kattyi lela aba akanak, ande kadi luma: khera, phralen, phenyan, daden, shavoren haj phuva, ba mashkar le nashavjimata, ande avluni luma pale e sagutni trajimata.
verso 31
Anda but zhene avna anda anglune palune, haj anda palune anglune.”
E trito profecia pa dukhardyipe haj pa opretrajisaripe
verso 32
Kana dromarnas, opre te zhan ando Jeruzhalemo, o Jezush angla lende zhalas. Le manusha chudinas les, leske sityarde pale daramnes zhanas pala leste. Atunchi pale peste las le deshudujen, haj las te vorbil lenge pa kodal, so pe leste zhukarel:
verso 33
„Aketa, opre zhas ando Jeruzhalemo haj le Manusheske Shaves perdal dena le angrashajenge haj le iskiritorenge. Po meripe krisarna les haj perdalden les le murtikanonge.
verso 34
Avri prassan les, tele shungarden les, chunyasa marena les haj mudaren les; ba po trito dyes opretrajisardyola.”
Pa rajimata haj pa slugimata
verso 35
Atunchi angla leste gelas le Zebedeushesko shavo, o Jakab haj o Janosh, haj kade dine duma: „Maistro! Kodo fajas amen, ke so mangas, te keresles amenge.”
verso 36
Voj pushlas lendar: „So kamen, te kerav tumenge?”
verso 37
Kodo phendine: „Ker kodo amenge, ke mashkar amende jekh pe tyi chachi rig o kaver pale pe tyo stungo te shaj beshel ande tyo luvudyipe.”
verso 38
O Jezush pe kado kodo phendas lenge: „Chi zhanen, ke so mangen. Zhanen te pen anda kodo taxtaj, anda soste me pav? Bake zhanen te bolen tumen kodola bolimatasa, sosa me bolarav man?”
verso 39
Von kodo phendine leske: „Zhanas.” Atunchi o Jezush kodo phendas lenge: „Anda taxtaj anda soste me pav, pena, haj la bolimatasa, sosa me bolav man, vi tume bolardyona.
verso 40
Ba kodo dinipe, ke pe muri chachi haj pa stungo rig kon te beshel, kodi na muri butyij. Kodo kodalengo avla, kaske kerdine les.”
verso 41
Kana le desh anshunde kado, xolyajline po Jakab haj po Janosh.
verso 42
Ba o Jezush peste akhardas len, haj kodo phendas lenge: „Zhanen, ke kas le populara rajeske inkren, kodal krajinpe pe lende, haj le bare saktimonpe pe lende.
verso 43
Ba mashkar tumende kado na kade si, ke kon baro kamel t«avel, kodo t«avel tumari sluga:
verso 44
kon pale angluno kamel t«avel mashkar tumende, kodo sluga avla sakoneske.
verso 45
Ke chi le Manushesko Shavo na anda kodo avilas, leske te slugin, ba anda kodo voj te slugisarel, haj pesko trajo te del churatimaske anda butimata.”
Le jerikovickone korresko sastyaripe
verso 46
Pala kado resline ando Jeriko. Kana avri gelas anda Jerikovo peske sityardenca haj le butipesa, o korro Bartímeus, le Tímeusesko shavo, pe dromeski jekh rig mangakerlas.
verso 47
Kana ashundas, ke o Nazareticko Jezush si kodo, laspe te cipil: „Jezush, Davidesko Shavo! Gracijisar pe mande!”
verso 48
But zhene pe leste dine duma, tena cipisarel. Ba voj inke majfeder cipilas: „Davidesko Shavo! Gracijisar pe mande!”
verso 49
O Jezush tordyilas haj vladisardas, te akharen les angla leste. Pe kado kothe akhardine le korres, kadale vorbenca: „Patya! Ushtyi opre, akharel tut!”
verso 50
Kodo pale tele shudas peske opralutne gada, oprexuttyilas haj kothe gelas leste.
verso 51
O Jezush duma das leste haj pushlas lestar: „So kames, so te kerav tuke?” O korro kodo phendas leske: „Maistro! Te dikhav!”
verso 52
O Jezush pe kado kodo phendas leske: „Zha, tyo patyape sastyardas tut.” Pe kado las te dikhel, haj zhalas pala leste po drom.
Libros
